[17] Kāḷe vā yadi vā juṇhe yadā vāyati māluto
vātajāni hi sītāni ubhotthamaparājitāti.
Mālutajātakaṁ sattamaṁ.
-------
8 Matakabhattajātakaṁ

[18] Evañce sattā jāneyyuṁ dukkhāyaṁ jātisambhavo
na pāṇo pāṇinaṁ haññe pāṇaghātī hi socatīti.
Matakabhattajātakaṁ aṭṭhamaṁ.
1 Sī. Ma. sattahi kālātikkantaṁ. 2. Sī. Yu. aḍḍharattāvapāyiṁ.
3 Ma. kalāhitibhoti.
9 Āyācitabhattajātakaṁ

[19] Sace muñce 1 pecca muñce 2 muccamāno hi bajjhasi 3
na hevaṁ dhīrā muccanti mutti bālassa bandhananti.
Āyācitabhattajātakaṁ navamaṁ.
---------
10 Naḷapānajātakaṁ

[20] Disvā padamanuttiṇṇaṁ disvānotaritaṁ padaṁ
naḷena vāriṁ pivissāma 4 neva maṁ tvaṁ vadhissasīti.
Naḷapānajātakaṁ dasamaṁ.
Sīlavaggo dutiyo.
-------
Tassuddānaṁ
atha lakkhaṇa sākha dhiratthu
puna nakiratthi rasehi kharādiyā
atibhoti rasamāluta 5 pāṇa
muccena naḷāvhayanena bhavanti dasa.
--------
3 Kuruṅgavaggo
1 kuruṅgamigajātakaṁ

[21] Ñātametaṁ kuruṅgassa yaṁ tvaṁ sepaṇṇi seyyasi 6
1-2 Ma. mucce. ito paraṁ īdisameva. 3 Ma. bajjhati. 4 Ma. pissāma.
5 Ma. varamāluta. 6 Ma. siyyasi.
Aññaṁ sepaṇṇiṁ gacchāmi na me te ruccate phalanti.
Kuruṅgamigajātakaṁ paṭhamaṁ.
--------
2 Kukkurajātakaṁ

[22] Ye kukkurā rājakulasmi vaḍḍhā
koleyyakā vaṇṇabalūpapannā
teme na vajjhā mayamasma vajjhā
nāyaṁ saghaccā dubbalaghātikāyanti.
Kukkurajātakaṁ dutiyaṁ.
--------
3 Bhojājānīyajātakaṁ 1

[23] Api passena semāno sallebhi sallalīkato
seyyova vaḷavā bhojjho 2 yuñja maññeva sārathīti.
Bhojājānīyajātakaṁ tatiyaṁ.
---------
4 Ājaññajātakaṁ

[24] Yadā yadā yattha yadā yattha yattha yadā yadā
ājañño kurute vegaṁ hāyanti tattha vāḷavāti.
Ājaññajātakaṁ catutthaṁ.
---------
1 Ma. gojānīyajātakaṁ. 2 Ma. gojo.
5 Titthajātakaṁ

[25] Aññamaññehi titthehi assaṁ pāyehi sārathi
accāsanassa puriso pāyāsassapi tappatīti.
Titthajātakaṁ pañcamaṁ.
--------
6 Mahiḷāmukhajātakaṁ

[26] Purāṇacorāna vaco nisamma
mahiḷāmukho pothayamānucāri 1
susaññatānaṁ hi vaco nisamma
gajuttamo sabbaguṇesu aṭṭhāti.
Mahiḷāmukhajātakaṁ chaṭṭhaṁ.
--------
7 Abhiṇhajātakaṁ