[242] 5 Ukkaṇṭhitopi na vase ramamānopi pakkame
na tvevānatthasahitaṁ vase vāsaṁ vicakkhaṇoti.
Malitavambho thero.

[243] 6 Sataliṅgassa atthassa satalakkhaṇadhārino
ekaṅgadassī dummedho satadassī ca paṇḍitoti.
Suhemanto thero.

[244] 7 Pabbajiṁ tulayitvāna agārasmā anagāriyaṁ
1 Ma. Yu. belaṭṭhāniko. 2 Ma. Yu. visena.
Tisso vijjā anuppattā kataṁ buddhassa sāsananti.
Dhammasaṁvaro 1 thero.

[245] 8 Sa vīsaṁvassasatiko pabbajiṁ anagāriyaṁ
tisso vijjā anuppattā kataṁ buddhassa sāsananti.
Dhammasaṭapituthero 2 .

[246] 9 Na nūnāyaṁ paramahitānukampino
rahogato anuvigaṇeti sāsanaṁ
tathā hayaṁ vīharati pākatindriyo
migī yathā taruṇajātikā vaneti.
Saṅgharakkhito thero.

[247] 10 Nagā nagaggesu susaṁvirūḷhā
udaggameghena navena sittā
vivekakāmassa araññasaññino
janeti bhiyyo usabhassa kalyatanti.
Usabho thero.
Uddānaṁ
belaṭṭhakāni 3 setuccho bandhuro khitako isi
malitavambho suhemanto dhammasaṁvaro 4 dhammasaṭapitā
1 Ma. Yu. dhammasavo. 2 dhammasavapitutherotipi. 3 Ma. belaṭṭhāniko. 4 Ma. Yu.
dhammasavo dhammasavapitā.
Saṅgharakkhitatthero ca usabho ca mahāmunīti.
Vaggo ekādasamo.
---------------
Theragāthāya ekanipātassa dvādasamavaggo

[248] 1 Duppabbajjaṁ ve duradhivāsā gehā
dhammo gambhīro duradhigamā bhogā
kicchā vutti no itarītareneva
yuttaṁ cintetuṁ satatamaniccatanti.
Jento thero.

[249] 2 Tevijjohaṁ mahājhāyī cetosamathakovido
sadattho me anuppatto kataṁ buddhassa sāsananti.
Vacchagotto thero.

[250] 3 Acchodikā puthusilā gonaṅgulamigāyutā
ambusevālasañchannā te selā ramayanti manti.
Vanavaccho thero.

[251] 4 Kāyaduṭṭhullagaruno hiyyamānamhi jīvite
sarīrasukhagiddhassa kuto samaṇasādhutāti.
Adhimutto thero.