[127] Te desā tāni vatthūni ahañca vanagocaro
anuvicca kho taṁ gaṇheyyuṁ piva khīraṁ kalaṇḍukāti.
Kalaṇḍukajātakaṁ sattamaṁ.
---------
8 Mūsikajātakaṁ 2

[128] Yo ve dhammaddhajaṁ katvā niguyho pāpamācare
vissāsayitvā bhūtāni biḷārannāma taṁ vatanti.
Mūsikajātakaṁ aṭṭhamaṁ.
--------
9 Aggikajātakaṁ 3

[129] Nāyaṁ sikhā puññahetu ghāsahetu ayaṁ sikhā
naṅguṭṭhagaṇanaṁ yāti alante hotu aggikāti.
Aggikajātakaṁ navamaṁ.
1 Ma. tadevekassa. 2 Sī. biḷārajātakaṁ. Ma. biḷāravatajātakaṁ.
3 Ma. aggikabhāradvājajātakaṁ.
10 Kosiyajātakaṁ

[130] Yathā vācā ca bhuñjassu yathā bhuttañca byāhara
ubhayante na sameti vācā bhuttañca kosiyeti.
Kosiyajātakaṁ dasamaṁ.
Kusanāḷivaggo 1 terasamo.
---------
Tassuddānaṁ
kusanāḷisirivhayano ca yasaṁ
dadhimambakaṭāhakapañcamako
atha pāpasakhirabiḷāravataṁ
sikhikosiyasavhayanena dasa.
---------
14 Asampadānavaggo
1 asampadānajātakaṁ

[131] Asampadānenitarītarassa
bālassa mittāni kalī bhavanti
tasmā harāmi bhusamaḍḍhamānaṁ
mā me mitti bhijjittha 2 sassatāyanti.
Asampadānajātakaṁ paṭhamaṁ.
1 Ma. sarikkhavaggo. 2 Ma. jīyittha.
2 Pañcabhīrukajātakaṁ 1

[132] Kusalūpadese dhitiyā daḷhāya ca
avatthitattā 2 bhayabhīrutāya ca
na rakkhasīnaṁ vasamāgamimha se
sa sotthibhāvo mahatā bhayena meti.
Pañcabhīrukajātakaṁ dutiyaṁ.
--------
3 Ghatāsanajātakaṁ

[133] Khemaṁ yahiṁ tattha arī udīrito
dakassa majjhe jalate ghatāsano
na ajja vāso mahiyā mahīruhe
disā bhajavho saraṇajja no bhayanti.
Ghatāsanajātakaṁ tatiyaṁ.
--------
4 Jhānasodhanajātakaṁ

[134] Ye saññino tepi duggatā
yepi asaññino tepi duggatā
etaṁ ubhayaṁ vivajjaya
1 Ma. bhīrukajātakaṁ. Sī. Yu. pañcagaruka .... 2 Ma. anivattitattā.
Taṁ samāpattisukhaṁ anaṅgaṇanti.
Jhānasodhanajātakaṁ catutthaṁ.
---------
5 Candābhajātakaṁ

[135] Candābhaṁ suriyābhañca yodha paññāya gādhati
avitakkena jhānena hoti ābhassarūpagoti.
Candābhajātakaṁ pañcamaṁ.
---------
6 Suvaṇṇahaṁsajātakaṁ

[136] Yaṁ laddhaṁ tena tuṭṭhabbaṁ atilobho hi pāpako
haṁsarājaṁ gahetvāna suvaṇṇā parihāyatīti.
Suvaṇṇahaṁsajātakaṁ chaṭṭhaṁ.
---------
7 Babbujātakaṁ