[217] Dūsito giridattena 3 hayo sāmassa paṇḍavo
porāṇaṁ pakatiṁ hitvā tassevānuvidhiyyati.
1 Ma. abbaha. 2 Ma. puṭṭho. 3 Yu. giridantena.

[218] Sace ca tanujo poso siṅgārākārakappito 1
ānane taṁ gahetvāna maṇḍale parivattaye
khippameva pahantvāna tassevānuvidhiyyatīti.
Giridattajātakaṁ catutthaṁ.
--------
5 Anabhiratijātakaṁ

[219] Yathodake āvile appasanne
na passati sippikasambukañca
sakkharaṁ vālukaṁ macchagumbaṁ
evaṁ āvilamhi citte
na so passati attadatthaṁ paratthaṁ.

[220] Yathodake acche vippasanne
so passati sippikasambukañca
sakkharaṁ vālukaṁ macchagumbaṁ
evaṁ anāvilamhi citte
so passati attadatthaṁ paratthanti.
Anabhiratijātakaṁ pañcamaṁ.
--------
1 Sī. Ma. sikharākārakappito.
6 Dadhivāhanajātakaṁ

[221] Vaṇṇagandharasūpeto amboyaṁ ahuvā pure
tameva pūjaṁ labhamāno kenambo kaṭukapphalo.

[222] Pucimandaparivāro ambo te dadhivāhana
mūlaṁ mūlena saṁsaṭṭhaṁ sākhā sākhaṁ nisevare 1
asātasannivāsena tenambo kaṭukapphaloti.
Dadhivāhanajātakaṁ chaṭṭhaṁ.
---------
7 Catumaṭṭhajātakaṁ

[223] Ucce viṭapimāruyha mantayavho rahogatā
nīce oruyha mantavho migarājāpi sossati.

[224] Yaṁ supaṇṇo supaṇṇena 2 devo devena mantaye
kiṁ tattha 3 catumaṭṭhassa vilaṁ pavisa jambukāti.
Catumaṭṭhajātakaṁ sattamaṁ.
---------
8 Sīhakotthukajātakaṁ

[225] Sīhaṅguli sīhanakho sīhapādappatiṭṭhito
so sīho sīhasaṅghamhi eko nadati aññathā.
1 Ma. nivīsare. 2 Ma. yaṁ suvaṇṇo suvaṇṇena. 3 Ma. kiṁtettha.

[226] Mā tvaṁ nadi rājaputta appasaddo vane vasa
sarena kho taṁ jāneyyuṁ na hi te pettiko saroti.
Sīhakotthukajātakaṁ aṭṭhamaṁ
----------
9 sīhacammajātakaṁ