[342] 8 Vātarogābhinīto tvaṁ viharaṁ kānane vane
paviṭṭhagocare 4 lūkhe kathaṁ bhikkhu karissasi.
Pītisukhena vipulena pharamāno samussayaṁ
lūkhampi abhisambhonto viharissāmi kānane.
Bhāvento satipaṭṭhāne indriyāni balāni ca
bojjhaṅgāni ca bhāvento viharissāmi kānane.
Āraddhaviriye pahitatte niccaṁ daḷhaparakkame
samagge sahite disvā viharissāmi kānane.
Anussaranto sambuddhaṁ attadandaṁ 5 samāhitaṁ
1 Ma. Yu. ahuṁ. 2 Ma. yāthāvakaṁ. Yu. yathāvakaṁ. 3 Ma. Yu. suddhassa.
4 Yu. paviddhagocare. 5 Po. Yu. aggadantaṁ. Ma. aggaṁ dantaṁ.
Atandito rattindivaṁ viharissāmi kānaneti.
Vakkali thero.

[343] 9 Olaggissāmi te cittaṁ 1 āṇidvāreva hatthinaṁ
na taṁ pāpe niyojissaṁ kāmajālaṁ 2 sarīrajaṁ 3 .
Tvaṁ olaggo na gacchasi 4
dvāravivaraṁ gajova alabhanto
na ca cittakali punappunaṁ
pasahaṁ 5 pāparato carissasi.
Yathā kuñjaraṁ adantaṁ
navaggahaṁ aṅkusaggaho
balavā āvatteti akāmaṁ
evaṁ āvattayissantaṁ.
Yathā varahayadamakusalo
sārathi pavaro dameti ājaññaṁ
evaṁ damayissantaṁ
patiṭṭhito pañcasu balesu.
Satiyā taṁ nibandhissaṁ
payatatto 6 te 7 damissāmi
viriyadhuraniggahito nayito
1 Ma. Yu. citta. 2 Yu. kāmajāla. 3 Yu. sarīraja. 4 Yu. gacchisi.
5 Ma. pasakka. 6 Ma. payutto. 7 Yu. vo.
Dūraṁ gamissase cittāti.
Vijitaseno thero.

[344] 10 Upārambhacitto dummedho suṇāti jinasāsanaṁ
ārakā hoti saddhammā nabhaso paṭhavī yathā.
Upārambhacitto dummedho suṇāti jinasāsanaṁ
parihāyati saddhammā kāḷapakkheva candimā.
Upārambhacitto dummedho suṇāti jinasāsanaṁ
parisussati saddhamme maccho appodake yathā.
Upārambhacitto dummedho suṇāti jinasāsanaṁ
na virūhati saddhamme khette bījaṁva pūtikaṁ.
Yo ca guttena 1 cittena suṇāti jinasāsanaṁ
khepetvā āsave sabbe sacchikatvā akuppataṁ
pappuyya paramaṁ santiṁ parinibbāti anāsavoti.
Yasadatto thero.

[345] 11 Upasampadā ca me laddhā vimutto camhi anāsavo
so ca me bhagavā diṭṭho vihāre ca sahāvasiṁ.
Bahudeva rattiṁ bhagavā abbhokāsetināmayi
vihārakusalo satthā vihāraṁ pāvisī tadā.
Santharitvāna saṅghāṭiṁ seyyaṁ kappesi gotamo
1 Ma. Yu. tuṭṭhena.
Sīho selaguhāyaṁva pahīnabhayabheravo.
Tato kalyāṇavākkaraṇo sammāsambuddhasāvako
soṇo abhāsi saddhammaṁ buddhaseṭṭhassa sammukhā.
Pañcakkhandhe pariññāya bhāsayitvāna 1 añjasaṁ
pappuyya paramaṁ santiṁ parinibbāyissatyanāsavoti 2 .
So ṇo kuṭikaṇṇo thero.

[346] 12 Yo ve garūnaṁ vacanaññu dhīro
vase ca tamhi janayetha pemaṁ
so bhattimā nāma ca hoti paṇḍito
ñatvā ca dhammesu visesi assa.
Yaṁ āpadā uppatitā uḷārā
nakkhambhayante paṭisaṅkhayantaṁ
so thāmavā nāma ca hoti paṇḍito
ñatvā ca dhammesu visesi assa.
Yo ve samuddova ṭhito anejo
gambhīrapañño nipuṇatthadassī
asaṁhāriko 3 nāma ca hoti paṇḍito
ñatvā ca dhammesu visesi assa.
Bahussuto dhammadharo ca hoti
1 Ma. Yu. bhāvayitvāna. 2 Ma. Yu. parinibbissatyanāsavo. 3 Yu. asaṁhāriyo.
Dhammassa hoti anudhammacārī
so tādiso nāma ca hoti paṇḍito
ñatvā ca dhammesu visesi assa.
Atthañca yo jānāti bhāsitassa
atthañca ñatvāna tathā karoti
atthantaro nāma sa hoti paṇḍito
ñatvā ca dhammesu visesi assāti.
Kosiyo thero.
Uddānaṁ
rājadatto subhūto ca girimānandasumano
vaḍḍho ca kassapo thero gayākassapavakkali
vijito yasadatto ca soṇo kosiyasavhayo
saṭṭhī ca pañcagāthāyo therā ca ettha dvādasāti.
Pañcakanipāto niṭṭhito.
-----------------
Theragāthāya chakkanipāto

[347] 1 Disvāna pāṭihīrāni gotamassa yasassino
na tāvāhaṁ paṇipatiṁ issāmānena vañcito.
Mama saṅkappamaññāya codesi narasārathi
Tato me āsi saṁvego abbhūto lomahaṁsano.
Pubbe jaṭilabhūtassa yā me siddhi 1 parittikā
tāhaṁ tadā niraṅkatvā pabbajiṁ jinasāsane.
Pubbe yaññena santuṭṭho kāmadhātu purakkhato
pacchā rāgañca dosañca mohañcāpi samūhaniṁ.
Pubbenivāsaṁ jānāmi dibbacakkhuṁ visodhitaṁ
iddhimā paracittaññū dibbasotañca pāpuṇiṁ.
Yassa catthāya pabbajito agārasmā anagāriyaṁ
so me attho anuppatto sabbasaṁyojanakkhayoti.
Uruvelakassapo thero.

[348] 2 Atihitā vīhi khalagatā sāli
na ca labhe piṇḍaṁ kathamahaṁ kassaṁ.
Buddhamappameyyaṁ anussara pasanno
pītiyā phuṭṭhasarīro hohisi sattamudaggo 2 .
Dhammamappameyyaṁ .pe.
Saṅghamappameyyaṁ .pe.
Abbhokāse ca 3 viharasi
sītā hemantikā imā rattiyo.
Mā sītena pareto vihaññittho
1 Yu. iddhi. 2 Ma. Yu. satata .... 3 Ma. Yu. casaddo natthi.
Pavisa tvaṁ vihāraṁ phusitaggalaṁ.
Phusissaṁ catasso appamaññāyo
tāhi ca sukhito viharissaṁ
nāhaṁ sītena vihaññissaṁ
aniñjito viharantoti.
Tekicchakāni thero.

[349] 3 Yassa sabrahmacārīsu gāravo nūpalabbhati
parihāyati saddhammā maccho appodake yathā.
Yassa sabrahmacārīsu gāravo nūpalabbhati
na virūhati saddhamme khette bījaṁva pūtikaṁ.
Yassa sabrahmacārīsu gāravo nūpalabbhati
ārakā hoti nibbānā dhammarājassa sāsane.
Yassa sabrahmacārīsu gāravo upalabbhati
na vihāyati saddhammā maccho bahodake 1 yathā.
Yassa sabrahmacārīsu gāravo upalabbhati
so virūhati saddhamme khette bījaṁva bhaddakaṁ.
Yassa sabrahmacārīsu gāravo upalabbhati
santike hoti nibbānaṁ dhammarājassa sāsaneti.
Mahānāgo thero.

[350] 4 Kullo sīvathikaṁ gantvā addasaṁ itthimujjhitaṁ
1 Sī. bahvodake.
Apaviddhaṁ susānasmiṁ khajjantiṁ kimihī phuṭaṁ.
Āturaṁ asuciṁ pūtiṁ passa kulla samussayaṁ
uggharantaṁ paggharantaṁ bālānaṁ abhinanditaṁ.
Dhammādāsaṁ gahetvāna ñāṇadassanapattiyā
paccavekkhiṁ imaṁ kāyaṁ tucchaṁ santarabāhiraṁ.
Yathā idaṁ tathā etaṁ yathā etaṁ tathā idaṁ
yathā adho tathā uddhaṁ yathā uddhaṁ tathā adho.
Yathā divā tathā ratti 1 yathā ratti 1 tathā divā
yathā pure tathā pacchā yathā pacchā tathā pure.
Pañcaṅgikena turiyena na rati hoti tādisī
yathā ekaggacittassa sammā dhammaṁ vipassatoti.
Kullo thero.

[351] 5 Manujassa pamattacārino taṇhā vaḍḍhati māluvā viya
so pariplavati 2 hurāhuraṁ phalamicchaṁva vanasmiṁ vānaro.
Yaṁ esā sahate 3 jammī taṇhā loke visattikā
sokā tassa pavaḍḍhanti abhivuṭṭhaṁva 4 vīraṇaṁ.
Yo cetaṁ 5 sahate 3 jammiṁ taṇhaṁ loke duraccayaṁ
sokā tamhā papatanti udabinduva pokkharā.
Taṁ vo vadāmi bhaddaṁ vo yāvantettha samāgatā
1 Ma. Yu. rattiṁ. 2 Ma. plavatī. Yu. palavatī. 3 Yu. sahatī. 4 Ma. Yu. ativaṭṭhaṁva.
5 Yu. yo vetaṁ.
Taṇhāya mūlaṁ khaṇatha usīratthova vīraṇaṁ
mā vo naḷaṁva sotova māro bhañji punappunaṁ.
Karotha buddhavacanaṁ khaṇo ve 1 mā upaccagā
khaṇātītā hi socanti nirayamhi samappitā.
Pamādo rajo 2 pamādānupatito rajo
appamādena vijjāya abbuhe 3 sallamattanoti.
Māluṅkyaputto thero.