[57] Yassete caturo dhammā vānarinda yathā tava
saccaṁ dhammo dhiti 2 cāgo diṭṭhaṁ so ativattatīti.
Vānarindajātakaṁ sattamaṁ.
1 Ma. kiṁphalajātakaṁ. 2 Sī. Yu. dhitī.
8 Tayodhammajātakaṁ

[58] Yassete ca tayo dhammā vānarinda yathā tava
dakkhiyaṁ sūriyaṁ paññā diṭṭhaṁ so ativattatīti.
Tayodhammajātakaṁ aṭṭhamaṁ.
---------
9 Bherivādajātakaṁ 1

[59] Dhame dhame nātidhame atidhantaṁ hi pāpakaṁ
dhamantena 2 sataṁ laddhaṁ atidhantena nāsitanti.
Bherivādajātakaṁ navamaṁ.
---------
10 Saṅkhadhamanajātakaṁ

[60] Dhame dhame nātidhame atidhantaṁ hi pāpakaṁ
dhantenādhigatā bhogā te tāto vidhamī dhamanti.
Saṅkhadhamanajātakaṁ dasamaṁ.
Āsiṁsavaggo chaṭṭho.
----------
Tassuddānaṁ
yathā icchi 3 tathāhu dakā thalā
sura sāduphalova 4 alīnamano
1 Ma. bherivādakajātakaṁ. 2 Ma. dhantena hi. 3 Ma. icchiṁ. 4 Ma. sāduphalo ca.
Saṁpahaṭṭhamano caturo ca tayo
sataladdhakabhogamanena dasa.
----------
7 Itthīvaggo
1 asātamantajātakaṁ

[61] Āsā 1 lokitthiyo nāma velā tāsaṁ na vijjati
sārattā ca pagabbhā ca sikhī sabbagghaso yathā
tā hitvā pabbajissāmi vivekamanubrūhayanti.
Asātamantajātakaṁ paṭhamaṁ.
---------
2 Aṇḍabhūtajātakaṁ

[62] Yaṁ brāhmaṇo avādesi vīṇaṁ sammukhaveṭhito 2
aṇḍabhūtā bhatā bhariyā tāsu ko jātu vissaseti.
Aṇḍabhūtajātakaṁ dutiyaṁ.
---------
3 Takkajātakaṁ 3

[63] Kodhanā akataññū ca pisuṇā ca vibhedikā 4
brahmacariyaṁ cara bhikkhu so sukhaṁ na vihāhisīti 5 .
Takkajātakaṁ tatiyaṁ.
1 Ma. asā. 2 Ma. samukhaveṭhito. 3 Ma. takkapaṇḍitajātakaṁ. 4 Ma. pisuṇā
mittabhedikā. 5 Ma. vihāhasīti.
4 Durājānajātakaṁ

[64] Mā su nandi icchati maṁ mā su soci na icchati 1
thīnaṁ bhāvo durājāno macchassevodake gatanti.
Durājānajātakaṁ catutthaṁ.
--------
5 Anabhiratijātakaṁ

[65] Yathā nadī ca pantho ca pānāgāraṁ sabhā papā
evaṁ lokitthiyo nāma nāsaṁ kujjhanti paṇḍitāti.
Anabhiratijātakaṁ pañcamaṁ.
--------
6 Mudulakkhaṇajātakaṁ

[66] Ekā icchā pure āsi aladdhā mudulakkhaṇaṁ
yato laddhā aḷārakkhi 2 icchā icchaṁ vijāyathāti.
Mudulakkhaṇajātakaṁ chaṭṭhaṁ.
--------
7 Ucchaṅgajātakaṁ