[82] 8 Anekavaṇṇaṁ darasokanāsanaṁ
vimānamāruyha anekacittaṁ
parivārito accharānaṁ 1 gaṇena
sunimmito bhūtapatīva modasi
samassamo 2 natthi kutopanuttaro
yasena puññena ca iddhiyā ca
sabbe ca devā tidasā gaṇā samecca
1 Po. Yu. accharāsaṁ. 2 Yu. samāsamo.
Taṁ taṁ namassanti sasiṁva devā
imā ca te accharāyo samantato
naccanti gāyanti pamodayanti
deviddhipattosi mahānubhāvo
manussabhūto kimakāsi puññaṁ
kenāsi evañjalitānubhāvo
vaṇṇo ca te sabbadisā pabhāsatīti.
So devaputto attamano moggallānena pucchito
... Pe ... Yassa kammassidaṁ phalaṁ
sohaṁpi bhante 1 ahuvāsi pubbe
sumedhanāmassa jinassa sāvako
puthujjano anubodhohamasmi
so sattavassāni pabbajissahaṁ
sohaṁ sumedhassa jinassa satthuno
parinibbutassoghotiṇṇassa tādino
ratanuccayaṁ hemajālena channaṁ
vanditvā thūpasmiṁ manaṁ pasādayiṁ
na māsi dānaṁ na ca pana matthi dātuṁ
pare ca kho tattha samādapesiṁ
pūjetha naṁ pūjaneyyassa dhātuṁ
1 Ma. ahaṁ bhadante.
Evaṁ kira saggamito gamissatha
tadeva kammaṁ kusalaṁ kataṁ mayā
sukhañca [1]- dibbaṁ anubhomi attanā 2
modāmahaṁ tidasagaṇassa majjhe
na tassa puññassa khayamhi ajjhagāti.
Anekavaṇṇavimānaṁ aṭṭhamaṁ.

[83] 9 Alaṅkato maṭṭhakuṇḍalī
mālādhārī 3 haricandanussado
bāhā paggayha kandasi
vanamajjhe kiṁ dukkhito tuvanti.
Sovaṇṇamayo pabhassaro
uppanno rathapañjaro mama
tassa cakkayugaṁ na vindāmi
tena dukkhena jahissāmi 4 jīvitanti.
Sovaṇṇamayaṁ maṇimayaṁ
lohitaṅgamayaṁ 5 atha rūpiyamayaṁ
ācikkha me tuvaṁ bhaddamāṇava
cakkayugaṁ paṭilābhayāmi teti.
1 Po. Yu. kammaṁ. 2 Po. Yu. ayaṁ pāṭho natthi. 3 dhammapadaṭṭhakathāya mālābhārīti
pāṭho dissati. 4 Ma. jahāmi. 5 Ma. lohitakamayaṁ.
So māṇavo tassa pāvadi
candimasuriyā 1 ubhayettha dissare
sovaṇṇamayo ratho mama
tena cakkayugena sobhatīti.
Bālo kho tvamasi māṇava
yo [2]- tvaṁ patthayasi apatthiyaṁ
maññāmi tuvaṁ marissasi
na hi tuvaṁ lacchasi candimasuriyeti 3 .
Gamanāgamanaṁpi dissati
vaṇṇadhātu ubhayattha vīthiyā
peto pana 4 kālakato na dissati
ko nīdha kandataṁ bālyataroti.
Saccaṁ kho vadesi māṇava
ahameva kandataṁ bālyataro
candaṁ viya dārako rudaṁ
petaṁ kālakatābhipatthayanti
ādittaṁ vata maṁ santaṁ ghatasittaṁva pāvakaṁ
vārinā viya osiñcaṁ sabbaṁ nibbāpaye daraṁ
1 dhammapadaṭṭhakathāya candasūriyā ubhayattha bhātaroti dissati. 2 Yu. khosaddo atthi.
3 Ma. candasūriye. 4 Ma. panasaddo na dissati.
Abbūḷhaṁ 1 vata me sallaṁ sokaṁ hadayanissitaṁ
yo me sokaparetassa puttasokaṁ apānudi
svāhaṁ abbūḷhasallosmi sītabhūtosmi 2 nibbuto
na socāmi na rodāmi tava sutvāna māṇavāti
devatā nusi gandhabbo ādū sakko purindado
ko vā tvaṁ kassa vā putto kathaṁ jānemu taṁ mayanti.
Yañca kandasi yañca rodasi
puttaṁ āḷāhane sayaṁ ḍahitvā
svāhaṁ kusalaṁ karitvāna kammaṁ
tidasānaṁ sahabyataṁ pattoti.
Appaṁ vā bahuṁ vā na addasāmi
dānaṁ dadantassa sake agāre
uposathakammaṁ vā tādisaṁ
kena kammena gatosi devalokanti.
Ābādhikohaṁ dukkhito gilāno
ātūrarūpomhi saka nivesane
buddhaṁ vigatarajaṁ vitiṇṇakaṅkhaṁ
addakkhiṁ sugataṁ anomapaññaṁ
svāhaṁ muditamano pasannacitto
1 dhammapadaṭṭhakathāya abbuhīti dissati. Ma. abbahī. 2 Yu. sīti ....
Añjaliṁ akariṁ tathāgatassa
tāhaṁ kusalaṁ karitvāna kammaṁ
tidasānaṁ sahabyataṁ pattoti 1 .
Acchariyaṁ vata abbhūtaṁ vata
añjalīkammassa ayamīdiso vipāko
ahaṁpi muditamano pasannacitto
ajjeva buddhaṁ saraṇaṁ vajāmīti.
Ajjeva buddhaṁ saraṇaṁ vajāhi
dhammañca saṅghañca pasannacitto
tatheva sikkhāya padāni pañca
akhaṇḍaphullāni samādiyassu
pāṇātipātā viramassu khippaṁ
loke adinnaṁ parivajjayassu
amajjapo no ca musā bhaṇāhi
sakena dārena na hohi tuṭṭhoti.
Atthakāmosi me yakkha hitakāmosi devate
karomi tuyhaṁ vacanaṁ tvamasi ācariyo mama
upemi saraṇaṁ buddhaṁ dhammañcāpi anuttaraṁ
saṅghañca naradevassa gacchāmi saraṇaṁ ahaṁ
pāṇātipātā viramāmi khippaṁ
1 Ma. gatoti.
Loke adinnaṁ parivajjayāmi
amajjapo no ca musā bhaṇāmi
sakena dārena ca homi tuṭṭhoti.
Maṭṭhakuṇḍalivimānaṁ navamaṁ.

[84] 10 Suṇotha yakkhassa ca vāṇijāna ca
samāgamo yattha tadā ahosi
yathā kathaṁ itarītarena cāpi
subhāsitaṁ tañca suṇātha sabbe
yo so ahu rājā pāyāsi nāma
bhummānaṁ sahabyagato yasassī
so modamāno va sake vimāne
amānuso mānuse ajjhabhāsīti.
Saṅke 1 araññe amanussaṭhāne
kantāre appodake appabhakkhe
suduggame vanapathassa 2 majjhe
vaṅkambhayā naṭṭhamanā manussā
nayidha phalā mūlamayā ca santi
upādānaṁ natthi kutodha bhikkhā
aññatra paṁsūhi ca vālukāhi ca
1 Ma. Yu. vaṅke. 2 Ma. Yu. vaṇṇupathassa ....
Tattāhi uṇhāhi ca dāruṇāhi
ujjaṅgalaṁ tattamidaṁ 1 kapālaṁ
anāyasaṁ paralokena tulyaṁ
luddānamāvāsamidaṁ purāṇaṁ
bhūmippadeso abhilattarūpo
atha tumhe kena nu vaṇṇena
kimāsamānā 2 imaṁ padesaṁ hi
anupaviṭṭhā sahasā samecca
lobhā bhayā atha vā sampamūḷhāti.
Magadhesu aṅgesu ca satthavāhā
āropiyamha 3 paṇiyaṁ pahūtaṁ
te yāmase sindhusovīrabhūmiṁ
dhanatthikā udayaṁ patthayānā
divā pipāsaṁnadhivāsayantā
yoggānukampañca 4 samekkhamānā
etena vegena āyāma sabbe
rattiṁ maggaṁ paṭipannā vikāle
te duppayātā aparaddhamaggā
andhākulā vippanaṭṭhā araññe
1 Ma. tattamiva. 2 Yu. kāya āsiṁsanāya. 3 Ma. āropayitvā. 4 Ma.
yoggānukammañca.
Suduggame vanapathassa 1 majjhe
disaṁ na jānāma pamūḷhacittā
idañca disvāna adiṭṭhapubbaṁ
vimānaseṭṭhañca tuvañca yakkha
tatuttariṁ jīvitamāsiṁsanā
disvā patītā sumanā udaggāti.
Pāraṁ samuddassa imañca vanaṁ 2
vettaṁ paraṁ 3 sakupathañca maggaṁ
nadiyo pana pabbatānañca duggā
puthu disā gacchatha bhogahetu
pakkhandiyāna vijitaṁ paresaṁ
verajjake mānuse pekkhamānā
yaṁ vo sutaṁ atha vāpi diṭṭhaṁ
accherakaṁ taṁ vo suṇoma tātāti.
Itopi accherataraṁ kumāra
na no sutaṁ vā atha vāpi diṭṭhaṁ
atītamānussakameva sabbaṁ
disvāna tappāma anomavaṇṇaṁ
vehāsayaṁ pokkharañño savanti
1 Yu. vaṇṇupathassa. 2 Yu. vaṇṇuṁ. 3 Yu. vettācaraṁ.
Pahūtamālyā bahupuṇḍarīkā
dumā ca te niccaphalūpapannā
atīva gandhā surabhī pavāyanti
veḷuriyatthambhā satamussitāse
silappavāḷassa ca āyataṁsā
masāragallā sahalohitakā
thambhā ime jotirasāmayāse
sahassatthambhaṁ atulānubhāvaṁ
tesuppari sādhumidaṁ vimānaṁ
ratanantaraṁ 1 kañcanavedimissaṁ
tapanīyapaṭṭehi ca sādhu channaṁ
jambonaduttamidaṁ sumaṭṭho
pāsādasopāṇaphalūpapanno
daḷho ca vaggū ca susaṅgato ca
atīva nijjhānakhamo manuñño
ratanantarasmiṁ 2 bahu annapānaṁ
parivārito accharāsaṅgaṇena
murajāalambaraturiyasaṅghuṭṭho
abhivanditosi thūtivandanāya
1 Yu. ratanattaraṁ. 2 Yu. ratanattarasmiṁ.
So modasi nārigaṇappabodhano
vimānapāsādavare manorame
acintiyo sabbaguṇūpapanno
rājā yathā vessavaṇo nalinyā 1
devo nu āsi uda vāsi yakkho
udāhu devindo manussabhūto
pucchanti taṁ vāṇijasatthavāhā
ācikkha ko nāma tuvaṁsi yakkhoti.
Serissako nāma ahamhi yakkho
kantāriyo vanapathamhi 2 gutto
imaṁ padesaṁ abhipālayāmi
vacanakaro vessavaṇassa raññoti.
Adhiccaladdhaṁ pariṇāmajante
sayaṁ kataṁ udāhu devehi dinnaṁ
pucchanti taṁ vāṇijasatthavāhā
kathaṁ tayā laddhamidaṁ manuññaṁ
nādhiccaladdhaṁ na pariṇāmajante 3
na sayaṁ kataṁ na hi devehi dinnaṁ
sakehi kammehi apāpakehi
1 Ma. nalindā. 2 Yu. vaṇṇupathamhi. 3 Po. Ma. Yu. pariṇāmajamme.
Puññehi me laddhamidaṁ manuññaṁ
kiṁ te vataṁ kiṁ pana brahmacariyaṁ
kissa suciṇṇassa ayaṁ vipāko
pucchanti taṁ vāṇijasatthavāhā
kathaṁ tayā laddhamidaṁ vimānaṁ
mama pāyāsīti ahu samaññā
rajjaṁ yadā kārayiṁ kosalānaṁ
natthi kudiṭṭhi kadariyo pāpadhammo
ucchedavādī ca tadā ahosiṁ
samaṇo ca kho āsi kumārakassapo
bahussuto cittakathī uḷāro
so me tadā dhammakathaṁ akāsi
diṭṭhivisūkāni vinodayi me
tāhaṁ tassa dhammakathaṁ suṇitvā
upāsakattaṁ paṭivedayissaṁ
pāṇātipātā virato ahosiṁ
loke adinnaṁ parivajjayissaṁ
amajjapo no ca musā abhāṇiṁ
sakena dārena ca homi tuṭṭho
Taṁ me vataṁ taṁ pana brahmacariyaṁ
tassa suciṇṇassa ayaṁ vipāko
teheva kammehi apāpakehi
puññehi me laddhamidaṁ vimānaṁ
saccaṁ kirāhaṁsu narā sapaññā
anaññathā vacanaṁ paṇḍitānaṁ
yahiṁ yahiṁ gacchati puññakammo
tahiṁ tahiṁ modati kāmakāmī 1
yahiṁ yahiṁ sokapariddavo ca
vadho ca bandho ca parikkileso
tahiṁ tahiṁ gacchati pāpakammo
na muccati duggatiyā kadāci
sammūḷharūpo va jano ahosi
asmiṁ muhutte kalalīkato ca
janassimassa tuyhañca kumāra
apaccayo kena nu kho ahosi
ime [2]- sirisapavanā [3]- tātā
dibbā [4]- gandhā surabhī pavanti
te sampavāyanti idaṁ vimānaṁ
1 Po. Yu. kāmakāmi. 2 Yu. pisaddo dissati. 3-4 Yu. casaddo dissati.
Divā ca ratto ca tamaṁ nihantvā 1
imesañca kho vassasataccayena
sipāṭikā phalanti ekamekā
mānussakaṁ vassasataṁ atītaṁ
yadagge kāyamhi idhūpapanno
dibbānahaṁ vassasatāni pañca
asmiṁ vimānamhi ṭhatvāna tātā
āyukkhayā puññakkhayā cavissaṁ
teneva sokena pamucchitosmi
kathaṁ nu soceyya tathāvidho so
laddhā vimānaṁ atulaṁ cirāyaṁ
ye cāpi kho ittaraṁ upapanno
ye nūna soceyya parittapuññāti.
Anucchaviṁ ovadiyañca me taṁ
yaṁ maṁ tumhe peyyavācaṁ vadetha
tumheva kho tāta mayānuguttā
yenicchakaṁ tena paletha sotthinti.
Gantvā mayaṁ sindhusovīrabhūmiṁ
dhanatthikā uddayapatthayānā
yathā payogā paripuṇṇacāgā
1 Ma. Yu. nihantā.
Kāhāma serissa mahaṁ uḷāranti.
Mā heva serissa mahaṁ akattha
sabbañca vo bhavissati yaṁ vadetha
pāpāni kammāni vivajjayātha
dhammānuyogañca adhiṭṭhahāthāti.
Upāsako atthi imamhi saṅghe
bahussuto sīlavatūpapanno
saddho ca cāgī ca supesalo ca
vicakkhaṇo santusito mutīmā
sañjānamāno na musā bhaṇeyya
parūpaghātāya na cetayeyya
vebhūtikaṁ pisuṇaṁ no kareyya
saṇhañca vācaṁ sakhilaṁ bhaṇeyya
sagāravo sappatisso vinīto
apāpako adhisīle visuddho
so mātaraṁ pitarañcāpi jantu
dhammena poseti ariyavutti
maññe so mātāpitūnaṁ hi kāraṇā
bhogāni pariyesati na attahetu
mātāpitūnañca yo accayena
Nekkhammapoṇo carissati brahmacariyaṁ
ujū avaṅko asaṭho amāyo
na lesakappena ca vohareyya
so tādiso sukatakammakārī
dhamme ṭhito kinti labhetha dukkhaṁ
taṁkāraṇā 1 pātukatomhi attanā
tasmā ca maṁ passatha vāṇijā se
aññatra te na hi bhasmi bhavetha
addhākulā 2 vippanaṭṭhā araññe
taṁ khippamānena lahuṁ parena
sukho have sappurisena saṅgamoti.
Kinnāma so kiñca karoti kammaṁ
kiṁ nāmadheyyaṁ kiṁ pana tassa gottaṁ
mayampi maṁ daṭṭhukāmamha yakkha
yassānukampāya idhāgatosi
lābhā hi tassa yassa tuvaṁ pihesīti.
Yo kappako sambhavanāmadheyyo
upāsako kocchabhaṇḍūpajīvī
jānātha naṁ tumhākaṁ pesiyo so
1 Yu. kāruṇā. 2 Yu. andhākulā.
Mā ca kho naṁ hīḷittha supesalo soti.
Jānāmase yaṁ tvaṁ vadesi yakkha
na kho taṁ jānāmase edisoti
mayampi naṁ pūjayissāma yakkha
sutvāna tuyhaṁ vacanaṁ uḷāranti.
Ye kecimasmiṁ sabbe manussā
daharā mahantā atha vāpi majjhimā
sabbeva te ālabhantu vimānaṁ
passantu puññānaṁ phalaṁ kadariyāti.
Te tattha sabbeva ahaṁ pureti
taṁ kappakaṁ tattha purakkhitvā
sabbeva te ālabhiṁsu 1 vimānaṁ
masakkasāraṁ viya vāsavassa
te tattha sabbeva ahaṁ pureti
upāsakattaṁ paṭidesayiṁsu 2
pāṇātipātā viratā ahesuṁ
loke adinnaṁ parivajjayiṁsu
amajjapā no ca musā bhaṇiṁsu
sakena dārena ahesuṁ tuṭṭhā
1 Yu. ālambiṁsu. 2 Po. Yu. paṭidesayitvā.
Te tattha sabbeva ahaṁ pureti
upāsakattaṁ paṭidesayitvā
pakkāmi satthā anumodamāno
yakkhiddhiyā anumato punappunaṁ
gantvāna te sindhusovīrabhūmiṁ
dhanatthikā uddayaṁ patthayānā
yathā payogā paripuṇṇalābhā
paccāgamuṁ pātaliputtamakkhataṁ
gantvāna te saṁ gharaṁ sotthivanto
puttehi dārehi samaṅgibhūtā
ānandacittā sumanā patītā
akaṁsu serissa mahaṁ uḷāraṁ
serissakaṁ pariveṇaṁ māpayiṁsu
etādisā sappurisāna sevanā
mahiddhiyā dhammaguṇāna sevanā
ekassa atthāya upāsakassa
sabbeva sattā sukhitā ahesunti.
Serissakavimānaṁ dasamaṁ.

[85] 11 Uccamidaṁ maṇithūṇaṁ vimānaṁ
samantato dvādasa yojanāni
Kūṭāgārā sattasatā uḷārā
veḷuriyatthambhā ruciratthatā subhā
tatthacchasi pivasi khādasi ca
dibbā ca vīṇā pavadanti vaggū
dibbā rasā kāmaguṇettha pañca
nāriyo ca naccanti suvaṇṇachannā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ deva mahānubhāva
manussabhūto kimakāsi puññaṁ
kenāsi evañjalitānubhāvo
vaṇṇo ca te sabbadisā pabhāsatīti.
So devaputto attamano moggallānena pucchito
pañhaṁ puṭṭho viyākāsi yassa kammassidaṁ phalaṁ
dunnikkhittaṁ mālaṁ sunikkhipitvā
patiṭṭhapetvā sugatassa thūpe
mahiddhiko camhi mahānubhāvo
dibbehi kāmehi samaṅgibhūto
tena metādiso vaṇṇo tena me idhamijjhati
uppajjanti ca me bhogā ye keci manaso piyā
Tenamhi evañjalitānubhāvo
vaṇṇo ca me sabbadisā pabhāsatīti.
Sunikkhittavimānaṁ ekādasamaṁ.
Uddānaṁ
dve daliddā dve vihārā bhaṭako gopālakaṇṭhako
anekavaṇṇamaṭṭhakuṇḍalī serissako sunikkhittaṁ
purisānaṁ sattamo vaggoti.
Bhāṇavāraṁ catutthaṁ.
------------------
Suttantapiṭake khuddakanikāyassa
petavatthu
-------
namo tassa bhagavato arahato sammāsambuddhassa.

[86] 1 Khettūpamā arahanto dāyakā kassakūpamā
bījūpamaṁ deyyadhammaṁ etto 1 nibbattate phalaṁ
etaṁ bījaṁ 2 kasikhettaṁ petānaṁ dāyakassa ca
taṁ petā paribhuñjanti dātā puññena vaḍḍhati
idheva kusalaṁ katvā pete ca paṭipūjiya
saggañca kamati ṭhānaṁ kammaṁ katvāna bhaddakanti.
Khettūpamāpetavatthu paṭhamaṁ.

[87] 2 Kāyo te sabbaso vaṇṇo sabbā obhāsate disā
mukhaṁ te sūkarasseva kiṁ kammamakarā 3 pureti 4 .
Kāyena saññato āsiṁ vācāyāsiṁ asaññato
tena metādiso vaṇṇo yathā passasi nārada
tantyāhaṁ nārada brūmi sāmaṁ diṭṭhamidantayā
1 Yu. ogho. 2 Yu. oghabījaṁ. 3 Ma. Yu. kammamakārī. 4 Ma. itisaddo natthi.
Mākāsi mukhasā pāpaṁ mā kho sūkaramukho ahūti.
Sūkarapetavatthu dutiyaṁ.

[88] 3 Dibbaṁ subhaṁ dhāresi vaṇṇadhātuṁ
vehāyasaṁ tiṭṭhasi antalikkhe
mukhañca te kimiyo pūtigandhaṁ
khādanti kiṁ kammamakāsi pubbeti 1 .
Samaṇo ahaṁ pāpo 2 dukkhavāco
tapassirūpo mukhasā asaññato
laddhā ca me tapasā vaṇṇadhātu
mukhañca me pesuniyena pūti.
Tayidaṁ tayā nārada sāmaṁ diṭṭhaṁ
anukampakā ye kusalā vadeyyuṁ
mā pesunaṁ mā ca musā abhāṇi
yakkho tuvaṁ hohisi kāmakāmīti.
Pūtimukhapetvatthu tatiyaṁ.

[89] 4 Yaṅkiñcārammaṇaṁ katvā dajjā dānamamaccharī
pubbe peteva 3 ārabbha atha vā vatthudevatā
cattāro va 4 mahārāje lokapāle yasassino 5
kuveraṁ dhataraṭṭhañca virūpakkhaṁ 6 virūḷhakaṁ
1 Ma. itisaddo natthi. 2 Ma. pāpoti duṭṭhavāco. Sī. pāpo duṭṭhavāco.
3 Ma. pete ca. 4 Ma. Yu. ca. 5 Yu. yasassine. 6 Yu. virūpakkhañca.
Te ceva 1 pūjitā honti dāyakā ca anipphalā.
Na hi ruṇṇaṁ vā soko vā yāvaññā paridevanā
na taṁ petassa atthāya evaṁ tiṭṭhanti ñātayo 2 .
Ayañca kho dakkhiṇā dinnā saṅghamhi suppatiṭṭhitā
dīgharattaṁ hitāyassa ṭhānaso upakappatīti.
Piṭṭhadhītalikapetavatthu catutthaṁ.

[90] 5 Tirokuḍḍesu 3 tiṭṭhanti sandhisiṅghāṭakesu ca
dvārabāhāsu tiṭṭhanti āgantvāna sakaṁ gharaṁ.
Pahūte annapānamhi khajjabhojje upaṭṭhite
na tesaṁ koci sarati sattānaṁ kammapaccayā.
Evaṁ dadanti ñātīnaṁ ye honti anukampakā
suciṁ paṇītaṁ kālena kappiyaṁ pānabhojanaṁ
idaṁ vo ñātīnaṁ hotu sukhitā hontu ñātayo.
Te ca tattha samāgantvā ñātipetā samāgatā
pahūte annapānamhi sakkaccaṁ anumodare
ciraṁ jīvantu no ñātī yesaṁ hetu labhāmase
amhākañca katā pūjā dāyakā ca anipphalā.
Na hi tattha kasi atthi gorakkhettha na vijjati
vaṇijjā tādisī natthi hiraññena kayākayaṁ.
1 Yu. tameva. 2 Ma. ñātakā. 3 Ma. tirokuṭṭesu.
Ito dinnena yāpenti petā kālakatā tahiṁ
unname 1 udakaṁ vuṭṭhaṁ yathā ninnaṁ pavattati
evameva ito dinnaṁ petānaṁ upakappati.
Yathā vārivahā pūrā paripūrenti sāgaraṁ
evameva ito dinnaṁ petānaṁ upakappati.
Adāsi me akāsi me ñātimittā sakhā ca me
petānaṁ dakkhiṇaṁ dajjā pubbe katamanussaraṁ
na hi ruṇṇaṁ vā soko vā yāvaññā paridevanā
na taṁ petassa 2 atthāya evaṁ tiṭṭhanti ñātayo.
Ayañca kho dakkhiṇā dinnā saṅghamhi suppatiṭṭhitā
dīgharattaṁ hitāyassa ṭhānaso upakappati.
So ñātidhammo ca ayaṁ nidassito
petāna pūjā ca katā uḷārā
balañca bhikkhūnamanuppadinnaṁ
tumhehi puññaṁ pasutaṁ anappakanti.
Tirokuḍḍapetavatthu pañcamaṁ.

[91] 6 Naggā dubbaṇṇarūpāsi duggandhā pūti vāyasi
makkhikāhi parikiṇṇā kā nu tvaṁ idha tiṭṭhasīti.
Ahaṁ bhadante petīmhi duggatā yamalokikā
1 maṅgalatthadīpaniyā unnateti dissati. 2 Ma. Yu. petānamatthāya.
Pāpakammaṁ karitvāna petalokaṁ ito gatā 1
kālena pañca puttāni sāyaṁ pañca punāpare
vijāyitvāna khādāmi tepi na honti me alaṁ.
Pariḍayhati dhūmāyati khudāya hadayaṁ mama
pānīyaṁ na labhe pātuṁ passa maṁ byasanaṁ gatanti.
Kinnu kāyena vācāya manasā dukkaṭaṁ kataṁ
kissa kammavipākena puttamaṁsāni khādasīti.
Sapatī me gabbhinī āsi tassā pāpaṁ acetayiṁ
sāhaṁ paduṭṭhamanasā akariṁ gabbhapātanaṁ.
Tassā dvemāsiko gabbho lohitaññeva pagghari
tadassā mātā kupitā mayhaṁ ñātī samānayi
sapathañca maṁ akāresi paribhāsāpayi ca maṁ.
Sāhaṁ ghorañca sapathaṁ musāvādaṁ abhāsiyaṁ 2
puttamaṁsāni khādāmi sacetaṁ pakataṁ 3 mayā.
Tassa kammavipākena musāvādassa cūbhayaṁ
puttamaṁsāni khādāmi pubbalohitamakkhitāti 4 .
Pañcaputtakhādikapetavatthu 5 chaṭṭhaṁ.