[67] Ucchaṅge deva me putto pathe dhāvantiyā pati
tañca desaṁ na passāmi yato sodariyamānayeti.
Ucchaṅgajātakaṁ sattamaṁ.
--------
1 Ma. na micchati. 2 Ma. aḷārakkhī.
8 Sāketajātakaṁ

[68] Yasmiṁ mano nivīsati cittañcāpi pasīdati
adiṭṭhapubbake pose kāmaṁ tasmiṁpi vissaseti.
Sāketajātakaṁ aṭṭhamaṁ.
---------
9 Visavantajātakaṁ

[69] Dhiratthu taṁ visaṁ vantaṁ yamahaṁ jīvitakāraṇā
vantaṁ paccāvamissāmi mataṁ me jīvitā varanti.
Visavantajātakaṁ navamaṁ.
---------
10 Kuddālajātakaṁ

[70] Na taṁ jitaṁ sādhu jitaṁ yaṁ jitaṁ avajiyyati
taṁ kho jitaṁ sādhu jitaṁ yaṁ jitaṁ nāvajiyyatīti.
Kuddālajātakaṁ dasamaṁ.
Itthīvaggo sattamo.
---------
Tassuddānaṁ
sikhī sabbagghasopica vīṇavaro
pisuṇā mittabhedikā nandi nadī
mudulakkhaṇa sodariyā ca mano
visa sādhujitena bhavanti dasa.
8 Varuṇavaggo
1 varuṇajātakaṁ

[71] Yo pubbe karaṇīyāni pacchā so kātumicchati
varuṇakaṭṭhaṁ 1 bhañjova sa pacchā anutappatīti.
Varuṇajātakaṁ paṭhamaṁ.
-------
2 Sīlavanāgajātakaṁ 2

[72] Akataññussa posassa niccaṁ vivaradassino
sabbañce paṭhaviṁ dajjā neva naṁ abhirādhayeti.
Sīlavanāgajātakaṁ dutiyaṁ
-------
3 saccaṅkirajātakaṁ

[73] Saccaṁ kirevamāhaṁsu narā ekacciyā idha
kaṭṭhaṁ nipphavitaṁ 3 seyyo na tvevekacciyo naroti.
Saccaṅkirajātakaṁ tatiyaṁ.
-------
4 Rukkhadhammajātakaṁ

[74] Sādhu sambahulā ñātī api rukkhā araññajā
1 Ma. varuṇakaṭṭha. Sī. Yu. varaṇakaṭṭha. 2 Ma. sīlavahatthijātakaṁ. 3 Ma. niplavitaṁ.
Sī. Yu. vipalāvitaṁ.
Vāto vahati ekaṭṭhaṁ brahantampi vanappatinti.
Rukkhadhammajātakaṁ catutthaṁ.
---------
5 Macchajātakaṁ

[75] Abhitthanaya pajjunna nidhiṁ kākassa nāsaya
kākaṁ sokāya randhehi mañca sokā pamocayāti.
Macchajātakaṁ pañcamaṁ.
--------
6 Asaṅkiyajātakaṁ

[76] Asaṅkiyomhi gāmamhi araññe natthi me bhayaṁ
ujumaggaṁ samārūḷho mettāya karuṇāya cāti.
Asaṅkiyajātakaṁ chaṭṭhaṁ.
--------
7 Mahāsupinajātakaṁ