[307] Gajaggameghebhi hayaggamālibhi
rathūmijātebhi sarābhivassabhi 1
dhanuggahā 2 vaṭṭadaḷhappahāribhi
parivāritā takkasilā samantato.

[308] Abhidhāvathā cuppatathā ca 3
vividhavinaditā 4 va dantibhi
vattatajja tumulo ghoso 5
yathā vijjutā jaladharassa gajjatoti.
Palāyijātakaṁ navamaṁ.
--------
10 Dutiyapalāyijātakaṁ 6

[309] Dhajamaparimitaṁ anantapāraṁ
duppasahaṁ dhaṅkehi sāgaramiva
girimiva anilena duppasaho 7
duppasaho 7 ahamajja tādisena.
1 Ma. sabhābhivassebhi. 2 Sī. Ma. tharuggahā. 3 Ma. abhidhāvatha cūpadhāvatha ca.
4 Ma. vividhā vināditā. 5 Ma. ... ghoso yathā vijjulatā ....
6 dutiyapalāyitajātakaṁ. 7 Ma. duppasayho.

[310] Mā bāliyaṁ vippalapi 1 na hissa tādisaṁ
vidayhase 2 na hi labhase nisedhakaṁ
āsajjasi gajamiva ekacārinaṁ
yo taṁ padā naḷamiva pothayissatīti.
Dutiyapalāyijātakaṁ dasamaṁ.
Kāsāvavaggo aṭṭhamo.
--------
Tassuddānaṁ
varavattha vaco dumakhīṇaphalaṁ
caturodhammavaraṁ purisuttama
dhaṅka magadhā ca tayogiri nāma
gajaggavaro dhajavarena dasa.
--------
9 Upāhanavaggo
1 upāhanajātakaṁ

[311] Yathāpi kītā purisassupāhanā
sukhassa atthāya dukhaṁ udabbahe
ghammābhitattā talasāva pīḷitā
tasseva pāde purisassa khādare.
1 Ma. vilapi. 2 Sī. Yu. viḷayhase.

[312] Evameva yo dukkulino anariyo
tumhākaṁ vijjañca sutañca ādiya
tameva so tattha sutena khādati
anariyo vuccatupāhanūpamoti 1 .
Upāhanajātakaṁ paṭhamaṁ.
--------
2 Vīṇāthūṇajātakaṁ

[313] Ekacintito ayamattho bālo apariṇāyako
na hi khujjena vāmena bhoti saṅgantumarahasi.

[314] Purisūsabhaṁ maññamānā ahaṁ khujjamakāmayiṁ
soyaṁ saṅkuṭito seti chinnatanti yathā viṇāti.
Vīṇāthūṇajātakaṁ dutiyaṁ.
---------
3 Vikaṇṇakajātakaṁ

[315] Kāmaṁ yahiṁ icchasi tena gaccha
viddhosi mammamhi vikaṇṇakena
hatosi bhattena savāditena 2
lolova 3 macche anubandhamāno.

[316] Evampi lokāmisamopatanto
1 Ma. vuccati dupāhanūpamo. 2 Ma. suvāditena. 3 Ma. lolo ca.
Vihaññati cittavasānuvattī
so haññati ñātisakhāna majjhe
macchānugo soriva suṁsumāroti.
Vikaṇṇakajātakaṁ tatiyaṁ.
--------
4 Asitābhujātakaṁ