[277] Puṇṇaṁ nadiṁ yena ca peyyamāhu
1 Ma. kurujātakaṁ. 2 Ma. kururājāti. 3 Yu. raṭṭhena.
Jātaṁ yavaṁ yena ca guyhamāhu
dūraṁ gataṁ yena ca avhayanti
so tyābhato handa ca bhuñja brāhmaṇa.

[278] Yato maṁ saratī rājā vāyasampi pahetave
haṁsā koñcā mayūrā ca asatiyeva pāpiyāti.
Puṇṇanadījātakaṁ catutthaṁ.
--------
5 Kacchapajātakaṁ

[279] Avadhi vata attānaṁ kacchapova pabyāharaṁ 1
suggahitasmiṁ kaṭṭhasmiṁ vācāya sakiyā vadhi.

[280] Etampi disvā naravīraseṭṭha
vācaṁ pamuñce kusalaṁ nātivelaṁ
passasi bahubhāṇena kacchapaṁ byasanaṁ gatanti.
Kacchapajātakaṁ pañcamaṁ.
--------
6 Macchajātakaṁ

[281] Na māyamaggi tapati na sūlo sādhu tacchito
yañca maṁ maññate macchī aññaṁ so ratiyā gato.
1 Sī. Ma. kacchapo vayāharaṁ giraṁ.

[282] So maṁ dahati rāgaggi cittañcūpatapeti maṁ
jālino muñcathayirā maṁ na kāme haññate kvacīti.
Macchajātakaṁ chaṭṭhaṁ.
--------
7 Seggujātakaṁ

[283] Sabbo loko attamano ahosi
akovidā gāmadhammassa seggu
komāriko nāma tavajja dhammo
yaṁ tvaṁ gahitā pavane parodasi.

[284] Yo dukkhaphuṭṭhāya bhaveyya tāṇaṁ
so me pitā dubbhi vane karoti
sā kassa kandāmi vanassa majjhe
yo tāyitā so sahasā karotīti.
Seggujātakaṁ sattamaṁ.
--------
8 Kūṭavāṇijajātakaṁ

[285] Saṭhassa sāṭheyyamidaṁ sucintitaṁ
paccoḍḍitaṁ paṭikūṭassa kūṭaṁ
phālaṁ ce khādeyyuṁ 1 mūsikā
kasmā kumāraṁ kulalā no hareyyuṁ.
1 Sī. Yu. adeyyuṁ.

[286] Kūṭassa hi santi kūṭakūṭā
bhavati paro 1 nikatino nikatyā
dehi puttanaṭṭha phālanaṭṭhassa phālaṁ
mā te puttamahāsi phālanaṭṭhoti.
Kūṭavāṇijajātakaṁ aṭṭhamaṁ.
---------
9 Garahitajātakaṁ