[117] Accuggatā atibalatā 2 ativelaṁ pabhāsitā
vācā hanati dummedhaṁ tittiraṁvātivassitanti.
Tittirajātakaṁ sattamaṁ.
---------
8 Vaṭṭakajātakaṁ

[118] Nācintayanto puriso visesamadhigacchati
cintitassa phalaṁ passa muttosmi vadhabandhanāti.
Vaṭṭakajātakaṁ aṭṭhamaṁ.
--------
9 Akālarāvijātakaṁ

[119] Amātāpitusaṁvaḍḍho anācariyakule 3 vasaṁ
nāyaṁ kālamakālaṁ vā abhijānāti kukkuṭoti.
Akālarāvijātakaṁ navamaṁ.
1 Ma. laṅghayitvāna. 2 Ma. accuggatātilapatā. 3 Ma. anācerakule vasaṁ.
10 Bandhanamokkhajātakaṁ

[120] Abaddhā tattha bajjhanti yattha bālā pabhāsare
baddhāpi tattha muccanti yattha dhīrā pabhāsareti.
Bandhanamokkhajātakaṁ dasamaṁ.
Haṁsivaggo dvādasamo.
---------
Tassuddānaṁ
atha gadrabha sattuva kaṁsasataṁ
bahucinti sāsikāyātikara
ativela visesa manācariyova
dhīrā pabhāsaratena dasa.
--------
13 Kusanāḷivaggo
1 kusanāḷijātakaṁ

[121] Kare sarikkho athavāpi seṭṭho
nihīnako vāpi kareyya eko
kareyyumete 1 byasane uttamatthaṁ
yathā ahaṁ kusanāḷi rucāyanti.
Kusanāḷijātakaṁ paṭhamaṁ.
--------
1 Sī. Yu. kareyyuṁ te.
2 Dummedhajātakaṁ

[122] Yasaṁ laddhāna dummedho anatthaṁ carati attano
attano ca paresañca hiṁsāya paṭipajjatīti.
Dummedhajātakaṁ dutiyaṁ.
--------
3 Naṅgalīsajātakaṁ

[123] Asabbatthagāmiṁ vācaṁ bālo sabbattha bhāsati
nāyaṁ dadhiṁ vedi na naṅgalīsaṁ
dadhippayaṁ 1 maññati naṅgalīsanti.
Naṅgalīsajātakaṁ tatiyaṁ.
--------
4 Ambajātakaṁ

[124] Vāyametheva puriso na nibbindeyya paṇḍito
vāyāmassa phalaṁ passa bhuttā ambā anītihanti.
Ambajātakaṁ catutthaṁ.
---------
5 Kaṭāhakajātakaṁ

[125] Bahumpi so vikattheyya aññaṁ janapadaṁ gato
anvāgantvāna dūseyya bhuñja bhoge kaṭāhakāti.
Kaṭāhakajātakaṁ pañcamaṁ.
1 Sī. Yu. dadimpayaṁ.
6 Asilakkhaṇajātakaṁ

[126] Tathevekassa 1 kalyāṇaṁ tathevekassa 1 pāpakaṁ
tasmā sabbaṁ na kalyāṇaṁ sabbaṁ vāpi na pāpakanti.
Asilakkhaṇajātakaṁ chaṭṭhaṁ.
---------
7 Kalaṇḍukajātakaṁ