[37] Ye vuḍḍhamapacāyanti narā dhammassa kovidā
diṭṭhe dhamme ca pāsaṁsā samparāyo ca suggatīti 2 .
Tittirajātakaṁ sattamaṁ.
1 Ma. vakkaṅgā. 2 Ma. diṭṭheva dhamme pāsaṁsā samparāye ca suggatiṁ.
8 Bakajātakaṁ

[38] Nāccantaṁ nikatippañño nikatyā sukhamedhati
ārādheti nikatippañño 1 bako kakkaṭakāmivāti.
Bakajātakaṁ aṭṭhamaṁ.
-------
9 Nandajātakaṁ

[39] Maññe sovaṇṇayo rāsi sovaṇṇamālā ca nandako
yattha dāso āmajāto ṭhito thullāni gajjatīti.
Nandajātakaṁ navamaṁ.
-------
10 Khadiraṅgārajātakaṁ

[40] Kāmaṁ patāmi nirayaṁ uddhapādo 2 avaṁsiro
nānariyaṁ karissāmi handa piṇḍaṁ paṭiggahāti.
Khadiraṅgārajātakaṁ dasamaṁ.
Kulāvakavaggo catuttho.
-------
Tassuddānaṁ
siri mātali dhītara pakkhivaro
ratirāgato 3 mātāpitā ca puna
jagatīruha vuḍḍha sukakkaṭako
tathā nandaka piṇḍavarena dasa.
1 Yu. ārādhe nikatippañño. 2 Ma. uddhaṁpādo. 3 Ma. ratiyāgato.
5 Atthakāmavaggo
1 losakajātakaṁ

[41] Yo atthakāmassa hitānukampino
ovajjamāno na karoti sāsanaṁ
ajiyā pādamolubbha 1 mittako viya socatīti.
Losakajātakaṁ paṭhamaṁ.
-------
2 Kapotakajātakaṁ

[42] Yo atthakāmassa hitānukampino
ovajjamāno na karoti sāsanaṁ
kapotakassa vacanaṁ akatvā
amittahatthattova setīti.
Kapotakajātakaṁ dutiyaṁ.
--------
3 Veḷukajātakaṁ

[43] Yo atthakāmassa hitānukampino
ovajjamāno na karoti sāsanaṁ
evaṁ so nihato seti veḷukassa yathā pitāti.
Veḷukajātakaṁ tatiyaṁ.
--------
1 Ma. pādamolabbha.
4 Makasajātakaṁ

[44] Seyyo amitto matiyā upeto
na tveva mitto mativippahīno
makasaṁ vadhissanti hi elamūgo
putto pitu abbhidā uttamaṅganti.
Makasajātakaṁ catutthaṁ.
--------
5 Rohiṇījātakaṁ

[45] Seyyo amitto medhāvī yañce bālānukampako
passa rohiṇikaṁ jammiṁ mātaraṁ hantvāna socatīti.
Rohiṇījātakaṁ pañcamaṁ.
--------
6 Ārāmadūsakajātakaṁ

[46] Na ve anatthakusalena atthacariyā sukhāvahā
hāpeti atthaṁ dummedho kapi ārāmiko yathāti.
Ārāmadūsakajātakaṁ chaṭṭhaṁ.
--------
7 Vāruṇidūsakajātakaṁ