[397] Yenāsi kīsiyā paṇḍu yena bhattaṁ na ruccati
ayaṁ so āgato bhatto 5 kasmādāni palāyasi.

[398] Nukho 6 panādikeneva santhavo nāma jāyati
yaso hāyati itthīnaṁ tasmā tāta palāyihaṁ 7 .

[399] Yasassinaṁ kule jātaṁ ābhataṁ 8 yā na icchati
1-3 Ma. gahīte. 2-4 Ma. viyuḷhe. 5 Sī. tāto. Ma. bhattā. 6 Sī. Ma. sace.
7 Ma. palāyahaṁ. 8 Sī. Ma. āgataṁ.
Socatī cirarattāya vātaggamiva gadrabhīti 1 .
Vātaggasindhavajātakaṁ chaṭṭhaṁ
----------
7 suvaṇṇakakkaṭakajātakaṁ 2

[400] Siṅgī migo āyatacakkhunetto
aṭṭhittaco vārisayo alomo
tenābhibhūto kapaṇaṁ rudāmi
māheva maṁ pāṇasamaṁ jaheyya.

[401] Ayya na taṁ jahissāmi kuñjaraṁ saṭṭhihāyanaṁ 3
paṭhabyā cāturantāya suppiyo hosi me tuvaṁ.

[402] Ye kuḷīrā samuddasmiṁ gaṅgāya yamunāya 4 ca
tesaṁ tvaṁ vārijo seṭṭho muñca rodantiyā patinti.
Suvaṇṇakakkaṭakajātakaṁ sattamaṁ.
--------
8 Ārāmadūsakajātakaṁ

[403] Yomesañca sametānaṁ 5 ahuvā seṭṭhasammato
tassāyaṁ edisī paññā kimeva itarā pajā.

[404] Evameva tuvaṁ brahme anaññāya vinindasi
kathaṁ hi mūlaṁ adisvā 6 rukkhaṁ jaññā patiṭṭhitaṁ.
1 Sī. kundalī. Ma. bhaddalī. 2 Ma. kakkaṭakajātakaṁ. 3 Sī. Yu. kuñjarasaṭṭhihāyana.
4 Sī. Yu. nammadāya. 5 Sī. Ma. yo ve sabbasametānaṁ. 6 Ma. kathaṁ mūlaṁ adisvāna.

[405] Nāhaṁ tumhe vinindāmi ye cettha 1 vānarā vane
vissaseno 2 ca gārayho yassatthā rukkharopakāti.
Ārāmadūsakajātakaṁ aṭṭhamaṁ.
---------
9 Sujātājātakaṁ 3

[406] Nahi vaṇṇena sampannā mañjukā piyadassanā
kharavācā piyā honti asmiṁ loke paramhi ca.