[432] 3 Ye ime satta bojjhaṅgā maggā nibbānapattiyā
bhāvitā te mayā sabbe yathā buddhena desitā.
Suññatassānimittassa lābhinīhaṁ yadicchitaṁ
orasā dhītā buddhassa nibbānābhiratā sadā.
Sabbe kāmā samucchinnā ye dibbā ye ca mānusā
vikkhīṇo jātisaṁsāro natthidāni punabbhavo.
Aññatarā uttamā.

[433] 4 Divāvihārā nikkhamma gijjhakūṭamhi pabbate
nāgaṁ ogāhamuttiṇṇaṁ nadītīramhi addasaṁ.
Puriso aṅkusamādāya dehi pādanti yācati
nāgo pasārayi 4 pādaṁ puriso nāgamāruhi.
1 Po. Ma. ekapallaṅkena. 2 Yu. pītisukhasamappitā. 3 Po. etthantare yato
taṇhā visositā pacchā dhammadesesinti gāthāpādadvayaṁ dissati. 4 Ma. pasārayī.
Disvā adantaṁ damitaṁ manussānaṁ vasaṁ gataṁ
tato cittaṁ samādhemi 1 khalu tāya vanaṁ gatā.
Dantikā.

[434] 5 Amma jīvāti vanamhi kandasi attānaṁ adhigaccha ubbiri
cūḷāsītisahassāni sabbā jīvasanāmikā
etamhāḷāhane daḍḍhā tāsaṁ kamanusocasi.
Abbuhi 2 vata me sallaṁ duddasaṁ hadayanissitaṁ
yaṁ me sokaparetāya dhītu sokaṁ byapānudi.
Sājja abbūḷhasallāhaṁ nicchātā parinibbutā
buddhaṁ dhammañca saṅghañca upemi saraṇaṁ muniṁ.
Ubbiri.

[435] 6 Kiṁme katā rājagahe manussā madhuṁ pītā va acchare
ye sukkaṁ na upāsanti desentiṁ buddhasāsanaṁ.
Tañca appaṭivānīyaṁ asecanakamojavaṁ
pivanti maññe sappaññā valāhakamivaddhagū.
Sukkā sukkehi dhammehi vītarāgā samāhitā
dhārehi antimaṁ dehaṁ jetvā māraṁ savāhanaṁ.
Sukkā.

[436] 7 Natthi nissaraṇaṁ loke kiṁ vivekena kāhasi
1 Po. Ma. samādhesiṁ. 2 Ma. abbahī.
Bhuñjāhi kāmaratiyo māhu pacchānutāpinī.
Sattisūlūpamā kāmā khandhāsaṁ adhikuṭṭanā
yaṁ tvaṁ kāmaratiṁ brūsi arati dāni sā mamaṁ.
Sabbattha vihatā nandi tamokkhandho padālito
evaṁ jānāhi pāpima nihato tvamasi antaka.
Selā.

[437] 8 Yantaṁ isīhi pattabbaṁ ṭhānaṁ durabhisambhavaṁ
na taṁ dvaṅgulipaññāya sakkā pappotumitthiyā.
Itthibhāvo no kiṁ kayirā cittamhi susamāhite
ñāṇamhi vattamānamhi sammā dhammaṁ vipassato.
Sabbattha vihatā nandi tamokkhandho padālito
evaṁ jānāhi pāpima nihato tvamasi antaka.
Somā.
Tikanipāto niṭṭhito.
-------------
Therīgāthāya catukkanipāto

[438] 1 Putto buddhassa dāyādo kassapo susamāhito
pubbenivāsaṁ sovedi 1 saggāpāyañca passati
1 Ma. Yu. yo.
Atho jātikkhayaṁ patto abhiññāvosito muni
etāhi tīhi vijjāhi tevijjo hoti brāhmaṇo.
Tatheva bhaddakāpilānī 1 tevijjā maccuhāyinī
dhāreti antimaṁ dehaṁ jetvā māraṁ savāhanaṁ.
Disvā ādīnavaṁ loke ubho pabbajitā mayaṁ
tyamha khīṇāsavā dantā sītibhūtamha nibbutāti.
Bhaddakāpilānī 1 .
Catukkanipāto niṭṭhito.
--------------
Therīgāthāya pañcakanipāto

[439] 1 Paṇṇavīsati vassāni yato pabbajitā ahaṁ
accharāsaṅghātamattampi 2 cittassupasamajjhagaṁ.
Aladdhā cetaso santiṁ kāmarāgenavassutā
bāhā paggayha kandantī vihāraṁ pāvisiṁ ahaṁ.
Sā bhikkhuniṁ upāgacchiṁ yā me saddhāyikā ahu
sā me dhammamadesesi khandhāyatanadhātuyo.
Tassā dhammaṁ suṇitvāna ekamante upāvisiṁ
pubbenivāsaṁ jānāmi dibbacakkhuṁ visodhitaṁ.
1 Ma. bhaddākāpilānī. Yu. bhaddākappilānī. 2 Ma. nāccharā.
Ceto pariccañāṇañca sotadhātu visodhitā
iddhipi me sacchikatā patto me āsavakkhayo
cha mebhiññā 1 sacchikatā kataṁ buddhassa sāsanaṁ.
Aññatarā bhikkhunī apaññātā.

[440] 2 Mattā vaṇṇena rūpena sobhaggena yasena ca
yobbanena cupatthaddhā aññā samatimaññihaṁ.
Vibhūsetvā imaṁ kāyaṁ sucittaṁ bālalāpanaṁ 2
aṭṭhāsiṁ vesidvāramhi luddo pāsamivoṭṭiyā 3 .
Pilandhanaṁ vidassentī 4 guyhaṁ pakāsitaṁ bahuṁ
akāsiṁ vividhaṁ māyaṁ ujjagghantī bahuṁ janaṁ.
Sājja piṇḍaṁ caritvāna muṇḍā saṅghāṭipārutā
nisinnā rukkhamūlamhi avitakkassa lābhinī.
Sabbe yogā samucchinnā ye dibbā ye ca mānusā
khepetvā āsave sabbe sītibhūtamhi nibbutā.
Vimalā purāṇagaṇikā.

[441] 3 Ayonisomanasikārā kāmarāgena addhitā 5
ahosiṁ uddhaṭā pubbe citte avasavattinī.
Pariyuṭṭhitā kilesehi sukhasaññānuvattinī 6
samaṁ cittassa nālabhiṁ rāgacittavasānugā.
1 Ma. chaḷabhiññā. 2 Yu. bālālapanaṁ. 3 Ma. Yu. voḍḍiya. 4 Yu. vidaṁsentī.
5 Ma. aṭṭitā. Yu. additā. 6 Ma. subhasaññā ....
Kisā paṇḍu vivaṇṇā ca satta vassāni cārihaṁ
nāhaṁ divā vā rattiṁ vā sukhaṁ vindiṁ sudukkhitā.
Tato rajjuṁ gahetvāna pāvisiṁ vanamantaraṁ
varamme idha ubbandhaṁ yañca hīnaṁ punācare.
Daḷhapāsaṁ karitvāna rukkhasākhāya bandhiya
pakkhipiṁ pāsaṁ gīvāyaṁ atha cittaṁ vimucci me.
Sīhā.