[377] Āpāsu me yuddhaparājitassa
ekassa katvā vivanasmi ghore
pasārayi kicchagatassa pāṇiṁ
tenuddhatāriṁ dukhasampareto.

[378] Etassa kicchena idhānupatto
veyyāsino 3 vīsaya jīvaloke
lābhāraho tāta tirītivaccho
dethassa bhogaṁ yajitañca 4 yaññanti.
Tiritivacchajātakaṁ navamaṁ.
---------
1 Ma. tirīṭa .... 2 Ma. tirīṭavaccho. 3 Sī. vesāyino. Ma. vesāyino visayā.
4 Ma. yajathañca. Sī. Yu. yajatañca.
10 Dūtajātakaṁ

[379] Yassatthā dūramāyanti amittamapi yācituṁ
tassūdarassahaṁ dūto mā me kujjha rathesabha.

[380] Yassa divā ca ratto ca vasamāyanti māṇavā
tassūdarassahaṁ dūto mā me kujjha 1 rathesabha.

[381] Dadāmi te brāhmaṇa rohiṇīnaṁ
gavaṁ sahassaṁ saha puṅgavena
dūto hi dūtassa kathaṁ na dajjaṁ
mayampi tasseva bhavāma dūtāti.
Dūtajātakaṁ dasamaṁ.
Saṅkappavaggo paṭhamo.
--------
Tassuddānaṁ
usukāravaro tilamuṭṭhi maṇi
hayarāja vihaṅgama āsīviso
janasandha kahāpaṇavassa puna
tiriti 2 puna dūtāvarena 3 dasa.
---------
1 Sī. Yu. kujjhi. 2 Ma. tiriṭaṁ. 3 Ma. dūtavarena.
2 Padumavaggo
1 padumajātakaṁ

[382] Yathā kesā ca massu ca chinnaṁ chinnaṁ virūhati
evaṁ rūhatu te nāsā padumaṁ dehi yācito.

[383] Yathā sāradikaṁ vījaṁ khette vuttaṁ virūhati
evaṁ rūhatu te nāsā padumaṁ dehi yācito.

[384] Ubhopi vilapantete 1 api padmāni dassati
vajjuṁ vā te na vā vajjuṁ natthi nāsāya rūhanā
dehi samma padumāni padmā me dehi yācitoti 2 .
Padumajātakaṁ paṭhamaṁ.
--------
2 Mudupāṇijātakaṁ

[385] Pāṇi ce muduko cassa nāgo cassa sukārito
andhakāro ca vasseyya atha nūna tadā siyā.

[386] Analā mudusambhāsā duppūrā tā nadīsamā
sīdanti naṁ viditvāna ārakā parivajjaye.