[187] Yo ve mettena cittena sabbalokānukampati
Uddhaṁ adho ca tiriyañca appamāṇena sabbaso.

[188] Appamāṇaṁ hitaṁ cittaṁ paripuṇṇaṁ subhāvitaṁ
yaṁ pamāṇaṁ kataṁ 1 kammaṁ na taṁ tatrāvasissatīti.
Arakajātakaṁ navamaṁ.
--------
10 Kakaṇṭakajātakaṁ

[189] Nāyaṁ pure unnamati 2 toraṇagge kakaṇṭako
mahosadha vijānāhi kena thaddho kakaṇṭako.

[190] Aladdhapubbaṁ laddhāna aḍḍhamāsaṁ kakaṇṭako
atimaññati rājānaṁ vedehaṁ mithilaggahanti.
Kakaṇṭakajātakaṁ dasamaṁ.
Santhavavaggo dutiyo.
---------
Tassuddānaṁ
atha indasamāna sapaṇṇakuṭi
susimuttama gijjha jalābujako
upasāḷhaka bhikkhu salāpavaro
atha mettavaro dasa puṇṇamāti.
---------
1 Ma. pamāṇakataṁ. 2 Ma. uṇṇamati.
3 Kalyāṇadhammavaggo 1
1 kalyāṇadhammajātakaṁ

[191] Kalyāṇadhammoti yadā janinda
loke samaññaṁ anupāpuṇāti
tasmā na hiyyetha naro sapañño
hiriyāpi santo dhuramādiyanti.

[192] Sāyaṁ samaññā idha majja pattā
kalyāṇadhammoti janinda loke
tāhaṁ samekkhaṁ idha pabbajissaṁ
na hi matthi chando idha kāmabhogeti.
Kalyāṇadhammajātakaṁ paṭhamaṁ.
----------
2 Daddarajātakaṁ

[193] Ko nu saddena mahatā abhinādeti daddaraṁ
taṁ 2 sīhā nappaṭinadanti ko nāmeso migābhibhū 3 .

[194] Adhamo migajātānaṁ sigālo tāta vassati
jātimassa jigucchantā tuṇhī sīhā samacchareti.
Daddarajātakaṁ dutiyaṁ.
---------
1 Ma. kalyāṇavaggo. 2 Sī. Yu. kiṁ. 3 Sī. Ma. migādhibhū.
3 Makkaṭajātakaṁ

[195] Tāta māṇavako eso tālamūlaṁ apassito
agārakañcidaṁ atthi handa demassagārakaṁ.

[196] Mā kho taṁ tāta pakkosi dūseyya no agārakaṁ
netādisaṁ mukhaṁ hoti brāhmaṇassa susīlinoti.
Makkaṭajātakaṁ tatiyaṁ.
---------
4 Dubbhiyamakkaṭajātakaṁ