[197] Adamha te vāri bahuttarūpaṁ 1
ghammābhitattassa pipāsitassa
sodāni pitvāna kikiṁ 2 karosi
na saṅgamo pāpajanena seyyo.

[198] Ko te suto vā diṭṭho vā sīlavā nāma makkaṭo
idāni kho taṁ ohaccaṁ 3 esā asmākadhammatāti.
Dubbhiyamakkaṭajātakaṁ catutthaṁ.
----------
5 Ādiccupaṭṭhānajātakaṁ

[199] Sabbesu kira bhūtesu santi sīlasamāhitā
passa sākhamigaṁ jammaṁ ādiccamupatiṭṭhati.

[200] Nāssa sīlaṁ vijānātha anaññāya pasaṁsatha
1 Ma. pahūtarūpaṁ. 2 Ma. kidhiṁ. 3 Ma. ohacchaṁ.
Aggihutañca ūhanaṁ 1 dve ca bhinnā kamaṇḍalūti.
Ādiccupaṭṭhānajātakaṁ pañcamaṁ.
---------
6 Kaḷāyamuṭṭhijātakaṁ

[201] Bālo vatāyaṁ dumasākhagocaro
paññā janinda nayimassa vijjati
kaḷāyamuṭṭhiṁ avakiriya kevalaṁ
ekaṁ kaḷāyaṁ patitaṁ gavesati.

[202] Evameva mayaṁ rāja ye caññe atilobhino
appena bahuṁ jeyyāma 2 kaḷāyeneva vānaroti.
Kaḷāyamuṭṭhijātakaṁ chaṭṭhaṁ.
--------
7 Tindukajātakaṁ

[203] Dhanuhatthakalāpehi nettiṁsavaradhāribhi
samantā parikiṇṇamhā kathaṁ mokkho bhavissati.

[204] Appeva bahukiccānaṁ attho jāyetha koci naṁ
atthi rukkhassa acchinnaṁ khajja taññeva 3 tindukanti.
Tindukajātakaṁ sattamaṁ.
---------
1 Ma. uhannaṁ. Yu. ūhanti. 2 Ma. jiyyāma. 3 Ma. khajjathaññeva.
8 Kacchapajātakaṁ

[205] Janitaṁ me bhavitaṁ me iti paṅke avassayiṁ
taṁ maṁ paṅko ajjhabhavi yathā dubbalakaṁ tathā
taṁ taṁ vadāmi bhaggava suṇohi vacanaṁ mama.

[206] Gāme vā yadivāraññe sukhaṁ yatrādhigacchati
taṁ janitaṁ bhavitañca purisassa pajānato
yahiṁ jīve tahiṁ gacche na niketahato siyāti.
Kacchapajātakaṁ aṭṭhamaṁ.
--------
9 Satadhammajātakaṁ