[367] Jarūdapānaṁ khaṇamānā vāṇijā udakatthikā
ajjhaggaṁsu ayolohaṁ 5 tipusīsañca māṇayo
rajataṁ jātarūpañca muttā veḷuriyā bahū.

[368] Te ca tena asantuṭṭhā bhiyyo bhiyyo khaṇiṁsu te 6
tatthapāsīviso ghoro 7 tejasī tejasā hani.
1 Ma. ayaṁ pāṭho natthi. 2 Sī. Yu. ajjhapāhari. 3 Ma. agiddhatā. 4 Ma. ca.
5 Ma. ajjhagamuṁ ayasaṁ lohaṁ. 6 Sī. akhāṇisu. Ma. akhāṇisuṁ. 7 Sī. Ma.
te tatthāsīviso ghoro.

[369] Tasmā khaṇe nātikkhaṇe atikkhātamhi pāpakaṁ
khaṇanena 1 dhanaṁ laddhaṁ atikkhātena nāsitanti.
Jarūdapānajātakaṁ chaṭṭhaṁ.
---------
7 Gāmaṇicandajātakaṁ

[370] Nāyaṁ gharānaṁ kusalo lolo ayaṁ valīmukho
kataṁ kataṁ kho padūseyya evaṁdhammamidaṁ kulaṁ.

[371] Nayidaṁ cittavato lomaṁ nāyaṁ assāsiko migo
satthaṁ 2 me janasandhena nāyaṁ kiñci vijānati.

[372] Na mātaraṁ pitaraṁ vā bhātaraṁ bhaginiṁ sakaṁ
bhareyya tādiso poso siṭṭhaṁ 3 dasarathena meti.
Gāmaṇicandajātakaṁ sattamaṁ.
--------
8 Mandhāturājajātakaṁ

[373] Yāvatā candimasuriyā (pariharanti) disā bhanti virocanā
sabbeva dāsā mandhātu ye pāṇā paṭhavissitā.

[374] Na kahāpaṇavassena titti kāmesu vijjati
appassādā dukhā kāmā iti viññāya paṇḍito.

[375] Api dibbesu kāmesu ratiṁ so nādhigacchati
1 Ma. khātena ca. 2 Ma. siṭṭhaṁ. 3 Sī. satthaṁ.
Taṇhakkhayarato hoti sammāsambuddhasāvakoti.
Mandhāturājajātakaṁ aṭṭhamaṁ.
---------
9 Tiritivacchajātakaṁ 1

[376] Nayimassa vijjāmayamatthi kiñci
na bandhavo no pana te sahāyo
atha kena vaṇṇena tirītivaccho 2
tedaṇḍiko bhuñjati aggapiṇḍaṁ.