[7] Putto tyāhaṁ mahārāja tvaṁ maṁ posa janādhipa
aññepi devo poseti kiñca devo sakaṁ pajanti.
Kaṭṭhahārijātakaṁ sattamaṁ.
--------
8 Gāmanijātakaṁ

[8] Api ataramānānaṁ phalāsāva samijjhati
vipakkabrahmacariyosmi evaṁ jānāhi gāmanīti.
Gāmanijātakaṁ aṭṭhamaṁ.
--------
9 Maghadevajātakaṁ 2

[9] Uttamaṅgaruhā mayhaṁ ime jātā vayoharā
pātubhūtā devadūtā pabbajjāsamayo mamāti.
Maghadevajātakaṁ navamaṁ.
1 Po. kaṭṭhavāhanajātakaṁ. 2 Po. devadūtajātakaṁ.
10 Sukhavihārijātakaṁ

[10] Yañca aññe na rakkhanti yo ca aññe na rakkhati
save rāja sukhaṁ seti kāmesu anapekkhavāti.
Sukhavihārijātakaṁ dasamaṁ.
Apaṇṇakavaggo paṭhamo.
--------
Tassuddānaṁ
varāpaṇṇaka vaṇṇapatha 1 serivaro
suvicakkhaṇa taṇḍulanāḷikassā
hiri putta varuttagāmaninā
yo ca na rakkhati tena dasa 2 .
--------
2 Sīlavaggo
1 lakkhaṇajātakaṁ 3

[11] Hoti sīlavataṁ attho paṭisanthāravuttinaṁ
lakkhaṇaṁ passa āyantaṁ ñātisaṅghapurakkhitaṁ 4
atha passasimaṁ kāḷaṁ suvihīnaṁva ñātibhīti.
Lakkhaṇajātakaṁ paṭhamaṁ
-------
1 Ma. vaṇṇupatha. 2 Ma. sabbattha dasāti. 3 Ma. lakkhaṇamigajātakaṁ.
4 Ma. ñātisaṅghapurakkhataṁ.
2 Nigrodhamigajātakaṁ

[12] Nigrodhameva seveyya na sākhaṁ upasaṁvase
nigrodhasmiṁ mataṁ seyyo yañce sākhasmi jīvitanti.
Nigrodhajātakaṁ dutiyaṁ.
--------
3 Kaṇḍinajātakaṁ

[13] Dhiratthu kaṇḍinaṁ sallaṁ purisaṁ gāḷhavedhinaṁ
dhiratthu taṁ janapadaṁ yatthitthī pariṇāyikā
te vāpi 1 dhikkitā sattā ye itthīnaṁ vasaṁ gatāti.
Kaṇḍinajātakaṁ tatiyaṁ.
--------
4 Vātamigajātakaṁ

[14] Na kiratthi rasehi pāpiyo
āvāsehi vā 2 santhavehi vā
vātamigaṁ gahananissitaṁ
vasamānesi rasehi sañjayoti.
Vātamigajātakaṁ catutthaṁ.
--------
5 Kharādiyajātakaṁ

[15] Aṭṭhakkhuraṁ kharādiye migaṁ vaṅkātivaṅkinaṁ
1 Ma. cāpi. 2 Ma. va.
Sattakālehatikkantaṁ 1 na naṁ ovaditussaheti.
Kharādiyajātakaṁ pañcamaṁ.
--------
6 Tipallatthamigajātakaṁ

[16] Migaṁ tipallatthamanekamāyaṁ
aṭṭhakkhuraṁ aḍḍharattāpapāyiṁ 2
ekena sotena chamāssasanto
chahi kalāhatibhoti 3 bhāgineyyoti.
Tipallatthamigajātakaṁ chaṭṭhaṁ.
--------
7 Mālutajātakaṁ