[137] Yattheko labhate babbu dutiyo tattha jāyati
tatiyo ca catuttho ca idante babbukā bilanti.
Babbujātakaṁ sattamaṁ.
--------
8 Godhajātakaṁ

[138] Kinte jaṭāhi dummedha kinte ajinasāṭiyā
Abbhantarante gahanaṁ bāhiraṁ parimajjasīti.
Godhajātakaṁ aṭṭhamaṁ.
--------
9 Ubhatobhaṭṭhajātakaṁ

[139] Akkhī bhinnā paṭo naṭṭho sakhīgehe ca bhaṇḍanaṁ
ubhato paduṭṭhakammantā udakamhi thalamhi cāti.
Ubhatobhaṭṭhajātakaṁ navamaṁ.
---------
10 Kākajātakaṁ

[140] Niccaṁ ubbiggahadayā sabbalokavihesakā
tasmā nesaṁ vasā natthi kākānamhāka ñātinanti.
Kākajātakaṁ dasamaṁ.
Asampadānavaggo cuddasamo.
---------
Tassuddānaṁ
itarītara rakkhasi khemiyo ca
parosatapañhena ābhassaro puna
atha haṁsavaruttama babbu jaṭaṁ
paṭanaṭṭhaka kākavarena dasa.
---------
15 Kakaṇṭakavaggo
1 godhajātakaṁ

[141] Na pāpajanasaṁsevī accantasukhamedhati
godhākulaṁ kakaṇṭāva kaliṁ pāpeti attananti.
Godhajātakaṁ paṭhamaṁ.
----------
2 Sigālajātakaṁ

[142] Etaṁ hi te durājānaṁ yaṁ sesi matasāyitaṁ
yassa te kaḍḍhamānassa hatthā daṇḍo na muccatīti.
Sigālajātakaṁ dutiyaṁ
--------
3 virocanajātakaṁ

[143] Lasī ca te nipphalitā matthako ca padālito 1
sabbā te phāsukā bhaggā ajja kho tvaṁ virocasīti.
Virocanajātakaṁ tatiyaṁ.
---------
4 Naṅguṭṭhajātakaṁ

[144] Bahumpetaṁ asabbhi jātaveda
yantaṁ vāladhinābhipūjayāma
1 Sī. Yu. vidālito.
Maṁsārahassa natthajja maṁsaṁ
naṅguṭṭhampi bhavaṁ paṭiggahātūti.
Naṅguṭṭhajātakaṁ catutthaṁ.
--------
5 Rādhajātakaṁ

[145] Na tvaṁ rādha vijānāsi aḍḍharatte anāgate
abyāyataṁ 1 vilapasi viratte 2 kosiyāyaneti
rādhajātakaṁ pañcamaṁ.
--------
6 Kākajātakaṁ 3

[146] Api nu hanukā santā mukhañca parisussati.
Oramāma na pārema pūrateva mahodadhīti.
Kākajātakaṁ chaṭṭhaṁ.
---------
7 Puppharattajātakaṁ