[147] Nayidaṁ dukkhaṁ aduṁ dukkhaṁ yaṁ maṁ tudati vāyaso
yaṁ sāmā puppharattena kattikaṁ nānubhossatīti.
Puppharattajātakaṁ sattamaṁ.
---------
1 Ma. abyayataṁ. 2 Ma. virattā. 3 Ma. samuddakākajātakaṁ.
8 Sigālajātakaṁ

[148] Nāhaṁ punaṁ na ca punaṁ na cāpi apunappunaṁ
hatthibondiṁ pavekkhāmi tathā hi bhayatajjitoti.
Sigālajātakaṁ aṭṭhamaṁ.
---------
9 Ekapaṇṇajātakaṁ

[149] Ekapaṇṇo ayaṁ rukkho na bhūmyā caturaṅgulo
phalena visakappena mahāyaṁ kiṁ bhavissatīti.
Ekapaṇṇajātakaṁ navamaṁ.
----------
10 Sañjīvajātakaṁ

[150] Asantaṁ yo paggaṇhāti asantaṁ cūpasevati
tameva ghāsaṁ kurute byaggho sañjīviko yathāti.
Sañjīvajātakaṁ dasamaṁ.
Kakaṇṭakavaggo 1 paṇṇarasamo.
----------
Tassuddānaṁ
sukhamedhati daṇḍavaro ca puna
lasi vāladhi pañcamarādhavaro
1 Ma. pāpasevanavaggo.
Samahodadhi kattika bondi puna
caturaṅgula byagghavarena dasa.
---------
Tatra vagguddānaṁ bhavati 1 .
[2]-
Apaṇṇakaṁ sīlavagga kuruṅga
kulāvakaṁ atthakāmena pañcamaṁ
āsiṁso itthī varuṇaṁ apāyi
littavaggena te dasa
parosataṁ haṁsi sarikkhaṁ 3 asampadaṁ
pāpasevivaggo 4 ekanipātamhilaṅkataṁ.
Ekanipātaṁ niṭṭhitaṁ.
--------
1 Ma. ime pāṭhā natthi. 2 Ma. athavā vagguddānaṁ. 3 Ma. haṁci kusanāḷī.
4 Ma. kakaṇṭakavaggo.
Dukanipātajātakaṁ
1 daḷhavaggo
1 rājovādajātakaṁ

[151] Daḷhaṁ daḷhassa khipati balliko mudunā muduṁ
sādhumpi sādhunā jeti asādhumpi asādhunā
etādiso ayaṁ rājā maggā uyyāhi sārathi.

[152] Akkodhena jine kodhaṁ asādhuṁ sādhunā jine
jine kadariyaṁ dānena saccenālikavādinaṁ
etādiso ayaṁ rājā maggā uyyāhi sārathīti.
Rājovādajātakaṁ paṭhamaṁ.
---------
2 Sigālajātakaṁ

[153] Asamekkhitakammantaṁ turitābhinipātinaṁ
tāni 1 kammāni tappenti uṇhaṁ vajjhohitaṁ mukhe.

[154] Sīho ca sīhanādena daddaraṁ abhinādayi
sutvā sīhassa nigghosaṁ sigālo daddare vasaṁ
bhīto santāsamāpādi hadayañcassa apphalīti.
Sigālajātakaṁ dutiyaṁ.
1 Sī. Ma. sāni.
3 Sūkarajātakaṁ

[155] Catuppado ahaṁ samma tvampi samma catuppado
ehi samma 1 nivattassu kinnu bhīto palāyasi.

[156] Asuci pūtilomosi duggandho vāsi sūkara
sace yujjhitukāmosi jayaṁ samma dadāmi teti.
Sūkarajātakaṁ tatiyaṁ.
--------
4 Uragajātakaṁ