[27] Nālaṁ kabalaṁ padātave
na 2 piṇḍaṁ na kuse na ghaṁsituṁ
maññāmi abhiṇhadassanā
nāgo sinehamakāsi 3 kukkureti.
Abhiṇhajātakaṁ sattamaṁ.
--------
1 Ma. pothayamanvacārī. 2 Ma. na ca piṇḍaṁ. 3 Ma. snehamakāsi.
8 Nandivisālajātakaṁ

[28] Manuññameva bhāseyya nāmanuññaṁ kudācanaṁ
manuññaṁ bhāsamānassa garubhāraṁ udaddhari
dhanañca naṁ alābhesi tena cattamano ahūti.
Nandivisālajātakaṁ aṭṭhamaṁ.
---------
9 Kaṇhajātakaṁ

[29] Yato yato garu dhuraṁ yato gambhīravattani 1
tadāssu kaṇhaṁ yuñjanti savāssu taṁ vahate dhuranti.
Kaṇhajātakaṁ navamaṁ.
---------
10 Muṇikajātakaṁ

[30] Mā muṇikassa pihayi āturannāni bhuñjati
appossukko bhusaṅkhāda etaṁ dīghāyulakkhaṇanti.
Muṇikajātakaṁ dasamaṁ.
Kuruṅgavaggo tatiyo.
---------
Tassuddānaṁ
kuruṅgassa kukkura bhojavaro 2
puna vāḷavassasirivayano 3
mahiḷāmukha nāmanuññavaro
vahate dhura muṇikena dasa.
1 Ma. gambhīravattanī. 2 Ma. gojavaro. 3 Ma. ... sirivahayano.
4 Kulāvakavaggo
1 kulāvakajātakaṁ

[31] Kulāvakā mātali simbalismiṁ
īsāmukhena parivajjayassu
kāmaṁ cajāma asuresu pāṇaṁ
māyime 1 dijā vikulāvā ahesunti.
Kulāvakajātakaṁ paṭhamaṁ.
-------
2 Naccajātakaṁ

[32] Rudaṁ manuññaṁ rucirā ca piṭṭhi
veḷuriyavaṇṇūpaṭibhā 2 ca gīvā
byāmamattāni ca pekkhuṇāni
naccena te dhītaraṁ no dadāmīti.
Naccajātakaṁ dutiyaṁ.
-------
3 Sammodamānajātakaṁ

[33] Sammodamānā gacchanti jālamādāya pakkhino
yadā te vivadissanti tadā ehinti me vasanti.
Sammodamānajātakaṁ tatiyaṁ.
1 Ma. māme. 2 Ma. veḷuriyavaṇṇūpanibhā.
4 Macchajātakaṁ

[34] Na maṁ sītaṁ na maṁ uṇhaṁ na maṁ jālasmi bādhanaṁ
yañca maṁ maññate macchī aññaṁ so ratiyā gatoti.
Macchajātakaṁ catutthaṁ.
-------
5 Vaṭṭakajātakaṁ

[35] Santi pakkhā apatanā santi pādā avañcanā
mātā pitā ca nikkhantā jātaveda paṭikkamāti.
Vaṭṭakajātakaṁ pañcamaṁ.
-------
6 Sakuṇajātakaṁ

[36] Yannissitā jagatiruhaṁ (vihaṅgamā) svāyaṁ aggiṁ pamuñcati
disā bhajatha vaṅkaṅgā 1 jātaṁ saraṇato bhayanti.
Sakuṇajātakaṁ chaṭṭhaṁ.
-------
7 Tittirajātakaṁ