[157] Idhūragānaṁ pavaro paviṭṭho
selassa vaṇṇena pamokkhamicchaṁ
brahmañca vaṇṇaṁ apacāyamāno
bubhukkhito no visahāmi 2 bhottuṁ.

[158] So brahmagutto cirameva jīva
dibyā ca te pātubhavantu bhakkhā
so brahmavaṇṇaṁ apacāyamāno
bubhukkhito no vitarāsi bhottunti.
Uragajātakaṁ catutthaṁ.
--------
1 Sī. Yu. sīha. 2 Ma. vitarāmi.
5 Bhaggajātakaṁ

[159] Jīva vassasataṁ bhagga 1 aparāni ca vīsati 2
mā maṁ pisācā khādantu jīva tvaṁ saradosataṁ.

[160] Tvampi vassasataṁ jīva aparāni ca vīsati 2
visaṁ pisācā khādantu jīva tvaṁ saradosatanti.
Bhaggajātakaṁ pañcamaṁ.
--------
6 Alīnacittajātakaṁ

[161] Alīnacittaṁ nissāya pahaṭṭhā mahatī camū
kosalaṁ senāsantuṭṭhaṁ jīvaggāhaṁ agāhayi.

[162] Evaṁ nissayasampanno bhikkhu āraddhavīriyo
bhāvayaṁ kusalaṁ dhammaṁ yogakkhemassa pattiyā
pāpuṇe anupubbena sabbasaṁyojanakkhayanti.
Alīnacittajātakaṁ chaṭṭhaṁ.
---------
7 Guṇajātakaṁ

[163] Yenakāmaṁ paṇāmeti dhammo balavataṁ migi 3
unnadanti vijānāhi jātaṁ saraṇato bhayaṁ.

[164] Api cepi dubbalo mitto mittadhammesu tiṭṭhati
so ñātako ca bandhu ca so mitto so ca me sakhā
1 Sī. Yu. gagga. 2 Ma. vīsatiṁ. 3 Ma. migī.
Dāṭhini mātimaññivho 1 sigālo mama pāṇadoti.
Guṇajātakaṁ sattamaṁ.
---------
8 Suhanujātakaṁ

[165] Nayidaṁ visamasīlena soṇena suhanussaha 2
suhanupi 3 tādisoyeva yo soṇassa sa gocaro.

[166] Pakkhandinā pagabbhena niccaṁ sandānakhādinā
sameti pāpaṁ pāpena sameti asatāsatanti 4 .
Suhanujātakaṁ aṭṭhamaṁ.
--------
9 Morajātakaṁ