[297] Yassete caturo dhammā guṇā paramabhaddakā 1
saccaṁ dhammo dhiti cāgo diṭṭhaṁ so ativattati.

[298] Yassa cete na vijjanti guṇā paramabhaddakā
saccaṁ dhammo dhiti cāgo diṭṭhaṁ so nātivattatīti.
Kumbhīlajātakaṁ catutthaṁ.
---------
5 Khantivaṇṇanajātakaṁ

[299] Atthi me puriso deva sabbakiccesu byāvaṭo
tassa cekoparādhatthi tattha tvaṁ kinti maññasi.

[300] Amhākaṁ atthi 2 puriso ediso idha vijjati
dullabho aṅgasampanno khanti asmāka ruccatīti.
Khantivaṇṇanajātakaṁ pañcamaṁ.
--------
6 Kosiyajātakaṁ

[301] Kāle nikkhamanā sādhu nākāle sādhu nikkhamo
akālena hi nikkhamma ekakampi bahujjano
na kiñci atthaṁ jāteti 3 dhaṅkasenāva kosiyaṁ.

[302] Dhīro 4 vidhividhānaññū paresaṁ vivarānugū
1 Sī. Ma. vānarinda yathā tava. 2 Ma. amhākampatthi puriso. 3 Ma. joteti.
4 Ma. dhīro ca.
Sabbāmitte vasīkatvā kosiyova sukhī siyāti.
Kosiyajātakaṁ chaṭṭhaṁ.
--------
7 Gūthapāṇakajātakaṁ

[303] Sūro sūrena saṅgamma vikkantena pahārinā
ehi nāga nivattassu kinnu bhīto palāyasi
passantu aṅgamagadhā mama tuyhañca vikkamaṁ.

[304] Na taṁ pādā vadhissāmi na dantehi na soṇḍiyā
mīḷhena taṁ vadhissāmi pūti haññatu pūtināti.
Gūthapāṇakajātakaṁ sattamaṁ.
---------
8 Kāmanītajātakaṁ

[305] Tayo giriṁ antaraṁ kāmayāmi
pañcālo 1 kuruyo kekake ca
tatuttariṁ brāhmaṇa kāmayāmi
tikiccha maṁ brāhmaṇa kāmanītaṁ.

[306] Kaṇhāhi daṭṭhassa karonti heke
amanussaviṭṭhassa 2 karonti paṇḍitā
na kāmanītassa karoti koci
1 Sī. Ma. pañcālā. 2 Sī. Yu. amanussavaddhassa. Ma. amanussapaviṭṭhassa.
Okkantasukkassa hi kā tikicchāti.
Kāmanītajātakaṁ aṭṭhamaṁ.
---------
9 Palāyijātakaṁ