[402] 1 Sukhaṁ supāhi therike katvā coḷena pārutā
upasanto hi te rāgo sukkhaḍākaṁva kumbhiyaṁ.
Itthaṁ sudaṁ aññatarā therī apaññātā bhikkhunī gāthaṁ abhāsitthāti.

[403] 2 Mutte muñcassu 2 yogehi cando rāhuggaho iva
vippamuttena cittena anaṇā bhuñjāhi piṇḍakaṁ.
Itthaṁ sudaṁ bhagavā muttaṁ sikkhamānaṁ imāya gāthāya abhiṇhaṁ
ovadati 3 .

[404] 3 Puṇṇe pūrassu dhammehi cando paṇṇaraseriva
paripuṇṇāya paññāya tamokkhandhaṁ padālaya 5 .
Puṇṇā 4 .

[405] 4 Tisse sikkhassu sikkhāya mā taṁ yogā upaccaguṁ
sabbayogavisaṁyuttā cara loke anāsavā.
Tissā 5 .
1 Ma. sabbattha gāthāpariyosāne itisaddo dissati. 2 Ma. Yu. muccassu.
3 Ma. ovadatīti. 4 Ma. itthaṁ sudaṁ-therī gāthaṁ abhāsitthāti. 5 Ma. tissātherī. sabbattha īdisaṭṭhāne therīti pāṭho dissati.

[406] 5 Tisse yuñjassu dhammehi khaṇo taṁ mā upaccagā
khaṇātītā hi socanti nirayamhi samappitā.
Aññatarā tissā.

[407] 6 Dhīre nirodhaṁ phusehi saññāvūpasamaṁ sukhaṁ
ārādhayehi 1 nibbānaṁ yogakkhemaṁ anuttaraṁ.
Dhīrā.

[408] 7 Dhīrā dhīrehi dhammehi bhikkhunī bhāvitindriyā
dhārehi antimaṁ dehaṁ jetvā māraṁ savāhanaṁ.
Aññatarā dhīrā.

[409] 8 Saddhāya pabbajitvāna mitte mittaratā bhava
bhāvehi kusale dhamme yogakkhemassa pattiyā.
Mittā.

[410] 9 Saddhāya pabbajitvāna bhadre bhadraratā bhava
bhāvehi kusale dhamme yogakkhemaṁ anuttaraṁ.
Bhadrā.

[411] 10 Upasame tare oghaṁ maccudheyyaṁ suduttaraṁ
dhārehi antimaṁ dehaṁ jetvā māraṁ savāhanaṁ.
Upasamā.