[387] Yaṁ etā upasevanti chandasā vā dhanena vā
jātavedova saṇṭhānaṁ khippaṁ anudahanti nanti.
Mudupāṇijātakaṁ dutiyaṁ.
1 Ma. palapantete. 2 Ma. ahaṁ yācāmi yācito.
3 Cullapalobhanajātakaṁ

[388] Abhijjamāne vārismiṁ sayaṁ āgamma iddhiyā
missībhāvitthiyā gantvā saṁsīdasi mahaṇṇave.

[389] Āvaṭṭanī mahāmāyā brahmacariyavikopanā
sīdanti naṁ viditvāna ārakā parivajjaye.

[390] Yaṁ etā upasevanti chandasā vā dhanena vā
jātavedova saṇṭhānaṁ khippaṁ anudahanti nanti.
Cullapalobhanajātakaṁ tatiyaṁ.
----------
4 Mahāpanādajātakaṁ

[391] Panādo nāma so rājā yassa yūpo suvaṇṇiyo 1
tiriyaṁ soḷasubbedho uccamāhu 2 sahassadhā.

[392] Sahassakaṇḍo satageṇḍu dhajālu haritāmayo
anaccuṁ tattha gandhabbā cha sahassāni sattadhā.

[393] Evametaṁ tadā āsi yathā bhāsasi bhaddaji
sakko ahaṁ tadā āsiṁ veyyāvaccakaro tavāti.
Mahāpanādajātakaṁ catutthaṁ.
----------
5 Khurappajātakaṁ

[394] Disvā khurappe dhanuveganunne
1 Ma. suvaṇṇayo. 2 Ma. uddhamāhu.
Khagge gahite 1 tikhiṇe teladhote
tasmiṁ bhayasmiṁ maraṇe virūḷhe 2
kasmā nu te nāhu chambhitattaṁ.

[395] Disvā khurappe dhanuveganunne
khagge gahite 3 tikhiṇe teladhote
tasmiṁ bhayasmiṁ maraṇe virūḷhe 4
vedaṁ alatthaṁ vipulaṁ uḷāraṁ.

[396] So vedajāto ajjhabhaviṁ amitte
pubbeva me jīvitamāsi cattaṁ
na hi jīvite ālayaṁ kubbamāno
sūro kayirā sūrakiccaṁ kadācīti.
Khurappajātakaṁ pañcamaṁ.
---------
6 Vātaggasindhavajātakaṁ