[427] Tava saddhañca sīlañca viditvāna janādhipa
vaṇṇaṁ añjanavaṇṇena kāliṅgasmiṁ vinimhase 5 .
1-4 Ma. mānusakā. 2 Sī. Ma. kākanīḷasmimacchati. 3 Sī. Yu. tassa.
5 Ma. ninimuhase.

[428] Annabhaccā ca bhaccā ca yodha uddissa gacchati
sabbete appaṭikkhippā pubbācariyavaco idaṁ.

[429] Dadāmi vo brāhmaṇā nāgametaṁ
rājārahaṁ rājabhogaṁ 1 yasassinaṁ
alaṅkataṁ hemajālābhichannaṁ
sasārathī 2 gacchatha yenakāmanti.
Kurudhammajātakaṁ chaṭṭhaṁ.
---------
7 Romajātakaṁ

[430] Vassāni paññāsa samādhikāni
vāsimhi selassa guhāya romaka
asaṅkamānā abhinibbutacittā 3
hatthatthamāyanti 4 mamaṇḍajā pure.

[431] Tedāni vaṅkaṅga 5 kimatthamussukkā 6
bhajanti aññaṁ girikandaraṁ dijā
nanu na maññanti mamaṁ yathā pure
cirampavuṭṭhā athavā na te ime.

[432] Jānāma taṁ na mayaṁ sammuḷhā 7
sveva tvaṁ te mayamasma naññe 8
1 Ma. rājabhoggaṁ. 2 Ma. sasārathiṁ. 3 Ma. abhinibbutattā. 4 Ma. hatlattamāyanti.
5 Sī. Ma. vakkaṅga. 6 Ma. kimatthamussukā. 7 Ma. sampamuḷhā. 8 Ma. nāññe.
Cittañca te asmi jane paduṭṭhaṁ
ājīvaka 1 tena taṁ uttasāmāti.
Romajātakaṁ sattamaṁ.
--------
8 Mahisajātakaṁ 2

[433] Kimatthamabhisandhāya 3 lahucittassa dubbhino 4
sabbakāmaduhasseva 5 imaṁ dukkhaṁ titikkhasi.

[434] Siṅgena nīharāsetaṁ 6 padasāva adhiṭṭhaha
bhiyyo bālā pakuṭṭeyyuṁ 7 no cassa paṭisedhako.

[435] Mamevāyaṁ maññamāno aññaṁpevaṁ 8 karissati
te naṁ tattha vadhissanti sā me mutti bhavissatīti.
Mahisajātakaṁ aṭṭhamaṁ.
-------
9 Satapattajātakaṁ

[436] Yathā māṇavako panthe sigāliṁ vanagocariṁ
atthakāmaṁ pavedenti anatthakāmāti maññati
anatthakāmaṁ satapattaṁ atthakāmoti maññati.