[97] Jīvakañca mataṁ disvā dhanapāliñca duggataṁ
panthakañca vane mūḷhaṁ pāpako punarāgatoti.
Nāmasiddhijātakaṁ sattamaṁ.
---------
1 lomahaṁsajātakañceva mahāsudassanajātakañca Sī. potthake na dissanti. 2 Sī. Ma.
idaṁ natthi.
8 Kūṭavāṇijajātakaṁ
[98] Sādhu kho paṇḍito nāma na tveva atipaṇḍito
atipaṇḍitena puttena manamhi upakuṭṭhitoti 1 .
Kūṭavāṇijajātakaṁ aṭṭhamaṁ.
---------
9 Parosahassajātakaṁ
[99] Parosahassampi samāgatānaṁ
kandeyyu te vassasataṁ apaññā
ekova seyyo puriso sapañño
yo bhāsitassa vijānāti atthanti.
Parosahassajātakaṁ navamaṁ.
---------
10 Asātarūpajātakaṁ
[100] Asātaṁ sātarūpena piyarūpena appiyaṁ
dukkhaṁ sukhassa rūpena pamattamativattatīti.
Asātarūpajātakaṁ dasamaṁ.
Littavaggo dasamo.
Majjhimapaṇṇāsako.
---------
1 Ma. dhanamhi upakūṭito.
Tassuddānaṁ
gilamakkha kutūhala mātukassā
muninā ca aniccata pattavaraṁ
dhanapālivaro atipaṇḍitako
saparosahassa asāta dasa.
---------
11 Parosatavaggo
1 parosatajātakaṁ
[101] Parosataṁ vepi 1 samāgatānaṁ
jhāyeyyu te vassasataṁ apaññā
ekova seyyo puriso sapañño
yo bhāsitassa vijānāti atthanti.
Parosatajātakaṁ paṭhamaṁ.
---------
2 Paṇṇikajātakaṁ
[102] Yo dukkhaphuṭṭhāya bhaveyya tāṇaṁ
so me pitā dubbhi 2 vane karoti
sā kassa kandāmi vanassa majjhe
yo tāyitā so sahasā 3 karotīti.
Paṇṇikajātakaṁ dutiyaṁ.
1 Ma. parosatañcepi. 2 Sī. Yu. dūbhi. 3 Ma. sahasaṁ.
3 Verijātakaṁ
[103] Yattha veriṁ niviṁsati 1 na vase tattha paṇḍito
ekarattaṁ dvirattaṁ vā dukkhaṁ vasati verisūti.
Verijātakaṁ tatiyaṁ.
---------
4 Mittavindajātakaṁ 2
[104] Catubbhi aṭṭhajjhagamā aṭṭhābhipi ca soḷasa
soḷasābhi ca battiṁsa atricchaṁ cakkamāsado
icchāhatassa posassa cakkaṁ bhamati matthaketi.
Mittavindajātakaṁ catutthaṁ.
---------
5 Dubbalakaṭṭhajātakaṁ
[105] Bahumpetaṁ vane kaṭṭhaṁ vāto bhañjati dubbalaṁ
tassa ce bhāyasi nāga kīso nūna bhavissasīti.
Dubbalakaṭṭhajātakaṁ pañcamaṁ.
----------
6 Udañcanījātakaṁ
[106] Sukhaṁ vata maṁ jīvantaṁ pacamānā udañcanī
corī jāyappavādena telaṁ loṇañca yācatīti.
Udañcanījātakaṁ chaṭṭhaṁ.
1 Ma. nivisati. 2 Ma. mittavindakajātakaṁ.
7 Sālittakajātakaṁ