[132] 12 Ayañca te pokkharaṇī surammā
samā suppatitthā 1 ca mahodakā ca
supupphitā bhamaragaṇānukiṇṇā
kathaṁ tayā laddhā ayaṁ manuññā.
Idañca te ambavanaṁ surammaṁ
sabbotukaṁ dhārayati 2 phalāni
supupphitaṁ bhamaragaṇānukiṇṇaṁ
kathaṁ tayā laddhamidaṁ vimānanti.
Ambapakkodakaṁ yāguṁ sītacchāyaṁ 3 manoramaṁ
dhītāya dinnadānena tena me idha labbhatīti.
Sandiṭṭhikaṁ eva passatha dānassa
damassa saṁyamassa vipākaṁ
dāsī ahaṁ ayyakulesu hutvā
suṇisā homi agārassa issarāti.
Asātaṁ sātarūpena piyarūpena appiyaṁ
dukkhaṁ sukhassa rūpena pamattaṁ ativattatīti 4 .
Ambavanapetavatthu dvādasamaṁ.
1 sutitthātipi. 2 Ma. dhārayate. 3 Ma. Yu. sītacchāyā manoramā.
4 Ma. asātaṁ .pe. ativattatīti natthi.

[133] 13 Yaṁ dadāti na taṁ hoti detheva dānaṁ datvāna
ubhayaṁ tarati 1 ubhayaṁ tena dānena 2 gacchati
jāgaratha mā pamajjathāti.
Akkharukkhapetavatthu terasamaṁ.

[134] 14 Mayaṁ bhoge saṁharimha samena visamena ca
te aññe paribhuñjanti mayaṁ dukkhassa bhāginīti.
Bhogasaṁharapetavatthu catuddasamaṁ.

[135] 15 Saṭṭhī vassasahassāni paripuṇṇāni sabbaso
niraye paccamānānaṁ kadā anto bhavissati.
Natthi anto kuto anto na anto paṭidissati
tathā hi pakataṁ pāpaṁ mama tuyhañca mārisa.
Dujjīvitamajīvamha ye sante 3 na dadamhase
santesu deyyadhammesu dīpaṁ nākamhamattano.
So hi nūna ito gantvā yoniṁ laddhāna mānusiṁ
vadaññū sīlasampanno kāhāmi kusalaṁ bahunti.
Seṭṭhiputtapetavatthu paṇṇarasamaṁ.

[136] 16 Kinnu ummattarūpova migo bhantova dhāvasi
nisaṁsayaṁ pāpakammaṁ 4 kinnu saddayase tuvanti.
1 Ma. dhārati dānaṁ. 2 Ma. ayaṁ pāṭho natthi. 3 yesaṁ notipi dissati.
5 Ma. pāpakammanto.
Ahaṁ bhante petomhi duggato yamalokiko
pāpakammaṁ karitvāna petalokaṁ ito gato.
Saṭṭhī kūṭasahassāni paripuṇṇāni sabbaso
sīse mayhaṁ nipatanti te bhindanti ca matthakanti.
Kinnu kāyena vācāya manasā dukkaṭaṁ kataṁ
kissa kammavipākena petalokaṁ ito gatoti 1 .
Saṭṭhī kūṭasahassāni paripuṇṇāni sabbaso
sīse tuyhaṁ nipatanti te bhindanti ca matthakanti.
Athaddusāsiṁ sambuddhaṁ sunettaṁ bhāvitindriyaṁ
nisinnaṁ rukkhamūlasmiṁ jhāyantaṁ akutobhayaṁ.
Sālittakappahārena bhindissaṁ tassa matthakaṁ
tassa kammavipākena idaṁ dukkhaṁ nigacchissaṁ.
Saṭṭhī kūṭasahassāni paripuṇṇāni sabbaso
sīse mayhaṁ nipatanti te bhindanti ca matthakanti.
Dhammena te kāpurisa
saṭṭhī kūṭasahassāni paripuṇṇāni sabbaso
sīse tuyhaṁ 2 nipatanti te bhindanti ca matthakanti.
Saṭṭhikūṭasahassapetavatthu soḷasamaṁ.
1 Ma. idaṁ dukkhaṁ nigacchasi. 2 Yu. mayhaṁ.
Tassuddānaṁ
ambasakkharo serissako ca piṅgalo revatī ucchukhādako 1
dve kumārā dve gūthabhojanā 2 pāṭalipokkharaṇī ca 3
akkhato 4 bhogasaṁharā seṭṭhiputtā saṭṭhikūṭasahassāni
[5]- Vaggo tena pavuccatīti 6 .
[7]-
Mahāvaggo catuttho.
Petavatthu samattaṁ.
-------------
1 Ma. ucchu. 2 Ma. gūthā. 3 Ma. gaṇapāṭali ambavanaṁ. 4 Ma. akkharukkha.
[5] Ma. iti soḷasavatthūni. 6 Yu. idaṁ udānaṁ na dissati. [7] Ma. vagguddānaṁ
urago uparivaggo cūḷamahāticatudhā
vatthūni ekapaññāsaṁ catudhā bhāṇavārato.
petavatthupāli niṭṭhitā.
Suttantapiṭake khuddakanikāyassa theragāthā
-------------------
namo tassa bhagavato arahato sammāsambuddhassa.

[137] Sīhānaṁva nadantānaṁ dāṭhīnaṁ girigabbhare
suṇātha bhāvitattānaṁ gāthā atthupanāyikā 1
yathānāmā yathāgottā yathādhammavihārino
yathādhimuttā sappaññā vihariṁsu atanditā
tattha tattha vipassitvā phusitvā accutaṁ padaṁ
katantaṁ paccavekkhantā imamatthaṁ abhāsiṁsu 2 .
-------------------
Ekanipāto
theragāthāya ekanipātassa paṭhamavaggo

[138] 1 Channā me kuṭikā sukhā nivātā vassa deva yathāsukhaṁ
cittaṁ me susamāhitaṁ vimuttaṁ ātāpī viharāmi vassadevāti.
Itthaṁ sudaṁ āyasmā subhūti thero gāthaṁ abhāsitthāti.

[139] 2 Upasanto uparato mantabhāṇī anuddhato
dhunāti pāpake dhamme dumapattaṁva mālutoti.
Itthaṁ sudaṁ āyasmā mahākoṭṭhito 3 thero gāthaṁ abhāsittha 4 .
1 Yu. attupanāyikā. 2 Ma. Yu. abhāsisuṁ. 3 Ma. mahākoṭuṭhiko.
4 Ma. abhāsitthāti. sabbattha īdisameva.

[140] 3 Paññaṁ imaṁ passa tathāgatānaṁ
aggi yathā pajjalito nisīve 1
ālokadā cakkhudadā bhavanti
ye āgatānaṁ vinayanti kaṅkhanti.
Itthaṁ sudaṁ āyasmā kaṅkhārevato 2 thero gāthaṁ abhāsittha.

[141] 4 Sabbhireva samāsetha paṇḍitehatthadassibhi
atthaṁ mahantaṁ gambhīraṁ duddasaṁ nipuṇaṁ aṇuṁ
dhīrā samadhigacchanti appamattā vicakkhaṇāti.
Itthaṁ sudaṁ āyasmā puṇṇo mantāniputto thero gāthaṁ abhāsittha.