[172] 5 Sukhaṁ sukhattho labhate tadācaraṁ
kittiñca pappoti yasassa vaḍḍhati
yo ariyamaṭṭhaṅgikamañjasaṁ ujuṁ
bhāveti maggaṁ amatassa pattiyāti.
Sāmaññakāni thero.

[173] 6 Sādhu sutaṁ sādhu caritakaṁ
sādhu sadā aniketavihāro
atthapucchanaṁ padakkhiṇakammaṁ
etaṁ sāmaññaṁ akiñcanassāti.
Kumāputto thero.

[174] 7 Nānājanapadaṁ yanti vicarantā asaññatā
samādhiñca virādhenti kiṁsu raṭṭhacariyā karissati.
Tasmā vineyya sārambhaṁ jhāyeyya apurakkhatoti.
Kumāputtattherassa sahāyako thero.

[175] 8 Yo iddhiyā sarabhuṁ aṭṭhapesi
gavampati so asito anejo
taṁ sabbasaṅgātigataṁ mahāmuniṁ
devā namassanti bhavassa pāragunti.
Gavampati thero.

[176] 9 Sattiyā viya omaṭṭho ḍayhamāneva 1 matthake
kāmarāgappahānāya sato bhikkhu paribbajeti.
Tisso thero.

[177] 10 Sattiyā viya omaṭṭho ḍayhamāneva 1 matthake
bhavarāgappahānāya sato bhikkhu paribbajeti.
Vaḍḍhamāno thero.
Uddānaṁ
gahuratīriyo 2 suppiyo sopāko ca 3 posiyo ca 4
sāmaññakāni kumāputto kumāputtasahāyako
gavampati tissatthero vaḍḍhamāno mahāyasoti.
Vaggo catuttho.
----------------
1 Ma. ḍayuhamānova. 2 Yu. gahvaratīriyo. 3 Ma. ceva. 4 Ma. casaddo natthi.
Theragāthāya ekanipātassa pañcamavaggo

[178] 1 Vivaramanupatanti vijjutā
vebhārassa ca paṇḍavassa ca
nagavivaragato ca jhāyati
putto appaṭimassa tādinoti.
Sirivaḍḍho thero.

[179] 2 Hale 1 upahale sīsupahale halā 2 upahalā sīsupahalā
patissatikā 3 nu kho viharatha āgato vo vālaṁ viya vedhiyatīti. 4
Khadiravaniyo thero.

[180] 3 Sumuttiko sumuttiko sāhu samuttikomhi tīhi khujjakehi
asitāsu mayā naṅgalāsu mayā khuddakuddālāsu mayā.
Yadipi idhameva idhameva atha vāpi alameva alameva
jhāya sumaṅgala jhāya sumaṅgala appamatto vihara sumaṅgalāti.
Sumaṅgalo thero.

[181] 4 Mataṁ vā amma rodanti yo vā jīvaṁ na dissati
jīvantaṁ maṁ amma dissanti 5 kasmā maṁ amma rodasīti.
Sānu thero.