[267] Diṭṭhā mayā vane rukkhā assakaṇṇā vibhedakā 4
na tāni evaṁ sakkanti yathā tvaṁ rukkhaṁ sakkasi.

[268] Purāṇakakkaro 5 ayaṁ bhetvā pañjaramāgato
kusalo vālapāsānaṁ apakkamati bhāsatīti.
Kakkarajātakaṁ navamaṁ.
---------
10 Kandagalakajātakaṁ

[269] Ambho ko nāmayaṁ rukkho sinnapatto 6 sakaṇṭako
yattha ekappahārena uttamaṅgaṁ visāṭitaṁ 7 .

[270] Acāri vatāyaṁ vitudaṁ vanāni
kaṭṭhaṅgarukkhesu asārakesu
1 Ma. susu .... 2 susumāra. 3 Ma. kukkuṭajātakaṁ. 4 Ma. sabbattha vibhīṭakā.
5 Ma. purāṇakukkuṭo. 6 Sī. Yu. sīnapatto. 7 Ma. vibhijjitaṁ.
Athāsadā khadiraṁ jātasāraṁ
yatthabbhidā garuḷo uttamaṅganti.
Kandagalakajātakaṁ dasamaṁ.
Nataṁdaḷhavaggo chaṭṭho.
---------
Tassuddānaṁ
daḷhabandhana haṁsavaro ca puna
virūpakkha saviṭṭhaka macchavaro
sakuruṅga sāssaka ambavaro
puna kukkuṭako garuḷena dasa.
---------
7 Bīraṇatthambhakavaggo
1 somadattajātakaṁ

[271] Akāsi yoggaṁ dhuvamappamatto
saṁvaccharaṁ bīraṇatthambhakasmiṁ
byākāsi aññaṁ 1 parisaṁ vigayha
na niyyamo tāyati appapaññaṁ.

[272] Dvayaṁ yācanako tāta somadatta nigacchati
1 Sī. Ma. saññaṁ.
Alābhaṁ dhanalābhaṁ vā evaṁ dhammā hi yācanāti.
Somadattajātakaṁ paṭhamaṁ.
---------
2 Ucchiṭṭhabhattajātakaṁ

[273] Añño uparimo vaṇṇo añño vaṇṇo ca heṭṭhimo
brāhmaṇi tveva pucchāmi kiṁ heṭṭhā kiñca uppari.

[274] Ahaṁ naṭosmi bhaddante bhikkhakosmi idhāgato
ayaṁ hi koṭṭhamotiṇṇo ayaṁ so yaṁ gavesasīti.
Ucchiṭṭhabhattajātakaṁ dutiyaṁ.
---------
3 Bharurājajātakaṁ 1

[275] Isīnamantaraṁ katvā bharurājāti 2 me sutaṁ
ucchinno saha raṭṭhehi 3 sa rājā vibhavaṁ gato.

[276] Tasmā hi chandāgamanaṁ nappasaṁsanti paṇḍitā
aduṭṭhacitto bhāseyya giraṁ saccūpasañhitanti.
Bharurājajātakaṁ tatiyaṁ.
---------
4 Puṇṇanadījātakaṁ