[237] Na santi devā pavasanti nūna
na hi nūna santi idha lokapālā
sahasā karontānamasaññatānaṁ
na hi nūna santi 3 paṭisedhitāro.

[238] Akāle vassatī tassa kāle tassa na vassati
1 Ma. ahampi. 2 Ma. komārapatī. 3 Ma. santī.
Saggā ca cavati ṭhānā nanu so tāvatā hatoti.
Maṇicorajātakaṁ catutthaṁ.
--------
5 Pabbatūpattharajātakaṁ

[239] Pabbatūpatthare 1 ramme jātā pokkharaṇī sivā
taṁ sigālo apāpāsi 2 jānaṁ sīhena rakkhitaṁ.

[240] Pivanti ce mahārāja sāpadāni mahānadiṁ
na tena anadī hoti khamassu yadi te piyāti.
Pabbatūpattharajātakaṁ pañcamaṁ.
----------
6 Valāhakassajātakaṁ

[241] Ye na kāhanti ovādaṁ narā buddhena desitaṁ
byasanaṁ te gamissanti rakkhasīhiva vāṇijā.

[242] Ye ca kāhanti ovādaṁ narā buddhena desitaṁ
sotthiṁ pāraṁ gamissanti valāheneva vāṇijāti.
Valāhakassajātakaṁ chaṭṭhaṁ.
---------
7 Mittāmittajātakaṁ

[243] Na naṁ umhayate disvā na ca naṁ paṭinandati
cakkhūni cassa na dadāti paṭilomañca vattati.
1 Sī. Yu. pabbatapatthare. 2 Ma. apāpāyi.

[244] Ete bhavanti ākārā amittasmiṁ patiṭṭhitā
yehi amittaṁ jāneyya disvā sutvā ca paṇḍitoti.
Mittāmittajātakaṁ sattamaṁ.
---------
8 Rādhajātakaṁ

[245] Pavāsā āgato tāta idāni na cirāgato
kacci nu tāta te mātā na aññamupasevati.

[246] Na kho panetaṁ subhaṇaṁ giraṁ saccūpasañhitaṁ
sayetha poṭṭhapādova mummare upakūsitoti 1 .
Rādhajātakaṁ aṭṭhamaṁ.
--------
9 Gahapatijātakaṁ