[257] Api vīraka passesi sakuṇaṁ mañjubhāṇakaṁ
mayūragīvasaṅkāsaṁ patiṁ mayhaṁ saviṭṭhakaṁ.

[258] Udakathalacarassa pakkhino
niccaṁ āmakamacchabhojino
tassānukaraṁ saviṭṭhako
sevālehi paliguṇṭhito matoti.
Vīrakajātakaṁ catutthaṁ.
---------
5 Gaṅgeyyajātakaṁ

[259] Sobhanti macchā gaṅgeyyā 2 atho sobhanti 2 yāmunā
1 Ma. mā kañci. 2 Ma. sobhati maccho gaṅgeyyā atho sobhati yāmuno.
Catuppadāyaṁ puriso nigrodhaparimaṇḍalo
īsakāyatagīvo ca sabbeva atirocati.

[260] Yaṁ pucchito na taṁ akkhā 1 aññaṁ akkhāti 2 pucchito
attappasaṁsako poso nāyaṁ asmāka ruccatīti.
Gaṅgeyyajātakaṁ pañcamaṁ.
----------
6 Kuruṅgamigajātakaṁ

[261] Iṅgha vaddhamayaṁ 3 pāsaṁ chinda dantehi kacchapa
ahaṁ tathā karissāmi yathā nehiti luddako.

[262] Kacchapo pāvisī vāriṁ kuruṅgo pāvisī vanaṁ
satapatto dumaggamhā dūre putte apānayīti.
Kuruṅgamigajātakaṁ chaṭṭhaṁ.
----------
7 Assakajātakaṁ

[263] Ayamassakarājena deso vicarito mayā
anukāmayakāmena 4 piyena patinā saha.

[264] Navena sukhadukkhena porāṇaṁ apithiyyati 5
tasmā assakaraññāva kīṭo piyataro mamanti.
Assakajātakaṁ sattamaṁ.
---------
1-2 Ma. akkhāsi. 3 Ma. vaṭṭamayaṁ. 4 Sī. Yu. anukāmayānukāmena.
5 Ma. apidhiyyati.
8 Suṁsumārajātakaṁ 1

[265] Alametehi ambehi jambūhi panasehi ca
yāni pāraṁ samuddassa varaṁ mayhaṁ udumbaro.

[266] Mahatī vata te bondi na ca paññā tadūpikā
suṁsumāra 2 vañcito mesi gacchadāni yathāsukhanti.
Suṁsumārajātakaṁ aṭṭhamaṁ.
---------
9 Kakkarajātakaṁ 3