[32] 4 Latā ca sajjā pavarā ca devatā
acchimutīrājavarassa sirīmato
sutā ca rañño vessavaṇṇassa dhītā
rājī matī dhammaguṇehi sobhitā 1
pañcettha nāriyo agamaṁsu nhāyituṁ
sītodakaṁ uppaliniṁ sivaṁ nadiṁ
1 Po. Ma. sobhatha.
Tā tattha nhāyitvā ramitvā devatā
naccitvā gāyitvā sutālataṁ bravi
pucchāmi taṁ uppalamāladhārini
āveḷini kāñcanasannibhattace
pītarattāmbakkhi nabheva sobhaṇe
dīghāyukī kena kato yaso tava
kenāsi bhadde patino piyatarā
visiṭṭhakalyāṇitarassa rūpato
padakkhiṇā naccagītavādite
ācikkha no tvaṁ naranāri pucchitāti.
Ahaṁ manussesu manussabhūtā
uḷārabhoge kule suṇisā ahosiṁ
akkodhanā bhattu vasānuvattinī
appamattā uposathe
manussabhūtā daharā apāvikā
pasannacittā patimābhirādhayiṁ
sadevaraṁ sassuraṁ sadāsakaṁ
abhirādhayiṁ tamhi kato yaso mama
sāhaṁ tena kusalena kammunā
catubbhi ṭhānesu visesamajjhagā
Āyuñca vaṇṇañca sukhaṁ balañca
khiddaṁ ratiṁ paccanubhomanappakaṁ
sutaṁ nu taṁ bhāsati yaṁ ayaṁ latā
yaṁ no āpucchimha 1 akittayino
patino kiramhākaṁ visiṭṭhā nārinaṁ
gatī ca nesaṁ pavarā ca devatā
patīsu dhammaṁ paricarāma sabbā
patibbatā yathābhavanti itthiyo
patīsu dhammaṁ paricarāma sabbā
lacchāmase bhāsati yaṁ ayaṁ latā
sīho yathā pabbatasānugocaro
mahindharaṁ pabbatamāvasitvā
pasayha gantvā itare catuppade
khudde mige khādati maṁsabhojano
tatheva saddhā idha ariyasāvikā
bhattāraṁ nissāya patiṁ anubbatā
kodhaṁ vadhitvā anubhuyya maccheraṁ
saggamhi sā modati dhammacārinīti.
Latāvimānaṁ catutthaṁ.

[33] 5 Sattatantiṁ sumadhuraṁ rāmaṇeyyaṁ avācayiṁ
1 Po. Ma. Yu. apucachimha.
Somaṁ raṅgamhi avheti saraṇaṁ me hohi kosiyāti.
Ahaṁ te saraṇaṁ homi ahamācariyapūjako
na taṁ jahissati sisso sissamācariya jessasīti.
Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
vatthuttamadāyikā nāri
pavarā hoti naresu nārīsu
evaṁ piyarūpadāyikā manāpaṁ
dibbaṁ sā labhate upecca ṭhānaṁ
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
Passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
Itaraṁ caturavimānaṁ yathā vatthadāyikavimānaṁ tathā vitthāretabbaṁ.
(1) Abhikkantena vaṇṇena ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
pupphuttamadāyikā nārī
pavarā hoti naresu nārīsu
evaṁ piyarūpadāyikā manāpaṁ
dibbaṁ sā labhate upecca ṭhānaṁ
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
------------
(2) Abhikkantena vaṇṇena yā tvaṁ tiṭṭhasi devate
... Pe ... Osadhī viya tārakā
kena tetādiso vaṇṇo ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
gandhuttamadāyikā nārī
pavarā hoti naresu nārīsu
evaṁ piyarūpadāyikā manāpaṁ
dibbaṁ sā labhate upecca ṭhānaṁ
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
------------
(3) Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
phaluttamadāyikā nārī
pavarā hoti naresu nārīsu
evaṁ piyarūpadāyikā manāpaṁ
dibbaṁ sā labhate upecca ṭhānaṁ
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
------------
(4) Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
rasuttamadāyikā nārī
Pavarā hoti naresu nārīsu
evaṁ piyarūpadāyikā manāpaṁ
dibbaṁ sā labhate upecca ṭhānaṁ
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
--------------
Abhikkantena vaṇṇena yā tvaṁ tiṭṭhasi devate
... Pe ... Osadhī viya tārakā
kena tetādiso vaṇṇo ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
gandhapañcaṅgulikaṁ ahamadāsiṁ
kassapassa bhagavato thūpasmiṁ
tassā me passa vimānaṁ
accharā kāmavaṇṇinīhamasmi
Accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
Itaraṁ caturavimānaṁ yathā gandhapañcaṅgulikaṁ vimānaṁ tathā
vitthāretabbaṁ.
(1) Abhikkantena vaṇṇena ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
bhikkhū cāhaṁ bhikkhuniyo ca
addasāmi panthapaṭipanne
tesāhaṁ dhammaṁ sutvāna
ekūposathaṁ upavasissaṁ
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
(2) Abhikkantena vaṇṇena ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
udake ṭhitā udakaṁ adāsiṁ
bhikkhuno cittena vippasannena
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
----------------
(3) Abhikkantena vaṇṇena ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
sassuñcāhaṁ sassure ca
caṇḍike kodhane ca pharuse ca
anussuyyikā upaṭṭhāsiṁ
Appamattā sakena sīlena
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
-----------------
(4) Abhikkantena vaṇṇena ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kasmassidaṁ phalaṁ
parakammakārinī 1 āsiṁ
atthenātanditā dāsī
akkodhanā anatimānī 2
saṁvibhāginī sakassa bhāgassa
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
1 Po. Ma. parakammakārī. yu parakammakāri. 2 Ma. nātimāninī.
Passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
-----------------
Abhikkantena vaṇṇena yā tvaṁ tiṭṭhasi devate
... Pe ... Osadhī viya tārakā
kena tetādiso vaṇṇo ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
khīrodanamahaṁ adāsiṁ
bhikkhuno piṇḍāya carantassa
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
Tesu pañcavīsativimānaṁ yathā khīrodanadāyikāvimānaṁ tathā vitthāretabbaṁ.
Abhikkantena vaṇṇena ... Pe ...
Vaṇṇo ca te sabbadisā pabhāsatīti.
Sā devatā attamanā moggallānena pucchitā
... Pe ... Yassa kammassidaṁ phalaṁ
(1) phāṇitaṁ ahamadāsiṁ
(2) ucchukhaṇḍikaṁ ... Pe ...
(3) Timbarūsakaṁ
(4) kakkārukaṁ 1
(5) eḷālukaṁ
(6) vallīpakkaṁ 2
(7) phārūsakaṁ
(8) hatthappatāpakaṁ
(9) sākamuṭṭhiṁ
(10) pupphakamuṭṭhiṁ
(11) mūlakaṁ
(12) nimbamuṭṭhiṁ
(13) ambakañjikaṁ
(14) doṇinimmujjanaṁ 3
(15) kāyabandhanaṁ
(16) aṁsabandhakaṁ 4
1 Ma. Yu. kakkārikaṁ. 2 Ma. Yu. valliphalaṁ. 3 ma ... nimmajjaniṁ. 4 Po. Ma.
aṁsabaddhakaṁ. Yu. aṁsavaṭṭakaṁ.
(17) Ayogapattaṁ
(18) vidhūpanaṁ
(19) tālapaṇṇaṁ 1
(20) morahatthaṁ
(21) chattaṁ
(22) upāhanaṁ
(23) pūvaṁ
(24) modakaṁ
(25) sakkhaliṁ 2
bhikkhuno piṇḍāya carantassa
tassā me passa vimānaṁ
accharā kāmavaṇṇinīhamasmi
accharāsahassāhaṁ pavarā
passa puññānaṁ vipākaṁ
tena metādiso vaṇṇo ... Pe ...
Vaṇṇo ca me sabbadisā pabhāsatīti.
Svāgataṁ vata me ajja suppabhātaṁ suhuṭṭhitaṁ
yaṁ addasaṁ devatāyo accharā kāmavaṇṇiniyo
tāsāhaṁ dhammaṁ sutvāna kāhāmi kusalaṁ bahuṁ
dānena samacariyāya saṁyamena damena ca
sāhaṁ tattha gamissāmi yattha gantvā na socareti.
Guttilavimānaṁ pañcamaṁ.
1 Ma. Yu. tālavaṇṭhaṁ. 2 Ma. sakkhalikaṁ.

[34] 6 Daddallamānā vaṇṇena yasassā ca yasassinī
sabbe deve tāvatiṁse vaṇṇena atirocasi
dassanaṁ nābhijānāmi idaṁ paṭhamadassanaṁ
kasmā kāyā nu āgamma nāmena bhāsase mamanti.
Ahaṁ bhadde subhaddāsiṁ pubbe mānusake bhave
sahabhariyā ca te āsiṁ bhaginī ca kaniṭṭhakā
sāhaṁ kāyassa bhedāya vippamuttā tato cutā
nimmānaratīdevānaṁ upapannā sahabyatanti.
Pahūtakatakalyāṇā te deve yanti pāṇino
yesaṁ tvaṁ kittayissasi subhadde jātimattano
kathaṁ tvaṁ kena vaṇṇena kena vā anusāsitā
kīdiseneva dānena subbatena yasassinī
yasaṁ etādisaṁ pattā visesaṁ vipulamajjhagā
devate pucchitācikkha kissa kammassidaṁ phalaṁ (iti).
Aṭṭheva piṇḍapātāni yaṁ dānaṁ adadaṁ pure
dakkhiṇeyyassa saṅghassa pasannā sakehi pāṇihi
tena metādiso vaṇṇo ... Pe ...
Vaṇṇo ca me sabbadisā pabhāsatīti.
Ahaṁ tayā bahutare bhikkhū saññate brahmacārino
tappesiṁ annapānena pasannā sakehi pāṇihi
Tayā bahutaraṁ datvā hīnakāyūpagā ahaṁ
kathaṁ tvaṁ appataraṁ datvā visesaṁ vipulamajjhagā
devate pucchitācikkha kissa kammassidaṁ phalaṁ (iti).
Manobhāvanīyo bhikkhu sandiṭṭho me pure ahu
tāhaṁ bhattena nimantesiṁ revataṁ attanaṭṭhamaṁ
so me atthapurekkhāro anukampāya revato
saṅghe dehīti maṁ avoca tassāhaṁ vacanaṁ kariṁ
sā dakkhiṇā saṅghagatā appameyyā patiṭṭhitā
puggalesu tayā dinnaṁ na taṁ tava mahapphalanti.
Idānevāhaṁ jānāmi saṅghe dinnaṁ mahapphalaṁ
sāhaṁ gantvā manussattaṁ vadaññū vītamaccharā
saṅghe dānaṁ dassāmihaṁ appamattā punappunanti.
Kā esā devatā bhadde tayā mantayate saha
sabbe deve tāvatiṁse vaṇṇena atirocati (iti).
Manussabhūtā devinda pubbe mānusake bhave
sahabhariyā ca me āsi bhaginī ca kaniṭṭhakā 1
saṅghe dānāni datvāna katapuññā virocati (iti).
Dhammena pubbe bhaginī tayā bhadde virocasi
yaṁ saṅghasmiṁ appameyye patiṭṭhāpesi dakkhiṇaṁ
pucchito hi mayā buddho gijjhakūṭasmiṁ pabbate
1 Ma. yu kaniṭṭhikā.
Vipākaṁ saṁvibhāgassa yattha dinnaṁ mahapphalaṁ
yajamānānaṁ manussānaṁ puññapekkhāna pāṇinaṁ
karontaṁ 1 opadhikaṁ puññaṁ yattha dinnaṁ mahapphalaṁ
taṁ me buddho viyākāsi jānaṁ kammaphalaṁ sakaṁ
vipākaṁ saṁvibhāgassa yattha dinnaṁ mahapphalaṁ
cattāro ca paṭipannā cattāro ca phale ṭhitā
esa saṅgho ujubhūto paññāsīlasamāhito
yajamānānaṁ manussānaṁ puññapekkhāna pāṇinaṁ
karontaṁ 1 opadhikaṁ puññaṁ saṅghe dinnaṁ mahapphalaṁ
eso hi saṅgho vipulo mahaggato
esappameyyo udadhīva sāgaro
ete hi seṭṭhā naraviriyasāvakā
pabhaṅkarā dhammakathaṁ udīrayanti
tesaṁ sudinnaṁ suhutaṁ suyiṭṭhaṁ
ye saṅghamuddissa dadanti dānaṁ
sā dakkhiṇā saṅghagatā patiṭṭhitā
mahapphalā lokavidūhi vaṇṇitā
etādisaṁ puññamanussarantā
ye vedajātā vicaranti loke
vineyya maccheramalaṁ samūlaṁ
1 karotantipi dissati.
Aninditā saggamupenti ṭhānanti.
Daddallavimānaṁ chaṭṭhaṁ.

[35] 7 Phalikarajatahemajālacchannaṁ
vividhavicitratalamaddasaṁ surammaṁ
byamhaṁ sunimmitaṁ toraṇūpapannaṁ
rucakūpakiṇṇamidaṁ subhaṁ vimānaṁ
bhāti ca dasa disā nabheva suriyo
sarade tamanudo sahassaraṁsī
tathā tapatimidaṁ tava vimānaṁ
jalamiva dhūmasikho nise nabhagge
musatīva nayanaṁ sateritāva
ākāse ṭhapitamidaṁ manuññaṁ
vīṇāmurajasammatāḷaghuṭṭhaṁ
iddhaṁ indapuraṁ yathā tava yidaṁ
padumakumudauppalakuvalayaṁ
yothikābhaṇḍikānojakā ca santi
sālakusumitapupphitā asokā
vividhadumaggasugandhasevitamidaṁ
salaḷalabujasujakasaṁyuttā
Kusakasuphullitalatāvalambinīhi
maṇijālasadisā yasassinī
rammā pokkharaṇī upaṭṭhitā te
udakaruhā ca yetthi pupphajātā
thalajā ye ca santi rukkhajātā
mānussakā amānussakā ca dibbā
sabbe tuyhaṁ nivesanamhi jātā
kissa samadamassa 1 ayaṁ vipāko
kenāsi kammaphalenidhūpapannā
yathā ca te adhigatamidaṁ vimānaṁ
tadanupadaṁ avacāsi āḷārapakhumeti.
Yathā ca me adhigatamidaṁ vimānaṁ
koñcamayuracakorasaṅghacaritaṁ
dibyapilavahaṁsarājaciṇṇaṁ
dijakāraṇḍavakokilābhināditaṁ
nānāsantānakapuppharukkhavividhā
pāṭalijambuasokarukkhavantaṁ
yathā ca me adhigatamidaṁ vimānaṁ
1 Ma. saññamadamassayaṁ.
Tante pavedissāmi suṇohi bhante
magadhavarapuratthimena
nāḷakagāmako nāma atthi bhante
tattha ahosiṁ pure suṇisā
sesavatīti tattha jāniṁsu mamaṁ
sāhaṁ apacitatthadhammakusalaṁ
devamanussapūjitaṁ mahantaṁ
upatissaṁ nibbutaṁ appameyyaṁ
muditamanā kusumehi abbhokiriṁ
paramagatigatañca pūjayitvā
antimadehadharaṁ isiṁ uḷāraṁ
pahāya mānusakaṁ samussayaṁ
tidasāgatā idhamāvasāmi ṭhānanti.
Sesavatīvimānaṁ sattamaṁ.

[36] 8 Pītavatthe pītadhaje pītālaṅkārabhūsite
pītantarāhi vaggūhi apilandhā va sobhasi
kā kambukāyuradhare kañcanāveḷabhūsite
hemajālakasañchanne nānāratanamālinī
sovaṇṇamayā lohitaṅkamayā ca
Muttāmayā veḷuriyāmayā ca
masāragallā sahalohitaṅkā
pārevatakkhīhi maṇīhi cittatā
koci koci ettha mayūrasussaro
haṁsassa rañño karavīkasussaro
tesaṁ saro suyyati vaggurūpo
pañcaṅgikaṁ turiyamivappavāditaṁ
ratho ca te subho vaggū 1 nānāratanacittaṅgo 2
nānāvaṇṇīhi dhātūhi suvibhatto va sobhati
tasmiṁ rathe kāñcanabimbavaṇṇe
yattha ṭhitā bhāsasimaṁ padesaṁ
devate pucchitācikkha kissa kammassidaṁ phalanti.
Sovaṇṇajālaṁ 3 maṇisoṇṇacittaṁ
muttācittaṁ hemajālena channaṁ
parinibbute gotame appameyye
pasannacittā ahamābhiropayiṁ
tāhaṁ kammaṁ karitvāna kusalaṁ buddhavaṇṇitaṁ
apetasokā sukhitā sampamodāmanāmayāti.
Mallikāvimānaṁ aṭṭhamaṁ.
1 Ma. Yu. vaggu. 2 Ma. Yu. nānāratanacittito. 3 Ma. maṇisoṇṇacittitaṁ.
Po. maṇisovaṇṇacittaṁ.

[37] 9 Kā nāma tvaṁ visālakkhī ramme cittalatāvane
samantā anupariyāsi nārīgaṇapurakkhitā
yadā devā tāvatiṁsā pavisanti imaṁ vanaṁ
sayoggā sarathā sabbe citrā honti idhāgatā
tuyhañca idha pattāya uyyāne vicarantiyā
kāyena dissati cittaṁ kena rūpaṁ tavedisaṁ
devate pucchitācikkha kissa kammassidaṁ phalaṁ (iti .)
yena kammena devinda rūpaṁ mayhaṁ gatī ca me
iddhī ca ānubhāvo ca taṁ suṇohi purindada
ahaṁ rājagahe ramme sunandā nāma upāsikā
saddhāsīlena sampannā saṁvibhāgaratā sadā
acchādanañca bhattañca senāsanaṁ padīpiyaṁ
adāsiṁ ujubhūtesu vippasannena cetasā
cātuddasiṁ pañcadasiṁ yā ca pakkhassa aṭṭhamī
pāṭihāriyapakkhañca aṭṭhaṅgasusamāgataṁ
uposathaṁ upavasiṁ sadā sīle susaṁvutā
pāṇātipātā viratā musāvādā ca saññatā
theyyā ca aticārā ca majjapānā ca ārakā
pañcasikkhāpade ratā ariyasaccāna kovidā
upāsikā cakkhumato gotamassa yasassino
Tassā me ñātikulaṁ āsi sadā mālābhihārati
tāhaṁ bhagavato thūpe sabbamevābhiropayiṁ
uposathevahaṁ gantvā mālāgandhavilepanaṁ
thūpasmiṁ abhiropesiṁ pasannā sakehi pāṇihi
tena kammena devinda rūpaṁ mayhaṁ gatī ca me
iddhī ca ānubhāvo ca yañca mālābhiropayiṁ
yañca sīlavatī āsiṁ na taṁ tāva vipaccati
āsā ca pana me devinda sakadāgāminī siyanti.
Visālakkhivimānaṁ navamaṁ.

[38] 10 Pārichattake koviḷāre ramaṇīye manorame
dibbamālaṁ ganthamānā gāyantī sampamodasi
tassā te naccamānāya aṅgamaṅgehi sabbaso
dibbā saddā niccharanti savanīyā manoramā
tassā te naccamānāya aṅgamaṅgehi sabbaso
dibbā gandhā pavāyanti sucigandhā manoramā
vivattamānā kāyena yā veṇīsu pilandhanā
tesaṁ suyyati nigghoso turiye pañcaṅgike yathā
vaṭaṁsakā vātadhūtā vātena sampakampitā
tesaṁ suyyati nigghoso turiye pañcaṅgike yathā
yāpi te sirasmiṁ mālā sucigandhā manoramā
Vāti gandho disā sabbā rukkho mañjūsako yathā
ghāyase taṁ sucigandhaṁ rūpaṁ passasi amānusaṁ
devate pucchitācikkha kissa kammassidaṁ phalaṁ (iti .)
pabhassaraṁ acchimantaṁ vaṇṇagandhena saññutaṁ
asokapupphamālāhaṁ buddhassa upanāmayiṁ
tāhaṁ kammaṁ karitvāna kusalaṁ buddhavaṇṇitaṁ
apetasokā sukhitā sampamodāmanāmayāti.
Pārichattakavimānaṁ dasamaṁ.
Uddānaṁ
uḷāraṁ ucchupallaṅkaṁ 1 latā ca guttilena ca
daddalla sesavatī mallī visālakkhi pārichattako
vaggo tena pavuccatīti.
Pārichattakavaggo tatiyo.
--------------
Catuttho mañjiṭṭhakavaggo

[39] 1 Mañjiṭṭhake 2 vimānasmiṁ sovaṇṇavālukasanthate
pañcaṅgikena turiyena ramasi suppavādite
tamhā vimānā oruyha nimmitā ratanāmayā
1 Ma. uḷāro. uchupallaṅko. 2 Yu. mañjeṭṭhake .pe.
Ogāhasi sālavanaṁ pupphitaṁ sabbakālikaṁ
yassa yasseva sālassa mūle tiṭṭhasi devate
so so muñcati pupphāni onamitvā dumuttamo
vāteritaṁ sālavanaṁ ādhutaṁ dijasevitaṁ
vāti gandho disā sabbā rukkho mañjūsako yathā
ghāyase taṁ sucigandhaṁ rūpaṁ passasi amānusaṁ
devate pucchitācikkha kissa kammassidaṁ phalanti.
Ahaṁ manussesu manussabhūtā
dāsī ayyirakule 1 ahuṁ
buddhaṁ nisinnaṁ disvāna sālapupphehi okiriṁ
vaṭaṁsakañca sukataṁ sālapupphamayaṁ ahaṁ
buddhassa upanāmesiṁ pasannā sakehi pāṇihi
tāhaṁ kammaṁ karitvāna kusalaṁ buddhavaṇṇitaṁ
apetasokā sukhitā sampamodāmanāmayāti.
Mañjiṭṭhakavimānaṁ paṭhamaṁ.

[40] 2 Pabhassavaravaṇṇanibhe
surattavatthanivāsane
mahiddhike candanaruciragatte
kā tvaṁ subhe devate vandase mamaṁ
pallaṅko ca te mahaggho
1 Ma. ayirakule. Yu. ayyarakule. 2 Yu. candara ....
Nānāratanacittito ruciro
yattha tvaṁ nisinnā virocasi
devarājāriva nandane vane
kiṁ tvaṁ pure sucaritamācari bhadde
kissa kammassa vipākaṁ anubhosi
devalokasmiṁ devate pucchitācikkha
kissa kammassidaṁ phalanti.
Piṇḍāya te carantassa
mālaṁ phāṇitañca adadaṁ bhante
tassa kammassidaṁ vipākaṁ
anubhomi devalokasmiṁ
hoti ca me anutāpo
aparādhaṁ 1 dukkhitañca me bhante
sāhaṁ dhammaṁ nāssosiṁ
sudesitaṁ dhammarājena
taṁ taṁ vadāmi bhaddante
yassa me anukampiyo
koci dhammesu taṁ samādapetha
sudesitaṁ dhammarājena
yesaṁ atthi saddhā buddhe
1 Ma. Yu. aparaddhaṁ.
Dhamme ca saṅgharatane ca
te maṁ ativirocanti
āyunā yasasā siriyā
patāpena vaṇṇena uttaritarā
aññe mahiddhikatarā mayā devāti.
Pabhassaravimānaṁ dutiyaṁ.

[41] 3 Alaṅkatā kanakakañcanācitaṁ 1
suvaṇṇajālacittaṁ mahantaṁ
abhiruyha gajavaraṁ sukappitaṁ
idhāgamā vehāsayaṁ antalikkhe
nāgassa dantesu duvesu nimmitā
acchodakā paduminiyo suphullā
padumesu 2 turiyagaṇā pavajjare 3
imā ca naccanti manoharāyo
deviddhipattāsi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
1 Ma. maṇikañcanācitaṁ. Po. Yu. maṇikanakañcanācitaṁ. 2 Yu. casaddo dissati.
3 Ma. pabhijjare.
Bārāṇasiyaṁ upasaṅkamitvā
buddhassāhaṁ vatthayugaṁ adāsiṁ
pādāni vanditvā chamā nisīdiṁ
cittāva 1 taṁ añjalikaṁ akāsiṁ
buddho ca me kañcanasannibhattaco
adesayi samudayadukkhaniccataṁ
asaṅkhataṁ 2 dukkhanirodhasaccaṁ
maggaṁ adesayi yato vijānissaṁ
appāyukī kālakatā tato cutā
upapannā tidasānaṁ 3 yasassinī
sakkassāhaṁ aññatarā pajāpati
yasuttarā nāma disāsu vissutāti.
Nāgavimānaṁ tatiyaṁ.