[92] 7 Naggā dubbaṇṇarūpāsi duggandhā pūti vāyati
1 Yu. gatāti. 2 Yu. abhāsissaṁ. 3 Yu. sapathañca kataṁ. 4 Yu. ...kāti.
5 Ma. pañcaputtakhādapetivatthu.
Makkhikāhi parikiṇṇā kā nu tvaṁ idha tiṭṭhasīti.
Ahaṁ bhadante petīmhi duggatā yamalokikā
pāpakammaṁ karitvāna petalokamito gatā
kālena satta puttāni sāyaṁ satta punāpare
vijāyitvāna khādāmi tepi na honti me alaṁ.
Pariḍayhati dhūmāyati khudāya hadayaṁ mama
nibbutiṁ nādhigacchāmi aggidaḍḍheva 1 ātapeti.
Kinnu kāyena vācāya manasā dukkaṭaṁ kataṁ
kissa kammavipākena puttamaṁsāni khādasīti.
Ahu mayhaṁ duve puttā ubho sampattayobbanā
sāhaṁ puttabalūpetā sāmikaṁ atimaññissaṁ 2 .
Tato me sāmiko kuddho sapatimaññamānayi 3
sā ca gabbhaṁ alabhittha tassā pāpaṁ acetayiṁ
sāhaṁ paduṭṭhamanasā akariṁ gabbhapātanaṁ.
Tassā temāsiko gabbho pubbalohitako 4 pati
tadassā mātā kupitā mayhaṁ ñātī samānayi
sapathañca maṁ akāresi paribhāsāpayi ca maṁ.
Sāhaṁ ghorañca sapathaṁ musāvādañca 5 bhāsissaṁ
puttamaṁsāni khādāmi sacetaṁ pakataṁ mayā.
1 Ma. aggidaḍḍhāva. 2 Yu. atimaññasiṁ. 3 Ma. sapattiṁ mayhamānayi.
4 Sī. Yu. pūtilohitako. 5 Ma. musāvādaṁ abhāsisaṁ.
Tassa kammavipākena musāvādassa cūbhayaṁ
puttamaṁsāni khādāmi pubbalohitamakkhitāti.
Sattaputtakhādikapetavatthu sattamaṁ.

[93] 8 Kinnu ummattarūpova lāyitvā haritaṁ tiṇaṁ
khāda khādāti lapasi gatasattaṁ jaraggavaṁ.
Na hi annena pānena mato goṇo samuṭṭhahe
tvaṁpi 1 bālo ca dummedho yathā añño 2 ca dummatīti.
Ime pādā idaṁ sīsaṁ ayaṁ kāyo savāladhi
nettā tatheva tiṭṭhanti ayaṁ goṇo samuṭṭhahe
nayyakassa hatthapādā kāyo sīsañca dissati
rudaṁ mattikathūpasmiṁ nanu tvaññeva dummatīti.
Ādittaṁ vata maṁ santaṁ ghatasittaṁva pāvakaṁ
vārinā viya osiñcaṁ sabbaṁ nibbāpaye daraṁ.
Abbūḷhaṁ vata me sallaṁ sokaṁ hadayanissitaṁ
yo me sokaparetassa pitusokaṁ apānudi
svāhaṁ abbūḷhasallosmiṁ 4 sītibhūtosmi nibbuto
na socāmi na rodāmi tava sutvāna māṇava.
Evaṁ karonti sappaññā ye honti anukampakā
nivattayanti 5 sokamhā sujāto pitaraṁ yathāti.
Goṇapetavatthu aṭṭhamaṁ.
1 Yu. tvaṁsi. 2 Ma. taññova. Yu. taññeva. 3 Ma. abbahī.
4 Ma. abbūḷhasallosmi. 5 Yu. vinivattayanti.

[94] 9 Gūthañca muttaṁ rudhirañca 1 pubbaṁ
paribhuñjati kissa ayaṁ vipāko
ayaṁ nu kiṁ kammamakāsi nārī
yā sabbadā lohitapubbabhakkhā
navāni vatthāni subhāni ceva
mudūni suddhāni ca lomasāni
dinnāni missā kiṭakā bhavanti
ayaṁ nu kiṁ kammamakāsi nārīti.
Bhariyā mamesā ahu bhadante
adāyikā maccharinī kadariyā
sā maṁ dadantaṁ samaṇabrāhmaṇānaṁ
akkosati paribhāsati ca
gūthañca muttaṁ rudhirañca 1 pubbaṁ
paribhuñja tvaṁ asuciṁ sabbakālaṁ.
Etaṁ te paralokasmiṁ hotu
vatthā ca te kiṭakā 2 bhavantu
etādisaṁ duccaritaṁ caritvā
idhāgatā cirarattāya khādatīti.
Mahāpesakārapetavatthu navamaṁ.
1 Ma. ruhirañca. 2 Ma. kiṭakasamā.

[95] 10 Kā nu antovimānasmiṁ tiṭṭhantī nūpanikkhami
upanikkhamassu bhadde passāmi 1 taṁ mahiddhikanti 2 .
Aṭṭiyāmi harāyāmi naggā nikkhamituṁ bahi
kesehamhi paṭicchannā puññaṁ me appakaṁ katanti.
Handuttarīyaṁ dāmi 3 te imaṁ dussaṁ nivāsaya
imaṁ dussaṁ nivāsetvā bahi 4 nikkhama sobhaṇe
upanikkhamassu bhadde passāmi taṁ mahiddhikanti 2 .
Hatthena hatthe te dinnaṁ na mayhaṁ upakappati
esetthupāsako saddho sammā sambuddhasāvako
etaṁ acchādayitvāna mama dakkhiṇamādisa
tathāhaṁ 5 sukhitā hessaṁ sabbakāmasamiddhinīti.
Tañca te nahāpayitvāna vilimpitvāna vāṇijā
vatthehacchādayitvāna tassā dakkhiṇamādisuṁ
samanantarānudiṭṭhe vipāko upapajjatha 6
bhojanacchādanapānīyaṁ dakkhiṇāya idaṁ phalaṁ
tato suddhā sucivasanā kāsikuttamadhārinī
hasantī vimānā nikkhami dakkhiṇāya idaṁ phalanti.
Sucittarūpaṁ ruciraṁ vimānaṁ te ca bhāsati 7
devate pucchitācikkha kissa kammassidaṁ phalanti.
1 Ma. passāma. 2 Ma. mahiṭṭhitanti. 3 Ma. dadāmi. 4 Ma. ehi. 5 Yu. tadāhaṁ.
6 Ma. udapajjatha. 7 Ma. pabhāsati.
Bhikkhuno caramānassa doṇinimmujjanī 1 ahaṁ
adāsiṁ ujubhūtassa vippasannena cetasā
tassa kammassa kusalassa vipākaṁ dīghamantaraṁ
anubhomi vimānasmiṁ tañca dāni parittakaṁ.
Uddhaṁ catūhi māsehi kālakiriyā bhavissati
ekantaṁ kaṭukaṁ ghoraṁ nirayūpapatissahaṁ 2
catukkaṇṇaṁ catudvāraṁ vibhattaṁ bhāgaso mitaṁ
ayopākārapariyantaṁ ayasā paṭikujjitaṁ.
Tassa ayomayā bhūmi jalitā tejasā yuttā
samantā yojanasataṁ pharitvā tiṭṭhati sabbadā
tatthāhaṁ dīghamaddhānaṁ dukkhaṁ vedissaṁ 3 vedanaṁ
phalañca pāpakammassa tasmā socāmidaṁ 4 bhūtanti.
Khalātiyapetavatthu 5 dasamaṁ.

[96] 11 Purato ca 6 setena paleti hatthinā
majjhe pana assatarīrathena
pacchā ca kaññā sivikāyaṁ niyyāti
obhāsayantī dasa sabbato disā.
Tumhe pana muggarahatthapāṇino
rudammukhā bhinnapabhinnagattā
1 Ma. doṇinimmajjaniṁ. Yu. doṇinimmiñjanaṁ. 2 Ma. nirayaṁ papatissahaṁ.
3 Ma. vedissa. 4 Ma. socāmahaṁ bhusanti. 5 Ma. khallāṭiyapetivatku.
6 Ma. Yu. va.
Manussabhūtā kimakattha pāpaṁ
yenaññamaññassa pivātha lohitaṁ (iti).
Purato va yo gacchati kuñjarena
setena nāgena catukkamena
amhākaṁ putto ahu so pajeṭṭhako 1
dānāni datvāna sukhiṁ 2 pamodati.
Yo so majjhe assatarīrathena
catubbhi yuttena suvaggitena
amhākaṁ putto ahu majjhimo so
amaccharī dānapati 3 virocati.
Yā sā [4]- pacchā sivikāya niyyāti
nārī 5 sapaññā migamandalocanā
amhākaṁ dhītā ahu sā kaniṭṭhā 6
bhāgaḍḍhabhāgena sukhī pamodati.
Ete ca dānāni adaṁsu pubbe
pasannacittā samaṇabrāhmaṇānaṁ
mayaṁ pana maccharino ahumhā 7
paribhāsakā samaṇabrāhmaṇānaṁ
ete ca datvā paricārayanti
1 Ma. jeṭṭhaposo. Yu. jeṭṭhako. 2 Ma. sukhī. 3 Ma. dānavatī.
4 Ma. ca. 5 Yu. dārī. 6 Ma. kaniṭṭhikā. 7 Ma. ahumha.
Mayañca sussāma naḷova dittoti 1 .
Kiṁ tumhākaṁ bhojanaṁ kiṁ sayanaṁ
kathañca yāpetha supāpadhammino
pahūtabhogesu anappakesu
sukhaṁ virāgāya 2 dukkhajja pattā 3 .
Aññamaññaṁ vadhitvāna pivāma pubbalohitaṁ
bahuṁ pitvā na dātā homa nacchādimhamhase 4 mayaṁ.
Icceva maccā paridevayanti
adāyikā 5 pecca yamassa ṭhāyino
ye te viriccā 6 adhigamma bhoge
na bhuñjare nāpi karonti puññaṁ.
Te khuppipāsupagatā parattha
pacchā ciraṁ jhāyire 7 ḍayhamānā
kammāni katvāna dukkhudrayāni 8
anubhonti dukkhaṁ kaṭukapphalāni.
Ittaraṁ hi dhanadhaññaṁ ittaraṁ idha jīvitaṁ
ittaraṁ ittarato ñatvā dīpaṁ kayirātha paṇḍito.
Ye te evaṁ pajānanti narā dhammassa kovidā
te dāne nappamajjanti sutvā arahataṁ vacoti.
Nāgapetavatthu ekādasamaṁ.
1 Ma. chinnoti. 2. Ma. virādhāya. 3 Ma. pattāti. 4 Ma. nacchādimhase.
5 Ma. adāyakā. 6 Sī. viditvā. Ma. vidicca. Yu. viviccā. 7 Ma. jhāyare.
8 Ma. dukhudrāni. Yu. dukkhandriyāni.

[97] 12 Uragova tacaṁ jiṇṇaṁ hitvā gacchati santanuṁ
evaṁ sarīre nibbhoge pete kālakate sati
ḍayhamāno na jānāti ñātīnaṁ paridevitaṁ
tasmā etaṁ na socāmi 1 gato so tassa yā gati 2
anabbhito tato āgā nānuññāto ito gato
yathāgato tathā gato tattha kā paridevanā
ḍayhamāno na jānāti ñātīnaṁ paridevitaṁ
tasmā etaṁ na rodāmi gato so tassa yā gati 2 .
Sace rode kisā assaṁ tattha me kiṁ phalaṁ siyā
ñātimittasuhajjānaṁ 3 bhiyyo no aratī siyā
ḍayhamāno na jānāti ñātīnaṁ paridevitaṁ
tasmā etaṁ na rodāmi gato so tassa yā gati 2 .
Yathāpi dārako candaṁ gacchantaṁ anurodati
evaṁ sampadamevetaṁ yo petaṁ anusocati
ḍayhamāno na jānāti ñātīnaṁ paridevitaṁ
tasmā etaṁ na rodāmi gato so tassa yā gati 2 .
Yathāpi brahme udakumbho bhinno appaṭisandhiyo
evaṁ sampadamevetaṁ yo petaṁ anusocati
ḍayhamāno na jānāti ñātīnaṁ paridevitaṁ
1 Ma. na rodāmi. 2 Yu. gatīti. 3 Yu. ñātimittā ....
Tasmā etaṁ na rodāmi gato so tassa yā gatīti.
Uragapetavatthu dvādasamaṁ.
Uddānaṁ 1
khettūpamā 2 vaṇṇā duve dhītalīkaṁ tirokuḍḍaṁ
puttakhādikā goṇagūthaṁ pāsādaṁ nāgoraga dvādasā
te vatthūni vagge paṭhame uddānaṁ 3 .
Uragavaggo paṭhamo.

[98] 1 Naggā dubbaṇṇarūpāsi kīsā dhamanisaṇṭhitā 4
upphāsuḷike kīsike kā nu tvaṁ idha tiṭṭhasīti.
Ahaṁ bhadante petīmhi duggatā yamalokikā
pāpakammaṁ karitvāna petalokamito gatāti.
Kinnu kāyena vācāya manasā dukkaṭaṁ kataṁ
kissa kammavipākena petalokaṁ ito gatāti.
Anukkampakā mayhaṁ nāhesuṁ bhante
pitā mātā ca atha vāpi ñātakā
ye maṁ niyojeyyuṁ dadāhi dānaṁ
pasannacittā samaṇabrāhmaṇānaṁ.
Ito ahaṁ vassasatāni pañca
yaṁ evarūpā vicarāmi naggā
1 tassuddānaṁ.
2 Ma. khettaṁ ca sūkaraṁ pūti piṭṭhaṁ cāpi tirokuṭṭaṁ
pañcāpi sattaputtañca goṇaṁ pesakārakañca
tathā khallāṭiyaṁ nāgaṁ dvādasaṁ udagañcevāti.
3 Yu. idaṁ uddānaṁ na dissati. 4 Ma. dhamanisanthatā. evamuparipi.
Khudāya taṇhāya ca khajjamānā
pāpassa kammassa phalaṁ mamedaṁ.
Vandāmi taṁ ayya pasannacittā
anukampa maṁ vīra mahānubhāva
datvā ca me ādisa yāhi 1 kiñci
mocehi maṁ duggatiyā bhadanteti.
Sādhūti so tassā 2 paṭisuṇitvā sārīputto anukampako
bhikkhūnaṁ ālopaṁ datvā pāṇimattañca colakaṁ
thālakassa ca pānīyaṁ tassā dakkhiṇamādisi
samanantarā anudiṭṭhe vipāko upapajjatha.
Bhojanacchādanapānīyaṁ dakkhiṇāya idaṁ phalaṁ
tato suddhā sucivasanā kāsikuttamadhārinī
vicittavatthābharaṇā sārīputtaṁ upasaṅkami.
Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā.
Kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāpi 3 evaṁ jalitānubhāvā
1 Ma. yaṁ hi. 2 Ma. ayaṁ pāṭho natthi. 3 Ma. kenāsi. evamuparipi.
Vaṇṇo ca te sabbadisā pabhāsatīti.
Uppaṇḍukiṁ 1 kisaṁ chātaṁ naggasamuṭitacchaviṁ 2
muni kāruṇiko loke taṁ maṁ adakkhi dukkhitaṁ 3
bhikkhūnaṁ ālopaṁ datvā pāṇimattañca colakaṁ
thālakassa ca pānīyaṁ mama dakkhiṇamādisi.
Ālopassa phalaṁ passa bhattaṁ vassasataṁ dasa
bhuñjāmi kāmakāminī anekarasabyañjanaṁ.
Pāṇimattassa colassa vipākaṁ passa yādisaṁ
yāvatā nandarājassa vijitasmiṁ paṭicchadā
tato bahutarā bhante vatthānicchādanāni me
koseyyakambalīyāni khomakappāsikāni ca
vipulā ca mahagghā ca tepākāseva lambare
sāhaṁ taṁ paridahāmi yaṁ yaṁ hi manaso piyaṁ
thālakassa ca pānīyaṁ vipākaṁ passa yādisaṁ.
Gambhīrā caturassā ca pokkharaññā 4 sunimmitā
setodakā supatitthā sītā appaṭigandhiyā
padumuppalasañchannā vārikiñjakkhapūritā
sāhaṁ ramāmi kīḷāmi modāmi akutobhayā
muniṁ kāruṇikaṁ loke bhante vanditumāgatāti.
Saṁsāramocakapetavatthu paṭhamaṁ.
1 Yu. upakaṇḍakiṁ. 2 Sī. āpatitacchaviṁ. Ma. naggaṁ sampatitacchaviṁ. Yu. naggaṁ
appaṭicchaviṁ. 3 Ma. duggataṁ. 4 Ma. pokkharañño.

[99] 2 Naggā dubbaṇṇarūpāsi kīsā dhamanisaṇṭhitā
upphāsuḷike kīsike kā nu tvaṁ idha tiṭṭhasīti.
Ahante sakiyā mātā pubbe aññāsu jātīsu
uppannā pittivisayaṁ khuppipāsā samappitā
chaḍḍitaṁ khipitaṁ kheḷaṁ siṅghāṇikaṁ silesumaṁ
vasañca ḍayhamānānaṁ vijātānañca lohitaṁ
vaṇitānañca 1 yaṁ ghānaṁ sīsacchinnañca 2 lohitaṁ
khudāparetā bhuñjāmi itthīpurisanissitaṁ
pubbalohitaṁ bhakkhāmi 3 pasūnaṁ manussānañca
aleṇā ca anagārā ca nīlamañcaparāyanā
dehi puttaka me dānaṁ datvā uddisāhi 4 me
appeva nāma muñceyyaṁ pubbalohitabhojanāti.
Mātuyā vacanaṁ sutvā upatissonukampako
āmantayi moggallānaṁ anuruddhañca kappinaṁ
catasso kuṭiyo katvā saṅghe catuddise adā
kuṭiyo annapānañca mātu dakkhiṇamādisi.
Samanantarānudiṭṭhe vipāko upapajjatha
bhojanaṁ pānīyaṁ vatthaṁ dakkhiṇāya idaṁ phalaṁ
tato suddhā sucivasanā kāsikuttamadhārinī
vicittavatthābharaṇā kolitaṁ upasaṅkami.
1 Ma. vaṇikānañca. 2 Ma. ghāna-sīsacchinnāna lohitaṁ. 3 Sī. --lohitabhakkhāsmi.
4 Ma. anvādisāhi me.
Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāpi 1 evaṁ jalitānubhāvā
vaṇṇo ca te sabbadisā pabhāsatīti.
Sārīputtassāhaṁ mātā pubbe aññāsu jātīsu
uppannā pittivisayaṁ khuppipāsā samappitā
chaḍḍitaṁ khipitaṁ kheḷaṁ siṅghāṇikaṁ kilesumaṁ
vasañca ḍayhamānānaṁ vijātānañca lohitaṁ
vaṇitānañca yaṁ ghānaṁ sīsacchinnañca lohitaṁ
khudāparetā bhuñjissaṁ 2 itthīpurisanissitaṁ
pubbalohitaṁ bhakkhissaṁ pasūnaṁ manussānañca
aleṇā ca anagārā ca nīlamañcaparāyanā.
Sārīputtassa dānena modāmi akutobhayā
muniṁ kāruṇikaṁ loke taṁ 3 bhante vanditumāgatāti.
Sārīputtattherassa mātupetivatthu dutiyaṁ.

[100] 3 Naggā dubbaṇṇarūpāsi kīsā dhamanisaṇṭhitā
1 Ma. kenāsi. 2 Ma. bhuñjāmi. 3 Ma. ayaṁ pāṭho natthi.
Upphāsuḷike kīsike kā nu tvaṁ idha tiṭṭhasīti.
Sāhaṁ mattā tuvaṁ tissā sapattī 1 te pure ahuṁ
pāpakammaṁ karitvāna petalokaṁ ito gatāti.
Kinnu kāyena vācāya manasā dukkaṭaṁ kataṁ
kissa kammavipākena petalokaṁ ito gatāti.
Caṇḍī ca pharusā cāsiṁ issukī maccharī saṭhā 2
tāhaṁ duruttaṁ vatvāna petalokaṁ ito gatāti.
Saccaṁ 3 ahaṁpi jānāmi yathā tvaṁ caṇḍikā ahu
aññañca kho taṁ pucchāmi kenāsi paṁsukuṭṭhitā 4 .
Sīsaṁ nahātā tuvaṁ āsi sucivatthā alaṅkatā
ahañca kho [5]- adhimattaṁ samalaṅkatarā 6 tayā
tassā me pekkhamānāya sāmikena samantayi
tato me issā vipulā kodho me samajāyatha
tato paṁsuṁ gahetvāna paṁsunā taṁ vikīrihaṁ 7
tassa kammavipākena tenamhi paṁsukuṭṭhitāti 4 .
Saccaṁ ahaṁpi jānāmi paṁsunā maṁ tvaṁ okiri
aññañca kho taṁ pucchāmi kena khajjāsi kacchuyāti.
Bhesajjahārī ubhayo vanantaṁ agamimhase
tvaṁ ca bhesajjamāhāri ahañca kapikacchuno
tassā tyājānamānāya seyyaṁ tyāhaṁ samokiri 8
1 Yu. sapatī. 2 Sī. saṭhī. 3 Sī. Yu. sabbaṁ .pe. 4 Ma. paṁsukunthitāti.
[5] Sī. Yu. taṁ. 6 Ma. samalaṅkatatarā. 7 Ma. hi okiriṁ. 8 Ma. samokiriṁ.
Tassa kammavipākena tena khajjāmi kacchuyāti.
Saccaṁ ahaṁpi jānāmi seyyaṁ me tvaṁ samokiri
aññañca kho taṁ pucchāmi kenāsi naggiyā tuvanti.
Sahāyānaṁ samayo āsi ñātīnaṁ samitiṁ ahu
tavañca āmantitā āsi sasāmī 1 no ca kho ahaṁ
tassā tyājānamānāya dussaṁ tyāhaṁ apānudiṁ
tassa kammavipākena tenamhi naggiyā ahanti.
Saccaṁ ahaṁpi jānāmi dussaṁ me tvaṁ apānudi
aññañca kho taṁ pucchāmi kenāsi gūthagandhinīti.
Tava gandhañca mālañca paccagghañca vilepanaṁ
gūthakūpe adhāresiṁ 2 taṁ pāpaṁ pakataṁ mayā
tassa kammavipākena tenamhi gūthagandhinīti.
Saccaṁ ahaṁpi jānāmi taṁ pāpaṁ pakataṁ tayā
aññañca kho taṁ pucchāmi kenāsi duggatā tuvanti.
Ubhinnaṁ samakaṁ āsi yaṁ gehe vijjate dhanaṁ
santesu deyyadhammesu dīpaṁ nākāsimattano
tassa kammavipākena tenamhi duggatā ahanti.
Tadeva maṁ tvaṁ avaca pāpakammaṁ nisevasi
na hi pāpehi kammehi sulabhā hosi suggatiṁ 3
vāmato maṁ tvaṁ paccesi athopi maṁ ussuyyati 4
1 Ma. sasāminī. 2 Sī. Yu. atāresiṁ. 3 Ma. hoti suggatīti. 4 Ma. usūyasi.
Passa pāpānaṁ kammānaṁ vipāko hoti yādiso.
Te gharadāsiyo 1 āsuṁ tānevābharaṇānime
te aññe parivārenti na bhogā honti sassatā
idāni bhūtassa pitā āpaṇā gehamehiti
appeva te dade kiñci mā su tāva ito gatā 2 .
Naggā dubbaṇṇarūpāmhi kīsā dhamanisaṇṭhitā
kopīnaṁ etaṁ itthīnaṁ mā maṁ bhūtapitāddasa.
Handa kiṁ [3]- tyāhaṁ 4 dammi kiṁ vā ca te 5 karomahaṁ
yena tvaṁ sukhitā assa sabbakāmasamiddhinī.
Cattāro bhikkhū saṅghato cattāro pana puggalā
aṭṭha bhikkhū bhojayitvā mama dakkhiṇamādisi
tadāhaṁ sukhitā hessaṁ sabbakāmasamiddhinī.
Sādhūti sā paṭisutvā bhojayitvā aṭṭha bhikkhavo
vatthehicchādayitvāna tassā dakkhiṇamādisi.
Samanantarānudiṭṭhe vipāko upapajjatha
bhojanacchādanapānīyaṁ dakkhiṇāya idaṁ phalaṁ
tato suddhā sucivasanā kāsikuttamadhārinī
vicittavatthābharaṇā sapattiṁ 6 upasaṅkami.
Abhikkantena vaṇṇena yā tvaṁ tiṭṭhati devate
1 Ma. te gharā tā ca dāsiyo. 2 Ma. Yu. agā. 3 Ma. vā. 4 Yu. kintāhaṁ.
5 Ma. kiṁ vā tedha .... 6 Yu. sapatiṁ.
Obhāsentī disā sabbā osadhī viya tārakā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evaṁ jalitānubhāvā
vaṇṇo ca te sabbadisā pabhāsatīti.
Ahaṁ mattā tuvaṁ tissā sapattī te pure ahuṁ
pāpakammaṁ karitvāna petalokaṁ ito gatā
tava dānena dinnena 1 modāmi akutobhayā.
Ciraṁ jīvāhi bhagini saha sabbehi ñātibhi
asokaṁ virajaṁ ṭhānaṁ āvāsaṁ vasavattīnaṁ
idha dhammaṁ caritvāna dānaṁ datvāna sobhaṇe.
Vineyya maccheramalaṁ samūlaṁ
aninditā saggamupesi 2 ṭhānanti.
Mattāpetivatthu tatiyaṁ.

[101] 4 Kālī dubbaṇṇarūpāsi pharusā bhīrudassanā
piṅgalāsi kaḷārāsi na taṁ maññāmi mānusinti.
Ahaṁ nandā nandasena bhariyā te pure ahuṁ
pāpakammaṁ karitvāna petalokaṁ ito gatāti.
1 Ma. tava dinnena dānena. 2 Ma. saggamupehi.
Kinnu kāyena vācāya manasā dukkaṭaṁ kataṁ
kissa kammavipākena petalokaṁ ito gatāti.
Caṇḍī ca pharusā cāsi 1 tayi cāsi 2 agāravā
tāhaṁ duruttaṁ vatvāna petalokaṁ ito gatāti.
Handuttarīyaṁ dadāmi te imaṁ dussaṁ nivāsaya
imaṁ dussaṁ nivāsetvā ehi nessāmi taṁ gharaṁ
vatthañca annapānañca lacchasi tvaṁ gharaṁ gatā
putte ca te passissasi suṇisāye 3 ca dakkhasi.
Hatthena hatthe te dinnaṁ na mayhaṁ upakappati
bhikkhū ca sīlasampanne vītarāge bahussute
tappehi annapānena mamaṁ dakkhiṇamādisi
tadāhaṁ sukhitā hessaṁ sabbakāmasamiddhinīti.
Tato 4 sādhūti so paṭisuṇitvā dānaṁ vipulamākiri
annapānaṁ khādanīyaṁ vatthaṁ senāsanāni ca
chattaṁ gandhañca mālañca vividhā ca 5 upāhanā.
Bhikkhū ca sīlasampanne vītarāge bahussute
tappetvā annapānena tassā dakkhiṇamādisi.
Samanantarānudiṭṭhe vipāko upapajjatha
bhojanacchādanapānīyaṁ dakkhiṇāya idaṁ phalaṁ
1 Sī. caṇḍī pharusavācā ca. 2 Ma. cāpi. 3 Ma. suṇisāyo. Yu. sūtisāye.
4 Ma. ayaṁ pāṭho na dissati. 5 Yu. vividhāni.
Tato suddhā sucivasanā kāsikuttamadhārinī
vicittavatthābharaṇā sāmikaṁ upasaṅkami.
Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evaṁ jalitānubhāvā
vaṇṇo ca te sabbadisā pabhāsatīti.
Ahaṁ nandā nandasena bhariyā te pure ahuṁ
pāpakammaṁ karitvāna petalokaṁ ito gatā
tava dinnena dānena modāmi akutobhayā.
Ciraṁ jīva gahapati saha sabbehi ñātibhi
asokaṁ virajaṁ ṭhānaṁ 1 āvāsaṁ vasavattīnaṁ
idha dhammaṁ caritvāna dānaṁ datvā gahapati.
Vineyya maccheralamalaṁ samūlaṁ
anindito saggamupesi 2 ṭhānanti.
Nandāpetavatthu catutthaṁ.
1 Ma. khemaṁ. 2 Ma. saggamupehi.