[352] 6 Paṇṇavīsativassāni yato pabbajito ahaṁ
accharāsaṅghātamattampi cetosantimanajjhagaṁ.
Aladdhā cittassekaggaṁ kāmarāgena addito 4
bāhā paggayha kandanto vihārānupanikkhamiṁ 5 .
Satthaṁ vā āharissāmi ko attho jīvitena me
kathaṁ hi sikkhaṁ paccakkhaṁ kālaṁ kubbetha mādiso.
Tadāhaṁ khuramādāya mañcakamhi upāvisiṁ
parinīto khuro āsi dhamaniṁ chettumattano.
Tato me manasīkāro yoniso udapajjatha
ādīnavo pāturahu nibbidā samatiṭṭhatha.
Tato cittaṁ vimucci me passa dhammasudhammataṁ
1 Ma. khaṇo vo. 2 suttanipāte pamādāti pāṭho dissati. 3 Yu. abbahe.
abbūḷhetipi pāṭho. 4 Ma. aṭṭito. 5 Ma. vihārā upanikkhamiṁ.
Tisso vijjā anuppattā kataṁ buddhassa sāsananti.
Sappadāso thero.

[353] 7 Uṭṭhāhi nisīda kātiyāna
mā niddābahulo 1 ahu jāgarassu
mā taṁ alasaṁ pamattabandhu
kūṭeneva jinātu maccurājā.
Seyyathāpi 1 mahāsamuddavego
evaṁ jātijarātivattate taṁ
so karohi sudīpamattano tvaṁ
na hi tāṇaṁ tava vijjatedha 2 aññaṁ.
Satthā hi vijesi maggametaṁ
saṅgā jātijarābhayā atītaṁ
pubbāpararattamappamatto
anuyuñjassu daḷhaṁ karohi yogaṁ.
Purimāni pamuñca bandhanāni
saṅghāṭīkhuramuṇḍabhikkhabhojī
mā khiḍḍāratiñca mā niddaṁ
anuyuñjittha jhiyāya 3 kātiyāna.
Jhāyāhi jināhi kātiyāna
1 Sī. Yu. sayathāpi. 2 Ma. Yu. va. 3 Ma. jhāya.
Yogakkhemapathe sukovidosi
pappuyya anuttaraṁ visuddhiṁ
parinibbāhisi vārināva joti.
Pajjotakaro parittaraṁso
vātena vinamyate latāva
evampi tuvaṁ anādiyamāno 1
māraṁ indasagotta niddhunāhi.
So vedayitāsu vītarāgo
kālaṁ kaṅkha idheva sītibhūtoti.
Kātiyāno thero.

[354] 8 Sudesito cakkhumatā buddhenādiccabandhunā
sabbasaṁyojanātīto sabbavaṭṭavināsano
niyyāniko uttaraṇo taṇhāmūlavisosano
visamūlaṁ āghātanaṁ bhetvā 2 pāpeti nibbutiṁ
aññāṇamūlabhedāya kammayantavighāṭano
viññāṇānaṁ pariggahe ñāṇavajiranipātano
vedanānaṁ viññāpano upādānappamocano
bhavaṁ aṅgārakāsuṁva ñāṇena anupassano 3
mahāraso sugambhīro jarāmaccunivāraṇo
1 Ma. Yu. anādiyāno. 2 Yu. chetvā. 3 Sī. Ma. Yu. anupassako.
Ariyo aṭṭhaṅgiko maggo dukkhūpasamano sivo
kammaṁ kammanti ñatvāna vipākañca vipākato
paṭiccuppannadhammānaṁ yathāvālokadassano
mahākhemaṅgamo santo pariyosānabhaddakoti.
Migajālo thero.

[355] 9 Jātimadena mattohaṁ bhogaissariyena ca
saṇṭhānavaṇṇarūpena madamatto acārihaṁ.
Nāttano samakaṁ kañci atirekañca maññisaṁ
atimānahato bālo patthaddho ussitaddhajo.
Mātaraṁ pitaraṁ vāpi 1 athopi 2 garusammate
na kiñci 3 abhivādesiṁ mānatthaddho anādaro.
Disvā vināyakaṁ aggaṁ sārathīnaṁ varuttamaṁ
tapantamiva ādiccaṁ bhikkhusaṅghapurakkhataṁ
mānaṁ madañca chaḍḍetvā vippasannena cetasā
sirasā abhivādesiṁ sabbasattānamuttamaṁ.
Atimāno ca omāno pahīnā susamūhatā
asmimāno samucchinno sabbe mānavidhā hatāti.
Jento purohitaputto thero.
1 Ma. Yu. cāpi. 2 Ma. Yu. aññepi. 3 Ma. Yu. kañci.

[356] 10 Yadā navo pabbajito jātiyā sattavassiko
iddhiyā abhibhotvāna pannagindaṁ mahiddhikaṁ
upajjhāyassa udakaṁ anotattā mahāsarā
āharāmi tato disvā maṁ satthā etadabravi
sārīputta imaṁ passa āgacchantaṁ kumārakaṁ
udakumbhakamādāya ajjhattaṁ susamāhitaṁ.
Pāsādikena vattena kalyāṇairiyāpatho
sāmaṇeronuruddhassa iddhiyā ca visārado
ājāniyena ājañño sādhunā sādhukārito
vinīto anuruddhena katakiccena sikkhito
so patvā paramaṁ santiṁ sacchikatvā akuppataṁ
sāmaṇero sa sumano mā maṁ jaññāti icchatīti.
Sumano thero.

[357] 11 Vātarogābhinīto tvaṁ viharaṁ kānane vane
paviṭṭhagocare 1 lūkhe kathaṁ bhikkhu karissasi.
Pītisukhena vipulena pharitvāna samussayaṁ
lūkhampi abhisambhonto viharissāmi kānane.
Bhāvento satta bojjhaṅge indriyāni balāni ca
jhānasukhumasampanno 2 viharissaṁ anāsavo.
1 Ma. Yu. paviddhagocare. 2 Yu. jhānasokhummasampanno.
Vippamuttaṁ kilesehi suddhacittaṁ anāvilaṁ
abhiṇhaṁ paccavekkhanto viharissaṁ anāsavo.
Ajjhattañca bahiddhā ca ye me vijjhiṁsu 1 āsavā
sabbe asesā ucchinnā na ca uppajjare puna.
Pañcakkhandhā pariññātā tiṭṭhanti chinnamūlakā
dukkhakkhayo anuppatto natthidāni punabbhavoti.
Nhātakamuni thero.

[358] 12 Akkodhassa kuto kodho dantassa samajīvino
sammadaññā vimuttassa upasantassa tādino.
Tasseva tena pāpiyo yo kuddhaṁ paṭikujjhati
kuddhaṁ appaṭikujjhanto saṅgāmaṁ jeti dujjayaṁ.
Ubhinnamatthaṁ carati attano ca parassa ca
paraṁ saṅkupitaṁ ñatvā yo sato upasammati.
Ubhinnaṁ tikicchantānaṁ 2 attano ca parassa ca
janā maññanti bālāti 3 ye dhammassa akovidā.
Uppajjate sace kodho āvajjaṁ kakacūpamaṁ
uppajje ce rase taṇhā puttamaṁsūpamaṁ saraṁ.
Sace dhāvati cittaṁ 4 te kāmesu ca bhavesu ca
1 Ma. Yu. vijjiṁsu. 2 Yu. tikicchantantaṁ. 3 Yu. bāloti.
4 Yu. sace dhāvati te citaṁ.
Khippaṁ niggayha satiyā kiṭṭhādaṁ viya duppasunti.
Brahmadatto thero.

[359] 13 Channamativassati vivaṭaṁ nātivassati
tasmā channaṁ vivaretha evantaṁ nātivassati.
Maccunabbhāhato loko jarāya parivārito
taṇhāsallena otiṇṇo icchādhūpāyito sadā.
Maccunabbhāhato loko parikkhitto jarāya ca
haññati niccamattāṇo pattadaṇḍova takkaro.
Āgacchantaggikkhandhāva maccubyādhijarā tayo
paccuggantuṁ balaṁ natthi javo natthi palāyituṁ.
Amoghaṁ divasaṁ kayirā appena bahukena vā
yaṁ yaṁ vivahate 1 ratti tadūnantassa jīvitaṁ.
Carato tiṭṭhato vāpi āsīnasayanassa vā
upeti carimā ratti na te kālo pamajjitunti.
Sirimaṇḍo thero.

[360] 14 Dipādakoyaṁ asuci duggandho parihīrati
nānākuṇapaparipūro vissavanto tato tato.
Migaṁ nilīnaṁ kūṭena baliseneva ambujaṁ
vānaraṁ viya lepena bādhayanti puthujjanaṁ
1 Sī. virahate rattiṁ. Ma. Yu. vijahate rattiṁ.
Rūpā saddā rasā gandhā phoṭṭhabbā ca manoramā
pañca kāmaguṇā ete itthirūpasmiṁ dissare.
Ye etā upasevanti rattacittā puthujjanā
vaḍḍhenti kaṭasiṁ ghoraṁ ācinanti punabbhavaṁ.
Yo cetā 1 parivajjeti sappasseva padā siro
somaṁ visattikaṁ loke sato samativattati.
Kāmesvādīnavaṁ disvā nekkhammaṁ daṭṭhu khemato
nissaṭo sabbakāmehi patto me āsavakkhayoti.
Sabbakāmo 2 thero.
Uddānaṁ
uruvelakassapo ca thero tikicchakāni 3 ca
mahānāgo ca kullo ca māluṅkyo 4 sappadāsako
kātiyāno ca 5 migajālo jento sumanasavhayo
nhātamuni brahmadatto sirimaṇḍo sabbakāmako 2
gāthāyo caturāsīti therā cettha catuddasāti.
Chakkanipāto niṭṭhito.
--------------
1 Yu. yo etā. 2 Ma. sabbakāmī. 3 Ma. thero te kicchakāri. Yu. thero
te. 4 Ma. mālukyo. Sī. Yu. māluto. 5 Ma. casaddo natthi.
Theragāthāya sattakanipāto

[361] 1 Alaṅkatā suvasanā mālabhārī 1 vibhūsitā
alattakakatā pādā pādukāruyha vesikā 2
pādukā oruhitvāna purato pañjalīkatā
sā maṁ saṇhena mudunā mitapubbamabhāsatha 3
yuvāsi tvaṁ pabbajito tiṭṭhāhi mama sāsane
bhuñja mānusake kāme ahaṁ vittaṁ dadāmi te.
Saccante paṭijānāmi aggiṁ vā te harāmahaṁ.
Yadā jiṇṇā bhavissāma ubho daṇḍaparāyanā
ubhopi pabbajissāma ubhayattha kaṭaggaho.
Tañca disvāna āyantiṁ vesikaṁ pañjalīkataṁ
alaṅkataṁ suvasanaṁ maccupāsaṁva oḍḍitaṁ
tato me manasīkāro yoniso udapajjatha
.pe. 4
Sundarasamuddo thero.