[252] 5 Esāvahiyyase pabbatena bahukuṭajasallarikena 1
1 Ma. Yu. bahukuṭajasallakikena.
Nesādakena girinā yasassinā paricchadenāti.
Mahānāmo thero.

[253] 6 Cha phassāyatane hitvā guttadvāro susaṁvuto
aghamūlaṁ vametvāna 1 patto me āsavakkhayoti.
Pārāpariyo 2 thero.

[254] 7 Suvilitto suvasano sabbābharaṇabhūsito
tisso vijjā ajjhagamiṁ kataṁ buddhassa sāsananti.
Yaso thero.

[255] 8 Abhisatthova 3 nipatti vayo
rūpaṁ aññamiva tatheva santaṁ
tasseva sato avippavasato
aññasseva sarāmi attānanti.
Kimbilo thero.

[256] 9 Rukkhamūlagahanaṁ pasakkhiya 4
nibbānaṁ hadayasmiṁ opiya 5
jhāya gotama mā ca pamādo
kinte biḷibiḷikā karissatīti.
Vajjiputto thero.

[257] 10 Pañcakkhandhā pariññātā tiṭṭhanti chinnamūlakā
1 Ma. Yu. vamitvāna. 2 Po. pārāsiriyo. Ma. pārāsariyo. 3 Po. Ma. abhisatto.
4 Po. Ma. Yu. pasakkiya. 5 Yu. osiya.
Dukkhakkhayo anuppatto patto me āsavakkhayoti.
Isidatto thero.
Uddānaṁ
jento ca vacchagotto ca vaccho ca nāgasavhayo 1
adhimutto mahānāmo pārāpariyo yasopi ca
kimbilo vajjiputto ca isidatto mahāyasoti.
Dvādasamo vaggo.
Tatruddānaṁ bhavati.
Vīsuttarasataṁ therā katakiccā anāsavā
ekakeva nipātamhi susaṅgītā mahesibhīti.
Ekanipāto niṭṭhito
-----------
dukanipāto
theragāthāya dukanipātassa paṭhamavaggo

[258] 1 Natthi koci bhavo nicco saṅkhārā vāpi sassatā
uppajjanti ca te khandhā cavanti aparāparaṁ.
Etamādīnavaṁ ñatvā bhavenamhi anatthiko
nissaṭo sabbakāmehi patto me āsavakkhayoti.
Itthaṁ sudaṁ āyasmā uttaro thero gāthāyo abhāsitthāti.
1 Yu. vanapavhayo. Ma. vanasavhayo.

[259] 2 Nayidaṁ anayena jīvitaṁ nāhāro hadayassa santiko
āhāraṭṭhitiko samussayo iti disvāna carāmi esanaṁ.
Paṅkoti hi naṁ avedayuṁ 1 yāyaṁ vandanapūjanā kulesu
sukhumaṁ sallaṁ durubbahaṁ sakkāro kāpurisena dujjahoti.
Itthaṁ sudaṁ āyasmā piṇḍolabhāradvājo thero gāthāyo abhāsitthāti.

[260] 3 Makkaṭo pañcadvārāyaṁ kuṭikāyaṁ pasakkhiya 2
dvārena anupariyeti ghaṭṭayanto muhuṁ muhuṁ.
Tiṭṭha makkaṭa mā dhāvi na hi te taṁ yathā pure
niggahitosi paññāya neva 3 dūraṁ gamissasīti.
Valliyo thero.

[261] 4 Tiṇṇaṁ me tālapattānaṁ gaṅgātīre kuṭī katā
chavasittova me patto paṁsukūlañca cīvaraṁ.
Dvinnaṁ antaravassānaṁ ekavācā me bhāsitā
tatiye antaravassamhi tamokkhandho padālitoti.
Gaṅgātīriyo thero.