[247] Ubhayaṁ me na khamati ubhayaṁ me na ruccati
yā cāyaṁ koṭṭhamotiṇṇā na dassaṁ 2 iti bhāsati.

[248] Taṁ taṁ gāmapati brūmi kadare appasmiṁ jīvite
dve māse saṅgaraṁ 3 katvā maṁsaṁ jaraggavaṁ kisaṁ
appattakāle codesi tampi mayhaṁ na ruccatīti.
Gahapatijātakaṁ navamaṁ.
--------
1 Ma. mummure upakūthitoti. 2 Ma. nāddasaṁ. 3 Sī. Yu. kāraṁ katvā.
10 Sādhusīlajātakaṁ

[249] Sarīradabyaṁ vuḍḍhabyaṁ sojaccaṁ sādhusīliyaṁ
brāhmaṇanteva pucchāma kinnu 1 tesaṁ vanimhase 2 .

[250] Attho atthi sarīrasmiṁ vuḍḍhabyassa namo kare
attho atthi sujātasmiṁ sīlaṁ asmāka ruccatīti.
Sādhusīlajātakaṁ dasamaṁ
ruhakavaggo pañcamo.
---------
Tassuddānaṁ
apiruhaka rūpavatī musalo
pavasanti sapañcamapokkharaṇī
atha muttimavāṇija umhayate
cirāagata koṭṭha sarīra dasa.
---------
6 Nataṁdaḷhavaggo
1 bandhanāgārajātakaṁ

[251] Na taṁ daḷhaṁ bandhanamāhu dhīrā
yadāyasaṁ dārujapabbajañca
sārattarattā maṇikuṇḍalesu
1 Ma. kannu. 2 Ma. vaṇimhase.
Puttesu dāresu ca yā apekkhā.

[252] Etaṁ daḷhaṁ bandhanamāhu dhīrā
ohārinaṁ sithiladuppamuñcaṁ 1
etampi chetvāna vajanti dhīrā
anapekkhino kāmasukhaṁ pahāyāti.
Bandhanāgārajātakaṁ paṭhamaṁ.
--------
2 Keḷisīlajātakaṁ

[253] Haṁsā koñcā mayūrā ca hatthiyo pasadā migā
sabbe sīhassa bhāyanti natthi kāyasmi tulyatā.

[254] Evameva manussesu daharo cepi paññavā
so hi tattha mahā hoti neva bālo sarīravāti.
Keḷisīlajātakaṁ dutiyaṁ.
---------
3 Khandhaparittajātakaṁ 2

[255] Virūpakkhehi me mettaṁ mettaṁ erāpathehi me
chabyāputtehi me mettaṁ mettaṁ kaṇhāgotamakehi ca
apādakehi me mettaṁ mettaṁ dipādakehi me
catuppadehi me mettaṁ mettaṁ bahuppadehi me
mā maṁ apādako hiṁsi mā maṁ hiṁsi dipādako
1 Ma. sithilaṁ duppamuñcaṁ. 2 Ma. khaṇḍajātakaṁ.
Mā maṁ catuppado hiṁsi mā maṁ hiṁsi bahuppado
sabbe sattā sabbe pāṇā sabbe bhūtā ca kevalā
sabbe bhadrāni passantu mā kiñci 1 pāpamāgamā.

[256] Appamāṇo buddho appamāṇo dhammo appamāṇo
saṅgho pamāṇavantāni siriṁsapāni ahi vicchikā satapadī uṇṇānābhī
sarabū mūsikā katā me rakkhā katā me parittā paṭikkamantu
bhūtāni sohaṁ namo bhagavato namo sattannaṁ sammāsambuddhānanti.
Khandhaparittajātakaṁ tatiyaṁ.
---------
4 Vīrakajātakaṁ