[100] Anāpatti antoaruṇaṁ 3 adhiṭṭheti vikappeti vissajjeti
nassati vinassati bhijjati acchinditvā gaṇhanti vissāsaṁ
gaṇhanti ummattikāya ādikammikāyāti.

[101] Tena kho pana samayena chabbaggiyā bhikkhuniyo nissaṭṭhapattaṁ
na denti. Bhagavato etamatthaṁ ārocesuṁ. Na bhikkhave
bhikkhuniyā 4 nissaṭṭhapatto na dātabbo yā na dadeyya āpatti
dukkaṭassāti.
-------
1 Ma. nissaggiya. 2 Ma. rattātikkante. 3 Ma. antoaruṇe.
4 Po. Ma. Yu. ayaṁ pāṭho natthi.
Pattavaggassa dutiyasikkhāpadaṁ

[102] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena sambahulā
bhikkhuniyo gāmakāvāse vassaṁ vutthā sāvatthiṁ agamaṁsu vattasampannā
iriyāpathasampannā duccolā 1 lūkhacīvarā. Upāsakā tā bhikkhuniyo
passitvā imā bhikkhuniyo vattasampannā iriyāpathasampannā
duccolā lūkhacīvarā imā bhikkhuniyo acchinnā bhavissantīti bhikkhunīsaṅghassa
akālacīvaraṁ adaṁsu. Thullanandā bhikkhunī amhākaṁ kaṭhinaṁ
atthataṁ kālacīvaranti adhiṭṭhahitvā bhājāpesi. Upāsakā tā
bhikkhuniyo passitvā etadavocuṁ apayyāhi cīvaraṁ laddhanti. Na mayaṁ
āvuso cīvaraṁ labhāma ayyā thullanandā amhākaṁ kaṭhinaṁ atthataṁ
kālacīvaranti adhiṭṭhahitvā bhājāpesīti. Upāsakā ujjhāyanti
khīyanti vipācenti kathaṁ hi nāma ayyā thullanandā akālacīvaraṁ
kālacīvaranti adhiṭṭhahitvā bhājāpessatīti. Assosuṁ kho bhikkhuniyo
tesaṁ upāsakānaṁ ujjhāyantānaṁ khīyantānaṁ vipācentānaṁ. Yā tā
bhikkhuniyo appicchā .pe. Tā ujjhāyanti khīyanti vipācenti
kathaṁ hi nāma ayyā thullanandā akālacīvaraṁ kālacīvaranti adhiṭṭhahitvā
bhājāpessatīti. Athakho tā bhikkhuniyo bhikkhūnaṁ etamatthaṁ
ārocesuṁ. Bhikkhū bhagavato etamatthaṁ ārocesuṁ .pe. Saccaṁ kira
1 Ma. duccoḷā evaṁ. sabbattha ñātabbaṁ.
Bhikkhave thullanandā bhikkhunī akālacīvaraṁ kālacīvaranti adhiṭṭhahitvā
bhājāpetīti 1 . Saccaṁ bhagavāti. Vigarahi buddho bhagavā kathaṁ hi nāma
bhikkhave thullanandā bhikkhunī akālacīvaraṁ kālacīvaranti adhiṭṭhahitvā
bhājāpessati netaṁ bhikkhave appasannānaṁ vā pasādāya .pe.
Evañca pana bhikkhave bhikkhuniyo imaṁ sikkhāpadaṁ uddisantu
yā pana bhikkhunī akālacīvaraṁ kālacīvaranti adhiṭṭhahitvā bhājāpeyya
nissaggiyaṁ pācittiyanti.

[103] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Akālacīvaraṁ nāma anatthate
kaṭhine ekādasamāse uppannaṁ atthate kaṭhine sattamāse
uppannaṁ kālepi ādissa dinnaṁ etaṁ akālacīvaraṁ nāma. Kālacīvaranti 2
adhiṭṭhahitvā bhājāpeti payoge dukkaṭaṁ paṭilābhena
nissaggiyaṁ hoti nissajjitabbaṁ saṅghassa vā gaṇassa vā ekabhikkhuniyā
vā. Evañca pana bhikkhave nissajjitabbaṁ .pe. Idaṁ
me ayye akālacīvaraṁ kālacīvaranti adhiṭṭhahitvā bhājāpitaṁ
nissaggiyaṁ imāhaṁ saṅghassa nissajjāmīti .pe. Dadeyyāti .pe.
Dadeyyunti .pe. Ayyāya dammīti.

[104] Akālacīvare akālacīvarasaññā kālacīvaranti
adhiṭṭhahitvā bhājāpeti nissaggiyaṁ pācittiyaṁ. Akālacīvare vematikā
1 Ma. Yu. bhājāpesīti. 2 Po. Ma. akālacīvaraṁ kālacīvarantīti ime pāṭhā dissanti.
Kālacīvaranti adhiṭṭhahitvā bhājāpeti nissaggiyaṁ pācittiyaṁ. [1]-
Akālacīvare kālacīvarasaññā kālacīvaranti adhiṭṭhahitvā bhājāpeti
nissaggiyaṁ pācittiyaṁ. [2]- Kālacīvare akālacīvarasaññā āpatti
dukkaṭassa. Kālacīvare vematikā āpatti dukkaṭassa.
Kālacīvare kālacīvarasaññā anāpatti.

[105] Anāpatti akālacīvaraṁ akālacīvarasaññā bhājāpeti
kālacīvaraṁ kālacīvarasaññā bhājāpeti ummattikāya ādikammikāyāti.
--------
Pattavaggassa tatiyasikkhāpadaṁ

[106] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena thullanandā
bhikkhunī aññatarāya 3 bhikkhuniyā saddhiṁ cīvaraṁ parivaṭṭetvā 4 paribhuñjati.
Athakho sā bhikkhunī taṁ cīvaraṁ saṅgharitvā 5 nikkhipi.
Thullanandā bhikkhunī taṁ bhikkhuniṁ etadavoca yante ayye mayā
saddhiṁ cīvaraṁ parivaṭṭitaṁ kahaṁ taṁ cīvaranti. Athakho sā bhikkhunī
taṁ cīvaraṁ nīharitvā thullanandāya bhikkhuniyā dassesi. Thullanandā
1 Ma. Yu. akālacīvare vematikā ... bhājāpeti, āpatti dukkaṭassa.
2 akālacīvare kālacīvarasaññā ... bhājāpeti, āpatti dukkaṭassāti dissati.
3 Ma. Yu. aññatarissā. 4 sabbattha parivattetvāti dissati.
5 Ma. Yu. saṁharitvā.
Bhikkhunī taṁ bhikkhuniṁ etadavoca handayye tuyhaṁ cīvaraṁ āhara
metaṁ cīvaraṁ yaṁ tuyhaṁ tuyhamevetaṁ yaṁ mayhaṁ mayhamevetaṁ āhara
metaṁ sakaṁ paccāharāti acchindi. Athakho sā bhikkhunī bhikkhunīnaṁ
etamatthaṁ ārocesi. Yā tā bhikkhuniyo appicchā .pe.
Tā ujjhāyanti khīyanti vipācenti kathaṁ hi nāma ayyā thullanandā
bhikkhuniyā 1 saddhiṁ cīvaraṁ parivaṭṭetvā acchindissatīti.
Athakho tā bhikkhuniyo bhikkhūnaṁ etamatthaṁ ārocesuṁ. Bhikkhū bhagavato
etamatthaṁ ārocesuṁ .pe. Saccaṁ kira bhikkhave thullanandā
bhikkhunī bhikkhuniyā saddhiṁ cīvaraṁ parivaṭṭetvā acchindatīti. Saccaṁ
bhagavāti. Vigarahi buddho bhagavā kathaṁ hi nāma bhikkhave thullanandā
bhikkhunī bhikkhuniyā saddhiṁ cīvaraṁ parivaṭṭetvā acchindissati
netaṁ bhikkhave appasannānaṁ vā pasādāya .pe. Evañca pana
bhikkhave bhikkhuniyo imaṁ sikkhāpadaṁ uddisantu yā pana bhikkhunī
bhikkhuniyā saddhiṁ cīvaraṁ parivaṭṭetvā sā pacchā evaṁ vadeyya
handayye tuyhaṁ cīvaraṁ āhara metaṁ cīvaraṁ yaṁ tuyhaṁ tuyhamevetaṁ
yaṁ mayhaṁ mayhamevetaṁ āhara metaṁ sakaṁ paccāharāti
acchindeyya vā acchindāpeyya vā nissaggiyaṁ pācittiyanti.

[107] Yā panāti yā yādisā .pe. Bhikkhunīti .pe. Ayaṁ
imasmiṁ atthe adhippetā bhikkhunīti. Bhikkhuniyā saddhinti aññāya
bhikkhuniyā saddhiṁ. Cīvaraṁ nāma channaṁ cīvarānaṁ aññataraṁ cīvaraṁ
1 Ma. thullanandā bhikkhunīti ime pāṭhā dissanti.
Vikappanupagaṁ pacchimaṁ. Parivaṭṭetvāti parittena vā vipulaṁ vipulena
vā parittaṁ parivaṭṭetvā 1 . Acchindeyyāti sayaṁ acchindati
nissaggiyaṁ hoti 2 . Acchindāpeyyāti aññaṁ āṇāpeti āpatti
dukkaṭassa sakiṁ āṇattā bahukaṁpi acchindati nissaggiyaṁ hoti
nissajjitabbaṁ saṅghassa vā gaṇassa vā ekabhikkhuniyā vā.
Evañca pana bhikkhave nissajjitabbaṁ .pe. Idaṁ me ayye cīvaraṁ
bhikkhuniyā saddhiṁ parivaṭṭetvā acchinnaṁ nissaggiyaṁ imāhaṁ
saṅghassa nissajjāmīti .pe. Dadeyyāti .pe. Dadeyyanti .pe.
Ayyāya dammīti.

[108] Upasampannāya upasampannasaññā cīvaraṁ parivaṭṭetvā
acchindati vā acchindāpeti vā nissaggiyaṁ pācittiyaṁ. Upasampannāya
vematikā cīvaraṁ parivaṭṭetvā acchindati vā acchindāpeti
vā nissaggiyaṁ pācittiyaṁ. Upasampannāya anupasampannasaññā
cīvaraṁ parivaṭṭetvā acchindati vā acchindāpeti vā
nissaggiyaṁ pācittiyaṁ. Aññaṁ parikkhāraṁ parivaṭṭetvā acchindati
vā acchindāpeti vā āpatti dukkaṭassa. Anupasampannāya
saddhiṁ cīvaraṁ vā aññaṁ vā parikkhāraṁ parivaṭṭetvā acchindati vā
acchindāpeti vā āpatti dukkaṭassa. Anupasampannāya upasampannasaññā
āpatti dukkaṭassa. Anupasampannāya vematikā
1 Ma. Yu. ayaṁ pāṭho na dissati. 2 sabbattha nissaggiyaṁ pācittiyanti dissati.
Āpatti dukkaṭassa. Anupasampannāya anupasampannasaññā
āpatti dukkaṭassa.

[109] Anāpatti sā vā deti tassā vā vissāsentī gaṇhāti
ummattikāya ādikammikāyāti.
-------
Pattavaggassa catutthasikkhāpadaṁ