[337] Ahaṁ taṁ saraṇaṁ samma ahamācariyapūjako
na taṁ jayissati sisso sissamācariya jessasīti.
Guttilajātakaṁ tatiyaṁ.
--------
4 Vigaticchajātakaṁ

[338] Yaṁ passati na taṁ icchati yañca na passati taṁ kira icchati
maññāmi ciraṁ carissati na hi taṁ lacchati yaṁ so icchati.

[339] Yaṁ labhati na tena tussati yaṁ [4]- pattheti laddhaṁ hīḷeti
icchā hi anantagocarā vigaticchānaṁ namo karomaseti.
Vigaticchajātakaṁ catutthaṁ.
1 Ma. pamuñceyya. 2 Ma. asito ca. 3 Ma. - passupatū jano. 4 Ma. ca.
5 Mūlapariyāyajātakaṁ

[340] Kālo ghasati bhūtāni sabbāneva sahattanā
yo ca kālaghaso bhūto sa bhūtapacaniṁ paci.

[341] Bahūni narasīsāni lomasāni brahāni ca
gīvāsu paṭimukkāni koci devettha kaṇṇavāti.
Mūlapariyāyajātakaṁ pañcamaṁ.
---------
6 Bālovādajātakaṁ 1

[342] Hantvā ghatvā 2 vadhitvā ca deti dānaṁ asaññato
īdisaṁ bhattaṁ bhuñjamāno sa pāpamupalimpati 3 .

[343] Puttadārampi ce hantvā deti dānaṁ asaññato
bhuñjamānopi sappañño na pāpamupalimpatīti 3 .
Bālovādajātakaṁ chaṭṭhaṁ.
----------
7 Pādañjalijātakaṁ

[344] Addhā pādañjalī sabbe paññāya atirocati
tathā hi oṭṭhaṁ bhañjati uttariṁ nūna passati.

[345] Nāyaṁ dhammaṁ adhammaṁ vā atthānatthañca bujjhati
1 Sī. telovādajātakaṁ. 2 Ma. chetvā. 3 Sī. Yu. pāpena.
Aññatra oṭṭhanibbhogā nāyaṁ jānāti kiñcananti.
Pādañjalijātakaṁ sattamaṁ.
---------
8 Kiṁsukopamajātakaṁ

[346] Sabbehi kiṁsuko diṭṭho kinvettha vicikicchatha
na hi sabbesu ṭhānesu sārathi 1 paripucchito.