[47] Na ve anatthakusalena atthacariyā sukhāvahā
hāpeti atthaṁ dummedho koṇḍañño vāruṇiṁ yathāti.
Vāruṇidūsakajātakaṁ sattamaṁ.
8 Vedabbajātakaṁ

[48] Anupāyena yo atthaṁ icchati so vihaññati
cetā haniṁsu vedabbaṁ 1 sabbe te byasanamajjhagunti 2 .
Vedabbajātakaṁ aṭṭhamaṁ.
--------
9 Nakkhattajātakaṁ

[49] Nakkhattaṁ paṭimānentaṁ attho bālaṁ upaccagā
attho atthassa nakkhattaṁ kiṁ karissanti tārakāti.
Nakkhattajātakaṁ navamaṁ.
--------
10 Dummedhajātakaṁ

[50] Dummedhānaṁ sahassena yañño me upayācito
idāni khohaṁ yajissāmi bahu 3 adhammiko janoti.
Dummedhajātakaṁ dasamaṁ.
Atthakāmavaggo pañcamo.
Paṭhamapaṇṇāsako
--------
tassuddānaṁ
atha mittakamātu kapotavaro
tathā veḷuka elamūgo rohiṇi
1 Sī. Yu. vedabbhaṁ. 2 Ma. byasanamajjhagūti. 3 Sī. Yu. bahū.
Kapi vāruṇi cetacarā ca puna
tathā tāraka yaññavarena dasa.
--------
6 Āsiṁsavaggo
1 mahāsīlavajātakaṁ

[51] Āsiṁsetheva 1 puriso na nibbindeyya paṇḍito
passāmi vohaṁ attānaṁ yathā icchiṁ tathā ahūti.
Mahāsīlavajātakaṁ paṭhamaṁ.
--------
2 Cūḷajanakajātakaṁ

[52] Vāyametheva puriso na nibbindeyya paṇḍito
passāmi vohaṁ attānaṁ udakā thalamubbhatanti.
Cūḷajanakajātakaṁ dutiyaṁ.
--------
3 Puṇṇapātijātakaṁ

[53] Tatheva puṇṇapātiyo aññāyaṁ vattate kathā
ākārakena jānāmi nevāyaṁ bhaddakā 2 surāti.
Puṇṇapātijātakaṁ tatiyaṁ.
--------
1 Ma. āsīsetheva. 2 Ma. na cāyaṁ bhaddikā.
4 Phalajātakaṁ 1

[54] Nāyaṁ rukkho durāruho napi gāmato ārakā
ākārakena jānāmi nāyaṁ sāduphalo dumoti.
Phalajātakaṁ catutthaṁ.
-------
5 Pañcāvudhajātakaṁ

[55] Yo alīnena cittena alīnamanaso naro
bhāveti kusalaṁ dhammaṁ yogakkhemassa pattiyā
pāpuṇe anupubbena sabbasaṁyojanakkhayanti.
Pañcāvudhajātakaṁ pañcamaṁ.
6 Kañcanakkhandhajātakaṁ

[56] Yo pahaṭṭhena cittena pahaṭṭhamanaso naro
bhāveti kusalaṁ dhammaṁ yogakkhemassa pattiyā
pāpuṇe anupubbena sabbasaṁyojanakkhayanti.
Kañcanakkhandhajātakaṁ chaṭṭhaṁ.
---------
7 Vānarindajātakaṁ