[287] Hiraññaṁ me suvaṇṇaṁ me esā rattindivā kathā
dummedhānaṁ manussānaṁ ariyadhammaṁ apassataṁ

[288] Dve dve gahapatayo gehe eko tattha amassuko
lambatthano veṇikato atho aṅkitakaṇṇako
kīto dhanena bahunā so taṁ vitudate jananti.
Garahitajātakaṁ navamaṁ.
--------
10 Dhammaddhajajātakaṁ

[289] Sukhaṁ jīvitarūposi raṭṭhā vivanamāgato
so ekako (araññasmiṁ) 2 rukkhamūle kapaṇo viya jhāyasi.

[290] Sukhaṁ jīvitarūposmi raṭṭhā vivanamāgato
so ekako (araññasmiṁ) 2 rukkhamūle kapaṇo viya jhāyāmi
1 Ma. bhavati cāpi. 2 Ma. ayaṁ pāṭho natthi.
Sataṁ dhammaṁ anussaranti.
Dhammaddhajajātakaṁ dasamaṁ.
Bīraṇatthambhakavaggo sattamo.
--------
Tassuddānaṁ
atha bīraṇatthambhavaro ca naṭo
kururājavaruttama puṇṇanadī
bahubhāṇi aggi pavane mūsikā
saha lambatthano kapaṇena dasa.
---------
8 Kāsāvavaggo
1 kāsāvajātakaṁ

[291] Anikkasāvo kāsāvaṁ yo vatthaṁ paridahissati
apeto damasaccena na so kāsāvamarahati.

[292] Yo ca vantakasāvassa sīlesu susamāhito
upeto damasaccena sa ve kāsāvamarahatīti.
Kāsāvajātakaṁ paṭhamaṁ.
--------
2 Cullanandiyajātakaṁ

[293] Idaṁ tadācariyavaco pārāsariyo yadābravi 1
mā su tvaṁ akari 2 pāpaṁ yaṁ tvaṁ pacchā katantape.

[294] Yāni karoti puriso tāni attani passati
kalyāṇakārī kalyāṇaṁ pāpakārī ca pāpakaṁ
yādisaṁ vapate bījaṁ tādisaṁ harate phalanti.
Cullanandiyajātakaṁ dutiyaṁ.
---------
3 Puṭabhattajātakaṁ

[295] Name namantassa bhaje bhajantaṁ
kiccānukubbassa kareyya kiccaṁ
nānatthakāmassa kareyya atthaṁ
asambhajantampi na sambhajeyya.

[296] Caje cajantaṁ vanathaṁ na kayirā
apetacittena na sambhajeyya
dijo dumaṁ khīṇaphalaṁva ñatvā
aññaṁ samekkheyya mahā hi lokoti.
Puṭabhattajātakaṁ tatiyaṁ.
--------
1 Ma. yadabravi. 2 Sī. Yu. akarā.
4 Kumbhīlajātakaṁ