[327] Āsīvisampi maṁ santaṁ paviṭṭhaṁ kumināmukhaṁ
ruccate haritāmātā yaṁ maṁ khādanti macchakā.

[328] Vilumpateva puriso yāvassa upakappati
yadā caññe vilumpanti so vilutto vilumpatīti.
Haritamātajātakaṁ navamaṁ.
--------
10 Mahāpiṅgalajātakaṁ

[329] Sabbo jano hiṁsito piṅgalena
tasmiṁ mate paccayaṁ 3 vedayanti
piyo nu te āsi akaṇhanetto
kasmā nu tvaṁ rodasi dvārapāla.

[330] Na me piyo āsi akaṇhanetto
bhāyāmi paccāgamanāya tassa
ito gato hiṁseyya maccurājaṁ
so hiṁsito āneyya puna idha.

[331] Daḍḍho vāhasahassehi sitto ghaṭasatehi so
1 Ma. cāti. 2 Ma. haritamaṇḍūkajātakaṁ. 3 Ma. paccayā.
Parikkhittā ca sā bhūmi mā bhāyi nāgamissatīti 1 .
Mahāpiṅgalajātakaṁ dasamaṁ.
Upāhanavaggo navamo.
--------
Tassuddānaṁ
varupāhana khujja vikaṇṇakako
asitābhuya pañcamavacchanakho
dija pemavaruttama ekapadaṁ
kumināmukha piṅgalakena dasa.
--------
10 Sigālavaggo
1 sabbadāṭhijātakaṁ

[332] Sigālo mānathaddho ca parivārena atthiko
pāpuṇi mahatiṁ bhūmiṁ rājāsi sabbadāṭhinaṁ.

[333] Evameva manussesu yo hoti parivāravā
so hi tattha mahā hoti sigālo viya dāṭhinanti.
Sabbadāṭhijātakaṁ paṭhamaṁ.
--------
1 Sī. ayaṁ pacchimagāthā na dissati.
2 Sunakhajātakaṁ

[334] Bālo vatāyaṁ sunakho yo varattaṁ na khādati
bandhanā ca pamoceyya 1 asitova 2 gharaṁ vaje.

[335] Aṭṭhitaṁ me manasmiṁ me atho me hadaye kataṁ
kālañca paṭikaṅkhāmi yāva pasupatujjanoti 3 .
Sunakhajātakaṁ dutiyaṁ.
-------
3 Guttilajātakaṁ

[336] Sattatantiṁ sumadhuraṁ rāmaṇeyyaṁ avācayiṁ
so maṁ raṅgamhi avheti saraṇaṁ me hohi kosiya.