[232] 5 Andhohaṁ hatanettosmi kantāraddhāna pakkhanto 2
sayamānopi gamissaṁ 3 na sahāyena pāpenāti.
Cakkhupālo thero.

[233] 6 Ekaṁ pupphaṁ cajitvāna asītivassakoṭiyo 4
saggesu paricāretvā sesakenamhi nibbutoti.
Khaṇḍasumano thero.

[234] 7 Hitvā satapalaṁ kaṁsaṁ sovaṇṇaṁ satarājikaṁ
aggahiṁ mattikāpattaṁ idaṁ dutiyābhisecananti.
Tisso thero.
1 Ma. Yu. aggapattena. 2 Sī. Yu. pakkhanno. Ma. pakkhando.
3 Ma. Yu. gacchissaṁ. 4 Sī. Yu. asītiṁ vassakoṭiyo.

[235] 8 Rūpaṁ disvā sati muṭṭhā piyanimittaṁ manasikaroto
sārattacitto vedeti tañca ajjhosa tiṭṭhati
tassa vaḍḍhanti āsavā bhavamūlopagāminoti.
Abhayo thero.

[236] 9 Saddaṁ sutvā sati muṭṭhā piyanimittaṁ manasikaroto
sārattacitto vedeti tañca ajjhosa tiṭṭhati
tassa vaḍḍhanti āsavā saṁsāraṁ upagāminoti.
Uttiyo thero.

[237] 10 Sammappadhānasampanno satipaṭṭhānagocaro
vimuttikusumasañchanno parinibbāyissatyanāsavoti 1 .
Devasabho thero.
Uddānaṁ
paripuṇṇako ca vijayo erako mettajī muni
cakkhupālo khaṇḍasumano tisso abhayo ca 2
uttiyo mahāpañño thero devasabhopi cāti.
Vaggo dasamo.
---------------
Theragāthāya ekanipātassa ekādasamavaggo

[238] 1 Hitvā gihitvaṁ 3 anavositatto
mukhanaṅgalī odariko kusīto
1 Ma. Yu. parinibbissatyanāsavoti. 2 Ma. tisuso ca abhayo tathā. 3 Ma. gihittaṁ.
Mahāvarāhova nivāpapuṭṭho
punappunaṁ gabbhamupeti mandoti.
Belaṭṭhakāni 1 thero.

[239] 2 Mānena vañcitāse saṅkhāresu saṅkilissamānāse
lābhālābhena mathitā samādhiṁ nādhigacchantīti.
Setuccho thero.

[240] 3 Nāhaṁ etena atthiko sukhito dhammarasena tappito
pitvāna rasaggamuttamaṁ na ca kāhāmi rasena 2 santhavanti.
Bandhuro thero.

[241] 4 Lahuko vata me kāyo phuṭṭho ca pītisukhena vipulena
tūlamiva eritaṁ mālutena pilavativa me kāyoti.
Khitako thero.