[107] Sādhu kho sippakannāma api yādisakīdisaṁ
passa khañjappahārena laddhā gāmā catuddisāti
sālittakajātakaṁ sattamaṁ.
---------
8 Bāhiyajātakaṁ

[108] Sikkheyya sikkhitabbāni santi tacchandino 1 janā
bāhiyāpi 2 suhannena rājānaṁ abhirādhayīti.
Bāhiyajātakaṁ aṭṭhamaṁ.
---------
9 Kuṇḍakapūvajātakaṁ

[109] Yathanno puriso hoti tathannā tassa devatā
āharetaṁ kuṇḍapūvaṁ 3 mā me bhāgaṁ vināsayāti.
Kuṇḍapūvajātakaṁ navamaṁ.
--------
10 Sabbasaṁhārakapañho

[110] Sabbasaṁhārako natthi suddhaṁ kaṅgu pavāyati
alikaṁ bhāsatiyaṁ 4 dhuttī saccamāhu mahallikāti.
Sabbasaṁhārakapañho dasamo.
Parosatavaggo ekādasamo.
1 Sī. Yu. bacchandino. 2 Ma. ... hi. 3 Sī. Yu. kaṇaṁ pūvaṁ. 4 Ma. bhāyatiyaṁ.
Tassuddānaṁ
saparosatatāyitaverī puna
bhamacakkathanāgasirivhayano
sukhakañca vata sippakabāhiyā
kuṇḍapūvamahallikakā ca dasa.
--------
12 Haṁsivaggo 1
1 gadrabhapañho

[111] Haṁsi 2 tuvaṁ evaṁ maññasi seyyo
puttena pitāti rāja seṭṭha
handassatarassa te ayaṁ
assatarassa hi gadrabho pitāti.
Gadrabhapañho paṭhamo.
--------
2 Amarādevīpañho

[112] Yena sattuvilaṅgā ca
daguṇapalāso ca pupphito
yenādāmi 3 tena vadāmi
yena nādāmi 4 na tena vadāmi
1 Ma. haṁcivaggo. 2 Ma. haṁci. evamuparipi. 3 Ma. yena dadāmi.
4 Ma. yena na dadāmi.
Esa maggo yavamajjhakassa
etaṁ channapathaṁ vijānāhīti.
Amarādevīpañho dutiyo.
----------
3 Sigālajātakaṁ 1

[113] Saddahāsi sigālassa surāpitassa brāhmaṇa
sippikānaṁ sataṁ natthi kuto kaṁsasatā duveti.
Sigālajātakaṁ tatiyaṁ.
--------
4 Mitacintijātakaṁ

[114] Bahucintī appacintī ca 2 ubho jāle abajjhare
mitacintī amocesi ubho tattha samāgatāti.
Mitacintijātakaṁ catutthaṁ.
----------
5 Anusāsikajātakaṁ 3

[115] Yāyaññamanusāsati sayaṁ loluppacārinī
sāyaṁ vipakkhikā seti hatā cakkena sālikāti.
Anusāsikajātakaṁ pañcamaṁ.
----------
1 ma sabbattha siṅgāla .... 2 Ma. casaddo natthi. 3 Ma. lolasālikajātakaṁ.
6 Dubbacajātakaṁ

[116] Atikaramakarācariya mayhampetaṁ na ruccati
catutthe liṅghayitvāna 1 pañcamāyasi āvutoti.
Dubbacajātakaṁ chaṭṭhaṁ.
---------
7 Tittirajātakaṁ