[87] Yassa maṅgalā samūhatā [2]-
uppātā 3 supinā ca lakkhaṇā ca
so maṅgaladosavītivatto
yugayogādhigato na jātumetīti.
Maṅgalajātakaṁ sattamaṁ.
---------
8 Sārambhajātakaṁ

[88] Kalyāṇimeva muñceyya na hi muñceyya pāpikaṁ
mokkho kalyāṇiyā sādhu mutvā tappati pāpikanti.
Sārambhajātakaṁ aṭṭhamaṁ.
1 Ma. hananti. 2 Ma. se. 3 Yu. uppādā.
9 Kuhakajātakaṁ

[89] Vācāva kira te āsi saṇhā sakhilabhāṇino
tiṇamatte asajjittho no ca nikkhasataṁ haranti.
Kuhakajātakaṁ navamaṁ.
-------
10 Akataññūjātakaṁ 1

[90] Yo pubbe katakalyāṇo katattho nāvabujjhati
pacchā kicce samuppanne kattāraṁ nādhigacchatīti.
Akataññūjātakaṁ dasamaṁ.
Apāyimhavaggo navamo.
--------
Tassuddānaṁ
apāyimha ca dubhaka 2 sattapadaṁ
chaḷadvaya ca āyatinā ca puna
ahisīlava maṅgali pāpikassā
sataṁnikkha katatthavarena dasa.
--------
10 Littavaggo
1 littajātakaṁ

[91] Littaṁ paramena tejasā
1 Ma. akataññujātakaṁ. 2 Ma. dūbhaka.
Gilamakkhaṁ puriso na bujjhati
gila re gila pāpadhuttaka
pacchā te kaṭukaṁ bhavissatīti.
Littajātakaṁ paṭhamaṁ.
--------
2 Mahāsārajātakaṁ

[92] Ukkaṭṭhe sūramicchanti mantīsu akutūhalaṁ
piyañca annapānamhi atthe jāte ca paṇḍitanti.
Mahāsārajātakaṁ dutiyaṁ.
---------
3 Vissāsabhojanajātakaṁ

[93] Na vissase avissatthe vissatthepi na vissase
vissāsā bhayamanveti sīhaṁva migamātukāti.
Vissāsabhojanajātakaṁ tatiyaṁ.
---------
4 Lomahaṁsajātakaṁ

[94] Sotatto sosīto gato 1 eko bhiṁsanake vane
naggo na caggimāsīno esanāpasuto munīti.
Lomahaṁsajātakaṁ catutthaṁ.
1 Ma. sotatto sosindo ceva.
5 Mahāsudassanajātakaṁ

[95] Aniccā vata saṅkhārā uppādavayadhammino
uppajjitvā nirujjhanti tesaṁ vūpasamo sukhoti.
Mahāsudassanajātakaṁ pañcamaṁ 1 .
----------
6 Telapattajātakaṁ

[96] Samatittikaṁ anavasekaṁ
telapattaṁ yathā parihareyya
evaṁ sacittamanurakkhe (satiyā 2 )
patthayāno disaṁ agatapubbanti.
Telapattajātakaṁ chaṭṭhaṁ.
---------
7 Nāmasiddhijātakaṁ