[182] 5 Yathāpi bhaddo ājañño khalitvā paṭitiṭṭhati
1 Ma. Yu. cāle upacāle sīsupacāle. 2 Ma. Yu. ime pāṭhā na dissanti.
3 Ma. patissatā. 4 Ma. Yu. vedhīti. 5 Ma. passantī.
Evaṁ dassanasampannaṁ sammāsambuddhasāvakanti.
Ramaṇīyavihārī thero.

[183] 6 Saddhāyāhaṁ pabbajito agārasmā anagāriyaṁ
sati paññā ca me vuḍḍhā cittañca susamāhitaṁ.
Kāmaṁ karassu rūpāni neva maṁ byādhayissasīti.
Samiddhi thero.

[184] 7 Namo te buddhavīratthu vippamuttosi sabbadhi
tuyhāpadāne viharaṁ viharāmi anāsavoti.
Ujjayo thero.

[185] 8 Yato ahaṁ pabbajito agārasmā anagāriyaṁ
nābhijānāmi saṅkappaṁ anariyaṁ dosasaṁhitanti.
Sañjayo thero.

[186] 9 Vihavihābhinadite 1 sippikābhirutehi ca
na me taṁ phandati cittaṁ ekattaṁ nirataṁ 2 hi meti.
Rāmaṇeyyako thero.

[187] 10 Dharaṇīva 3 siccati 4 vāti māluto vijjutā carati nabhe
upasammanti vitakkā cittaṁ susamāhitaṁ mamanti 5 .
Vimalo thero.
Uddānaṁ
sirivaḍḍho revato thero khadiravaniyo sumaṅgalo 6
1 Ma. cihacihābhinadite. 2 Yu. ekattanirattaṁ. 3 Yu. dharaṇī ca. 4 Ma. siñcati.
5 Ma. Yu. mamāti. 6 Ma. Yu. sumaṅgalo sānusavhayo.
Sānu 1 ramaṇīyavihārī ca samiddhi ujjayasañjayo 2
rāmaṇeyyako so thero vimalo ca raṇañjahoti 3 .
Vaggo pañcamo.
----------------
Theragāthāya ekanipātassa chaṭṭhavaggo

[188] 1 Vassati devo yathā sugītaṁ channā me kuṭikā sukhā nivātā
cittaṁ susamāhitañca mayhaṁ atha ce patthayasi pavassa devāti.
Godhiko thero.

[189] 2 Vassati devo yathā sugītaṁ channā me kuṭikā sukhā nivātā
cittaṁ susamāhitañca mayhaṁ 4 atha ce patthayasi pavassa devāti.
Subāhu thero.

[190] 3 Vassati devo yathā sugītaṁ channā me kuṭikā sukhā nivātā
tassaṁ viharāmi appamatto atha ce patthayasi pavassa devāti.
Valliyo thero.

[191] 4 Vassati devo yathā sugītaṁ channā me kuṭikā sukhā nivātā
tassaṁ viharāmi adutiyo atha ce patthayasi pavassa devāti.
Uttiyo thero.
1 Ma. Yu. ayaṁ pāṭho natthi. 2 Ma. sañjayā. 3 Yu. raṇañjayoti.
4 Po. Ma. Yu. kāye.