[110] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandā
bhikkhunī gilānā hoti. Athakho aññataro upāsako yena thullanandā
bhikkhunī tenupasaṅkami upasaṅkamitvā thullanandaṁ bhikkhuniṁ
etadavoca kinte ayye aphāsu kiṁ āhariyatūti. Sappinā
me āvuso atthoti. Athakho so upāsako aññatarassa āpaṇikassa
gharā kahāpaṇassa sappiṁ āharitvā thullanandāya bhikkhuniyā
adāsi. Thullanandā bhikkhunī evamāha 1 na me āvuso
sappinā attho telena me atthoti. Athakho so upāsako
yena so āpaṇiko tenupasaṅkami upasaṅkamitvā taṁ āpaṇikaṁ
etadavoca na kirayya 2 ayyāya sappinā attho telena attho
handa te sappiṁ telaṁ me dehīti. Sace mayaṁ ayya 3 vikkītaṁ
1 Ma. Yu. idaṁ pādadvayaṁ na dissati. 2 Ma. Yu. kirayyo. 3 Ma. Yu. ayyo.
Bhaṇḍaṁ puna ādiyissāma 1 kadā amhākaṁ bhaṇḍaṁ vikkāyissati
sappissa kayena sappi haṭaṁ telassa kayaṁ āhara telaṁ harissasīti.
Athakho so upāsako ujjhāyati khīyati vipāceti kathaṁ hi
nāma ayyā thullanandā aññaṁ viññāpetvā aññaṁ viññāpessatīti.
Assosuṁ kho bhikkhuniyo tassa upāsakassa ujjhāyantassa
khīyantassa vipācentassa. Yā tā bhikkhuniyo appicchā
.pe. Tā ujjhāyanti khīyanti vipācenti kathaṁ hi nāma ayyā
thullanandā aññaṁ viññāpetvā aññaṁ viññāpessatīti. Athakho
tā bhikkhuniyo bhikkhūnaṁ etamatthaṁ ārocesuṁ. Bhikkhū bhagavato
etamatthaṁ ārocesuṁ .pe. Saccaṁ kira bhikkhave thullanandā
bhikkhunī aññaṁ viññāpetvā aññaṁ viññāpetīti 2 . Saccaṁ bhagavāti.
Vigarahi buddho bhagavā kathaṁ hi nāma bhikkhave thullanandā
bhikkhunī aññaṁ viññāpetvā aññaṁ viññāpessati netaṁ bhikkhave
appasannānaṁ vā pasādāya .pe. Evañca pana bhikkhave bhikkhuniyo
imaṁ sikkhāpadaṁ uddisantu yā pana bhikkhunī aññaṁ viññāpetvā
aññaṁ viññāpeyya nissaggiyaṁ pācittiyanti.

[111] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Aññaṁ viññāpetvāti yaṅkiñci
viññāpetvā. Aññaṁ viññāpeyyāti taṁ ṭhapetvā aññaṁ
viññāpeti payoge dukkaṭaṁ paṭilābhena nissaggiyaṁ hoti nissajjitabbaṁ
1 Ma. Yu. āharissāmāti pāṭho dissati. 2 Ma. Yu. viññāpesīti pāṭho dissati.
Saṅghassa vā gaṇassa vā ekabhikkhuniyā vā. Evañca pana bhikkhave
nissajjitabbaṁ .pe. Idaṁ me ayye aññaṁ viññāpetvā aññaṁ
viññāpitaṁ nissaggiyaṁ imāhaṁ saṅghassa nissajjāmīti .pe. Dadeyyāti
.pe. Dadeyyunti .pe. Ayyāya dammīti.

[112] Aññe aññasaññā aññaṁ viññāpeti nissaggiyaṁ
pācittiyaṁ. Aññe vematikā aññaṁ viññāpeti nissaggiyaṁ
pācittiyaṁ. Aññe anaññasaññā aññaṁ viññāpeti nissaggiyaṁ
pācittiyaṁ. Anaññe aññasaññā [1]- āpatti dukkaṭassa. Anaññe
vematikā [2]- āpatti dukkaṭassa. Anaññe anaññasaññā
anāpatti.

[113] Anāpatti tañceva viññāpeti aññañca viññāpeti
ānisaṁsaṁ dassetvā viññāpeti ummattikāya ādikammikāyāti.
----------
Pattavaggassa pañcamasikkhāpadaṁ

[114] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandā
bhikkhunī gilānā hoti. Athakho aññataro upāsako yena thullanandā
bhikkhunī tenupasaṅkami upasaṅkamitvā thullanandaṁ bhikkhuniṁ
etadavoca kacci ayye khamanīyaṁ kacci yāpanīyanti. Na me āvuso
khamanīyaṁ na yāpanīyanti. Amukassa ayye āpaṇikassa ghare
1-2 Ma. Yu. etthantare anaññaṁ viññāpetīti pāṭhadvayaṁ dissati.
Kahāpaṇaṁ nikkhipissāmi tato yaṁ iccheyyāsi taṁ āharāpeyyāsīti.
Thullanandā bhikkhunī aññataraṁ sikkhamānaṁ āṇāpesi gaccha
sikkhamāne amukassa āpaṇikassa gharā kahāpaṇassa telaṁ āharāti.
Athakho sā sikkhamānā tassa āpaṇikassa gharā kahāpaṇassa telaṁ
āharitvā thullanandāya bhikkhuniyā adāsi. Thullanandā bhikkhunī
evamāha 1 na me sikkhamāne telena attho sappinā me atthoti.
Athakho sā sikkhamānā yena so āpaṇiko tenupasaṅkami upasaṅkamitvā
taṁ āpaṇikaṁ etadavoca na kira āvuso ayyāya telena
attho sappinā attho handa te telaṁ sappiṁ me dehīti. Sace
mayaṁ ayye vikkītaṁ bhaṇḍaṁ puna ādiyissāma kadā amhākaṁ bhaṇḍaṁ
vikkāyissati telassa kayena telaṁ haṭaṁ sappissa kayaṁ āhara
sappiṁ harissasīti. Athakho sā sikkhamānā rodantī aṭṭhāsi.
Bhikkhuniyo taṁ sikkhamānaṁ etadavocuṁ kissa tvaṁ sikkhamāne rodasīti.
Athakho sā sikkhamānā bhikkhunīnaṁ etamatthaṁ ārocesi. Yā tā
bhikkhuniyo appicchā .pe. Tā ujjhāyanti khīyanti vipācenti
kathaṁ hi nāma ayyā thullanandā [2]- aññaṁ cetāpetvā aññaṁ
cetāpessatīti .pe. Saccaṁ kira bhikkhave thullanandā bhikkhunī aññaṁ
cetāpetvā aññaṁ cetāpetīti 3 . Saccaṁ bhagavāti. Vigarahi buddho
bhagavā kathaṁ hi nāma bhikkhave thullanandā bhikkhunī aññaṁ
1 Ma. Yu. idaṁ pāṭhadvayaṁ na dissati. 2 Ma. etthantare bhikkhunīti dissati. 3 Ma.
cetāpesīti saccaṁ.
Cetāpetvā aññaṁ cetāpessati netaṁ bhikkhave appasannānaṁ vā
pasādāya .pe. Evañca pana bhikkhave bhikkhuniyo imaṁ sikkhāpadaṁ uddisantu
yā pana bhikkhunī aññaṁ cetāpetvā aññaṁ cetāpeyya nissaggiyaṁ
pācittiyanti.

[115] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Aññaṁ cetāpetvāti yaṅkiñci
cetāpetvā. Aññaṁ cetāpeyyāti taṁ ṭhapetvā aññaṁ cetāpeti
payoge dukkaṭaṁ paṭilābhena nissaggiyaṁ hoti nissajjitabbaṁ saṅghassa
vā gaṇassa vā ekabhikkhuniyā vā. Evañca pana bhikkhave
nissajjitabbaṁ .pe. Idaṁ me ayye aññaṁ cetāpetvā aññaṁ cetāpitaṁ
nissaggiyaṁ imāhaṁ saṅghassa nissajjāmīti .pe. Dadeyyāti .pe.
Dadeyyunti .pe. Ayyāya dammīti.

[116] Aññe aññasaññā aññaṁ cetāpeti nissaggiyaṁ
pācittiyaṁ. Aññe vematikā aññaṁ cetāpeti nissaggiyaṁ
pācittiyaṁ. Aññe anaññasaññā aññaṁ cetāpeti nissaggiyaṁ
pācittiyaṁ. Anaññe aññasaññā 1 āpatti dukkaṭassa. Anaññe
vematikā 2 āpatti dukkaṭassa. Anaññe anaññasaññā anāpatti.

[117] Anāpatti tañceva cetāpeti aññañca cetāpeti
ānisaṁsaṁ dassetvā cetāpeti ummattikāya ādikammikāyāti.
----------
1-2 Ma. anaññaṁ cetāpetīti padadvayaṁ dissati.
Pattavaggassa chaṭṭhasikkhāpadaṁ

[118] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena upāsakā bhikkhunīsaṅghassa
cīvaratthāya chandakaṁ saṅgharitvā 1 aññatarassa pāvārikassa
ghare parikkhāraṁ nikkhipitvā bhikkhuniyo upasaṅkamitvā etadavocuṁ
amukassa ayye pāvārikassa ghare cīvaratthāya parikkhāro nikkhitto
tato cīvaraṁ āharāpetvā bhājethāti. Bhikkhuniyo tena parikkhārena
sayaṁ 2 bhesajjaṁ cetāpetvā paribhuñjiṁsu. Upāsakā jānitvā
ujjhāyanti khīyanti vipācenti kathaṁ hi nāma bhikkhuniyo aññadatthikena
parikkhārena aññuddisikena saṅghikena aññaṁ cetāpessantīti.
Assosuṁ kho bhikkhuniyo tesaṁ upāsakānaṁ ujjhāyantānaṁ khīyantānaṁ
vipācentānaṁ. Yā tā bhikkhuniyo appicchā .pe. Tā ujjhāyanti khīyanti
vipācenti kathaṁ hi nāma bhikkhuniyo aññadatthikena parikkhārena aññuddisikena
saṅghikena aññaṁ cetāpessantīti .pe. Saccaṁ kira bhikkhave
bhikkhuniyo aññadatthikena parikkhārena aññuddisikena saṅghikena aññaṁ
cetāpentīti. Saccaṁ bhagavāti. Vigarahi buddho bhagavā kathaṁ hi
nāma bhikkhave bhikkhuniyo aññadatthikena parikkhārena aññuddisikena
saṅghikena aññaṁ cetāpessanti netaṁ bhikkhave appasannānaṁ vā
1 Yu. saṁharitvā. 2 Ma. Yu. ayaṁ pāṭho natthi.
Pasādāya .pe. Evañca pana bhikkhave bhikkhuniyo imaṁ sikkhāpadaṁ
uddisantu yā pana bhikkhunī aññadatthikena parikkhārena aññuddisikena
saṅghikena aññaṁ cetāpeyya nissaggiyaṁ pācittiyanti.

[119] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Aññadatthikena parikkhārena
aññuddisikenāti aññassatthāya dinnena. Saṅghikenāti saṅghassatthāya 1
na gaṇassa na ekabhikkhuniyā. Aññaṁ cetāpeyyāti yaṁ atthāya
dinnaṁ taṁ ṭhapetvā aññaṁ cetāpeti payoge dukkaṭaṁ
paṭilābhena nissaggiyaṁ hoti nissajjitabbaṁ saṅghassa vā gaṇassa vā
ekabhikkhuniyā vā. Evañca pana bhikkhave nissajjitabbaṁ .pe.
Idaṁ me ayye aññadatthikena parikkhārena aññuddisikena saṅghikena
aññaṁ cetāpitaṁ nissaggiyaṁ imāhaṁ saṅghassa nissajjāmīti .pe.
Dadeyyāti .pe. Dadeyyunti .pe. Ayyāya dammīti.