[317] Tvamevadānimakari 1 yaṁ kāmo byagamā tayi
soyaṁ appaṭisandhiko kharā chinnaṁva renukaṁ 2 .

[318] Atricchā 3 atilobhena atilobhamadena ca
evaṁ hāyati atthamhā ahaṁva asitābhuyāti.
Asitābhujātakaṁ catutthaṁ.
---------
5 Vacchanakhajātakaṁ

[319] Sukhā gharā vacchanakha sahiraññā sabhojanā
yattha bhutvā pivitvā ca sayeyyāsi 4 anussuko.

[320] Gharā nānīhamānassa gharā nābhaṇato musā
gharā nādinnadaṇḍassa paresaṁ anikubbato
evaṁ chiddaṁ durabhisambhavaṁ 5 ko gharaṁ paṭipajjatīti.
Vacchanakhajātakaṁ pañcamaṁ.
1 Ma. -makaraṁ. 2 Sī. Yu. rerukaṁ. 3 Ma. atricchaṁ. 4 Ma. sayeyyātha.
5 Sī. Yu. durabhibhavaṁ.
6 Bakajātakaṁ

[321] Bhaddako vatāyaṁ pakkhī dijo kumudasannibho
vūpasantehi pakkhehi mandamandova jhāyati.

[322] Nāssa sīlaṁ vijānātha anaññāya pasaṁsatha
amhe dijo na pāleti tena pakkhī na phandatīti.
Bakajātakaṁ chaṭṭhaṁ.
--------
7 Sāketajātakaṁ

[323] Ko nu kho bhagavā hetu ekacce idha puggale
atīva hadayaṁ nibbāti cittañcāpi pasīdati.

[324] Pubbeva sannivāsena paccuppannahitena vā
evantaṁ jāyate pemaṁ uppalaṁva yathodaketi.
Sāketajātakaṁ sattamaṁ.
---------
8 Ekapadajātakaṁ

[325] Iṅgha ekapadaṁ tāta anekatthapadassitaṁ 1
kiñci saṅgahitaṁ brūhi yenatthe sādhayemase.

[326] Dakkheyyekapadaṁ tāta anekatthapadassitaṁ
tañca sīlena saṁyuttaṁ khantiyā upapāditaṁ
1 Sī. Yu. -padanissitaṁ.
Alaṁ mitte sukhāpetuṁ amittānaṁ dukhāya vāti 1 .
Ekapadajātakaṁ aṭṭhamaṁ.
--------
9 Haritamātajātakaṁ 2