[142] 5 Yo duddamayo damena danto
dabbo santusito vitiṇṇakaṅkho
vijitāvi apetabheravo hi
dabbo so parinibbuto ṭhitattoti.
Itthaṁ sudaṁ āyasmā dabbo thero gāthaṁ abhāsittha.

[143] 6 Yo sītavanaṁ upāgā bhikkhu
eko santusito samāhitatto
vijitāvi apetalomahaṁso
rakkhaṁ kāyagatāsatiṁ dhītimāti.
Itthaṁ sudaṁ āyasmā sītavaniyo thero 3 .
1 Ma. Yu. nisīthe. nissivetipi. 2 Po. revato. 3 Ma. ito paraṁ gāthaṁ
abhāsitthātīti dissati. sabbattha īdisameva.

[144] 7 Yo pānudi maccurājassa senaṁ
naḷasetuṁva sudubbalaṁ mahogho
vijitāvi apetabheravo hi
danto so parinibbuto ṭhitattoti.
Itthaṁ sudaṁ āyasmā bhalliyo thero.

[145] 8 Yo duddamayo damena danto
dhīro 1 santusito vitiṇṇakaṅkho
vijitāvi apetalomahaṁso
vītarāgo 2 parinibbuto ṭhitattoti.
Vīro thero 3 .

[146] 9 Svāgataṁ nāpagataṁ 4 nayidaṁ dummantitaṁ mama
pavibhattesu 5 dhammesu yaṁ seṭṭhaṁ tadupāgaminti.
Pilindavaccho thero.

[147] 10 Vihari apekkhaṁ idha vā huraṁ vā
yo vedagū santusito 6 yatatto
sabbesu dhammesu anūpalitto
lokassa jaññā udayabbayañcāti.
Puṇṇamāso thero.
1 Ma. Yu. vīro. 2 Ma. Yu. vīro so. 3 Po. theroti. 4 Ma. na durāgataṁ.
5 Ma. Yu. saṁvibhattesu. 6 Ma. Yu. samito.
Uddānaṁ
subhūti koṭṭhito 1 thero kaṅkhārevatapuṇṇako 2
mantāniputto dabbo ca sītavaniyo ca bhalliyo
vīro pilindavaccho ca puṇṇamāso tamonudoti.
Vaggo paṭhamo.
-------------
Theragāthāya ekanipātassa dutiyavaggo

[148] 1 Pāmujjabahulo bhikkhu dhamme buddhappavedite
adhigacche padaṁ santaṁ saṅkhārūpasamaṁ sukhanti.
Cūḷavaccho 3 thero.

[149] 2 Paññābalī sīlavatūpapanno
samāhito jhānarato satīmā
yadatthiyaṁ bhojanaṁ bhuñjamāno
kaṅkhetha 4 kālaṁ idha vītarāgoti.
Mahāvaccho 5 thero.

[150] 3 Nīlabbhavaṇṇā rucirā sītavārī sucindharā
indagopakasañchannā te selā ramayanti manti.
Vanavaccho thero.

[151] 4 Upajjhāyo maṁ avacāsi 6 ito gacchāmi sīvaka
1 Ma. Yu. koṭṭhiko. 2 Ma. kaṅkhārevatasammato. Yu. kaṅkhārevatasubbato.
3 Yu. cūḷagavaccho. 4 Yu. kaṅkheta. 5 Yu. mahāgavaccho. 6 Ma. avaca.
Gāme me vasati kāyo araññaṁ me gato mano
semānakopi gacchāmi natthi saṅgo vijānatanti.
Vanavacchassa therassa sāmaṇero.